Hechos 12:10 - Nuevo Testamento Uwotjüja

¹⁰ Ja̧'wa̧nü̧ ja̧'a̧, su̧ro̧do̧u̧ru̧mä̧ ä̧kuo̧mȩnä̧ tta̧'ä̧rä̧tü̧rü̧'i̧nä̧, juȩnȩ o'komȩnä̧ tta̧'ä̧rä̧tü̧rü̧'i̧nä̧, 'kuä'o'äjä'kotü, u̧mi̧ku̧ räokuate kuoräukätä jate'i̧nä̧, tti̧'chi̧'o̧mȩnä̧, ja̧'a̧tä̧tä̧ bawekuächina̧'a̧; ja̧'wa̧nü̧ päia'anä̧ rä'opächäjä'kotü, mä̧nä̧mä̧ ji̧mä̧tȩ 'kuättopäji o'ka'a, á̧gȩ-mä̧ kkatätä ü̧ji̧pa̧'a̧nä̧, ji̧ȩ'i̧nä̧ku̧.

TÄ̧DO Ä̧CUÄ̧ I̧HUȨNȨ

¹⁰ Su̧ro̧da̧u̧ äcuomenä pȩjä̧tö̧rö̧'i̧nä̧ 'cuä'opinätödo. Ju̧huȩnȩ pabocunä pȩjä̧tö̧rö̧'i̧nä̧ 'cuä'opinätödo. Cuoräu äpate rö̧ate, ötahuiyära̧'a̧ 'chä̧nö̧ räocuate ä'ca isodä, bahuecuächina'ado. Rä'opächö 'chi̧nä̧tö̧do mä̧nä̧nä̧. A̧'u̧cuo̧mȩtä̧ tti̧'chi̧'o̧mȩnä̧, ángel 'quȩ'i̧pä̧chi̧nö̧do.

Hechos 12:10 Referans Kwoze

Hechos 5:19

Ja̧'wa̧nü̧ ja̧'a̧nä̧, ya̧tȩ á̧gȩ Dio wȩ'ä̧wa̧ kärenä̧ rütäwode äpate, yodó ba'epü rä'epü iku päinä̧u̧:

Hechos 16:26

Ja̧'wa̧nü̧ ja̧'a̧ ttu̧ni̧chä̧ra̧'a̧nä̧ kärenä̧ pä̧kuä̧wode kkada'ka rü̧ȩnä̧ tti̧ȩpi̧na̧'a̧. Ja̧'wa̧nü̧ päi'omȩnä̧, äpatiyä o'kajuiyünä̧ bawekuächa'attü, kärenä̧ pȩjä̧tü̧rü̧ ti̧ä̧dä̧kuä̧wä̧ o̧sa̧'i̧nä̧ ejächipina̧'a̧.

San Juan 20:19

Semana-ttü̧ ä̧kuo̧mȩnä̧ mo̧ro̧, ni̧pä̧cho̧mȩnä̧ u̧wo̧juȩtä̧u̧mä̧, judío-rü ye'eku äpate ppe'tädü ikuäwa'a ka̧ka̧kuä̧jä̧'kotü ttü̧'ȩja̧'a̧, Jesú-mä̧ do'ächi'ü, u̧wo̧juȩtä̧u̧ ttü̧'ȩjo̧mȩ kkä'ko kkä̧mä̧dü̧ te'äu päinä̧u̧: —¡Wȩnȩ juiyü jäwä ukunä̧ kka̧ pä'üsä!

Apocalipsis 3:7

«Ja̧'wa̧ta̧nü̧ Firadefia-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: Pa̧'a̧nü̧ pä'ü surojü jui̧'a̧mä̧ ja̧'wa̧ta̧nü̧ jueü wȩnȩ ukuokumä̧, ru̧wa̧ Dawi üäre yäwi kku̧nä̧rü̧mä̧, bawepomȩnä̧'i̧nä̧ ya̧tȩ'i̧nä̧ mü̧'ȩpü̧ juiyünä̧ wa̧mä̧ ja̧'wa̧ta̧nü̧ mü̧ȩpo̧mȩnä̧'i̧nä̧ ya̧tȩ'i̧nä̧ bawepü juiyünä̧ wa̧mä̧ pä'ü:

Hechos 12:4

Herode-mä̧ Peduru-rü 'chuttädünä̧ su̧ro̧do̧u̧ru̧ we'äji̧'ka̧ pa̧ja̧kuä̧nü̧ osa pünä̧ tta̧ttä̧rü̧nä̧ we'ü ütinä̧ku̧. Pacua o'ka'a päi'omȩ ttü̧ja̧ ttä'ka jo̧mȩ i̧jȩpa̧ pä'ü amükuädü jȩpi̧nü̧.

San Juan 20:26

Kko̧ro̧mü̧ttü̧nü̧ wäbodäkuä mo̧ro̧ o'ka'a, u̧wo̧juȩtä̧u̧mä̧ ka̧ka̧kuä̧jä̧'kotü isode jakuä ttü̧'ȩja̧'a̧ Tomá'i̧nä̧ pi̧nü̧; äpatemä̧ 'kiyünä̧ mü̧ȩkua̧'a̧ ja̧'a̧nä̧, Jesú-mä̧ do'ächi'ü, kkä'ko kkä̧mä̧dü̧, te'äu päinä̧u̧: —¡Wȩnȩ juiyü jäwä ukutunä̧ kka̧ pä'üsä!