Hechos 12:19 - Nuevo Testamento Uwotjüja

¹⁹ Ja̧'wa̧nü̧ ja̧'a̧, Herode-mä̧ ttusäjarü pä'ü weäja'anä̧, ttü̧'o̧kui̧'i̧yo̧ko̧ku̧ pä̧ji̧'ka̧mä̧, kuä'ü ttikuarü pä'ü we'inü̧. Pi̧yȩ o'ka'a Herode-mä̧, Judea rȩjȩra̧'a̧ttü̧ rä'opächäji̧'ka̧mä̧, Cesarea-ra̧'a̧tä̧ kki̧'i̧pi̧nü̧.

TÄ̧DO Ä̧CUÄ̧ I̧HUȨNȨ

¹⁹ Herodes Pedrorö ttusa pä'ö hueäjä̧u̧ ttusomenä, po̧cui̧po̧co̧tö̧ pi̧nä̧tö̧do. Ja̧'hua̧ ja̧'a̧ Herodes su̧ro̧da̧u̧ Pedrorö tta̧'ä̧rä̧jä̧tö̧rö̧ jä'epö ä̧ju̧cuä̧ji̧'ca̧, hue'inödo jahuätörö cuä'ö tticua pä'ö. Herodes ja̧'hua̧nö̧ jȩpä̧ji̧'ca̧, Judea rȩjȩttö̧ rä'opächö Cesarea ötahuiyära̧'a̧ i̧hui̧nö̧do juhua'atä ö̧ja̧ pä'ö.

Hechos 12:19 Referans Kwoze

Hechos 16:27

Kärenä̧ pȩjä̧tü̧rü̧ tta̧'a̧rä̧ji̧mä̧ porächi'ü toomȩnä̧ äpatiyä bawekuäkuäwänü̧ kka̧kui̧yä̧ku̧, ukurodä ȩmä̧wo̧'i̧nü̧ kuä'äkuäu ikua pä'ü, kärenä̧ pȩjä̧jä̧tü̧mä̧ rä'ekuächäjätükü̧ pä'ü.

Hechos 21:8

Kkoro mo̧ro̧mä̧, Pauru'i̧nä̧, jua̧u̧tä̧ku̧ kue'ächätü'i̧nä̧ rä'opinä̧tü̧jä̧, Cesarea ütawiyära̧'a̧ku̧. Jua'attümä̧ Felipe Jareü Wȩnȩ jiäkuäwä i̧sa̧ ojusodenä̧ rȩbȩä̧kuä̧wä̧jä̧'kotü kka̧kui̧nä̧tü̧jä̧. Jua̧u̧mä̧ Apótore-rü ppä'ädä̧rä̧'i̧jä̧tü̧, sietenü̧ wotü i̧sa̧ ji̧na̧'a̧.

Hechos 12:6

Herode-mä̧ jua̧u̧nu̧tä̧ yodó, ttü̧ja̧ ttä'ka jo̧mȩ i̧jȩpa̧rü̧ pä'ü räepa päjaku ja̧'a̧, Peduru-mä̧ su̧ro̧do̧u̧ ta̧ju̧ ttü̧'kä̧tȩ jo̧mȩ pi̧nü̧, kä̧rȩnä̧sa̧nä̧ ti̧'ä̧dü̧ rütäwa'a, kkorotümä̧ kärenä̧ pä̧kuä̧wode äpate ä'ka tta̧ttä̧ra̧'a̧nä̧.

Hechos 12:4

Herode-mä̧ Peduru-rü 'chuttädünä̧ su̧ro̧do̧u̧ru̧ we'äji̧'ka̧ pa̧ja̧kuä̧nü̧ osa pünä̧ tta̧ttä̧rü̧nä̧ we'ü ütinä̧ku̧. Pacua o'ka'a päi'omȩ ttü̧ja̧ ttä'ka jo̧mȩ i̧jȩpa̧ pä'ü amükuädü jȩpi̧nü̧.

Hechos 8:40

Ja̧'wa̧nü̧ jä̧ja̧'a̧mä̧, Felipe-mä̧ Azoto pä'ü miku ütawiyänä̧ 'kuä'opü, jareü wȩnȩ ji'äwinü̧ ütawiyä pünä̧ Cesarea-bü kä'ädü.

San Mateo 2:13

Juätü tti̧wi̧'i̧'ä̧ji̧ o'ka'a, Tu̧ru̧wa̧ u̧mü̧wä̧ya̧ á̧gȩ, José-rü u̧'kuo̧ti̧nä̧ i̧jȩku̧ pä'inü̧: Ä̧rä̧mi̧'ü̧, ji̧'chi̧cha̧wa̧rü̧ ja̧ju̧tä̧ku̧ ȩmi̧pü̧ Egito-ra̧'a̧ tü'ipächi; Herode-mä̧ ji̧'chi̧cha̧wa̧rü̧ kuä'ü ikua pä'ü u̧sä̧kua̧, jua'atä ku̧ja̧jä̧ jidäwomȩbü päi'ünä̧.

Hechos 27:42

Ja̧'wa̧nü̧ päi'i̧yä̧u̧ su̧ro̧do̧u̧mä̧, kärenä̧ pȩjä̧tü̧ ttȩpä̧u̧ru̧ kuä'äu ttikua pä'ü amükuädinä̧tü̧, kuo'ü düttekuächü juiyünä̧.

Hechos 25:13

A̧'u̧ku̧nä̧tä̧ mo̧ro̧ 'kuäopäji o'ka'a, ru̧wa̧ rey Agripa-mä̧, Berenice-ku Cesarea ütawiyära̧'a̧ ichinä̧tü̧ Feto-rü te'äu.

San Mateo 2:16

Herode-mä̧, mo̧ro̧jä̧ jäwä wo̧juä̧tü̧ ttüyaparewäku wo̧jui̧'ü̧ rü̧ȩnä̧ a̧mi̧ surächi'äku, ppo̧'ä̧tü̧ todäre a̧'ȩ dȩ'a̧'a̧ku̧ wotürümä̧, Berȩ́ ütawiyänä̧ kka̧kuä̧tü̧rü̧'i̧nä̧, jäyänä̧ kka̧kuä̧tü̧rü̧'i̧nä̧ o'katoi'ünä̧rü̧ kuä'äu ttikua pä'ü we'inü̧, mo̧ro̧jä̧ jäwä wo̧juä̧tü̧ jittäwäjittü amükuädü topü.

San Mateo 2:1

Herode Rey ru̧wa̧ weü pä̧nä̧, Jesú-mä̧ Berȩ́ ütawiyä, Judea rȩjȩttü̧ uwäpächomȩnä̧, mo̧ro̧jä̧ jäwä wo̧juä̧tü̧, kkä̧wa̧ räopa'akuttü Jerusarȩ́ ütawiyära̧'a̧ rȩbȩä̧kuä̧wi̧nä̧tü̧,

Hechos 12:18

Ja̧'wa̧nü̧ ja̧'a̧ mo̧ro̧ juomȩnä̧mä̧, su̧ro̧do̧u̧mä̧ Peduru päjimä̧ ¿toku jä̧ja̧'a̧jo pä'ü juo'ekuinä̧tü̧?