Hechos 11:26 - Nuevo Testamento Uwotjüja

²⁶ Ja̧'wa̧nü̧ ja̧'a̧, juorü igresia jü̧nä̧ wotükumä̧, ya'ute año jo̧mȩnä̧ kka̧kui̧nä̧tü̧, rekuätürü wo̧juȩtü̧; Juorü Antioquía-ttü ji̧na̧'a̧, ä̧kuo̧mȩnä̧ Jesucrito-rü esetätürü, critiano pä'ü ottina̧'a̧mä̧.

TÄ̧DO Ä̧CUÄ̧ I̧HUȨNȨ

²⁶ Ya'ute a̧'ȩ 'cuäo'i'önä iglesia ruhuäcu ka̧cui̧nä̧tö̧do. Recuätörö huo̧juȩti̧nä̧tö̧do. Ju̧huȩnȩtä̧ Antioquía ötahuiyänä Jesucristorö esetätörö äcuomenä o'inätödo Cristo umöhuäyotö pä'ö.

Hechos 11:26 Referans Kwoze

1 Pedro 4:16

Crito-rü esetinomȩttü̧ usurä ȩmä̧u̧mä̧, udäpeku juiyü'anü̧ ja̧'a̧, ttudäpekuajueimä̧ Dio i̧mi̧ ȩpü̧tä̧ eseu.

Hechos 26:28

Agripa-mä̧ ädätinü̧: —Crito-rü chesetü'anü̧ päi'ünä̧ kukuokuäkusä.

1 Juan 2:27

Ukuturumä̧ pä'üsä, täkü Chutä mȩ'ü̧ 'kȩpi̧nä̧u̧ kuätukua'amä̧ rekuä rü̧jo̧ko̧u̧jä̧ kkorotü ttu̧wo̧juȩtä̧tu̧kua̧ku̧ pä'ümä̧. Jua̧u̧ 'kȩ'ȩpü̧ ȩmi̧nü̧mä̧ ji̧nä̧so ji̧yȩtä̧ ja̧'a̧, yapare wȩnȩmä̧kü̧, jua̧u̧mä̧ o'kajuiyütä wo̧juȩtü̧. Chutä u̧wo̧juȩti̧nü̧ta̧'a̧nü̧, Chunä̧tä̧ kka̧kuä̧tu̧kui̧.

1 Pedro 4:14

Ukuturu eseäkuäwä kka̧'a̧, Crito jäwänä̧ suronä̧ pättä'chäkurumä̧, jua'amä̧ ukuo'i̧nä̧ Dio a̧'kua̧rü̧ i̧sa̧'i̧nä̧ ukutunä̧ ü̧ja̧'a̧ttü̧.

Efesios 3:15

jua̧u̧ttü̧tä̧ ȩmä̧tü̧ tti̧mi̧pi̧yä̧mä̧, mo̧ro̧jä̧nä̧ kka̧kuä̧tü̧'i̧nä̧, pi̧jä̧nä̧ kka̧kuä̧tü̧'i̧nä̧ o'katoi'ünä̧.

1 Corintios 14:23

Isopäi'ünä̧ igresia isotü ka̧ka̧kui̧'ä̧jä̧'kotü ttü̧'ȩjo̧mȩ, ya̧tȩ jȩru̧pa̧, Dio-rü esetokü, o'katoi'ünä̧ tti̧wȩnȩ pünä̧ ttukuokua'a do'ächi'ü ä̧ju̧ku̧ttü̧mä̧ ¿jitüjamä̧ tä̧'ä̧mä̧kuä̧wä̧tü̧ ja̧'a̧, pä'ümä̧ amükuädokü tä̧jí̧?

1 Corintios 12:12

Ja̧'wa̧ta̧nü̧ ttü̧ja̧sa̧ ya̧tȩnä̧tä̧mä̧, rü̧ȩnä̧ todewa'a jua̧u̧ru̧ ppädümä̧: i'äre'i̧nä̧, ä'i̧nä̧, üjo'i̧nä̧, rü̧ȩnä̧, ttü̧ja̧sa̧mä̧ ya̧tȩtä̧ ja̧'a̧nä̧. Ja̧'wa̧nü̧ jü̧ta̧'a̧nü̧ o'katoi'ünä̧ ji̧nä̧ ji̧yȩtȩnä̧tä̧ todewa'a, Jesucrito-nä̧mä̧.

1 Corintios 11:18

Ä̧kuo̧mȩnä̧mä̧ pä'üsä, ukutu igresia isotü ku̧ka̧ka̧kui̧'ä̧tu̧kuo̧mȩnä̧mä̧, pä'ä'chäkuäu 'kȩkui̧pä̧chä̧tu̧ku̧ ä̧ju̧ku̧; ja̧'wa̧nü̧ jo̧mȩnä̧ ji̧yȩku̧nä̧mä̧ chesetünä̧ ja̧'a̧.

1 Corintios 4:17

Ja̧'wa̧nü̧ ja̧'a̧ttü̧ Timoteo-rü wedinä̧u̧jä̧, Chu̧ru̧wa̧nä̧ chi̧tti̧ ukuotä'ijü rȩni̧'a̧rü̧. Jua̧u̧tä̧ jiäwäkuä̧u̧jä̧ Crito-nä̧ jȩpü̧ chü̧jä̧'i̧jü̧ wȩnȩmä̧, kkoromȩ pünä̧, kkoro igresia pünä̧ chu̧wo̧juȩtä̧'i̧jü'a̧kuä̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

Apocalipsis 3:18

Ja̧'wa̧nü̧ ja̧'a̧ttü̧ jidäwäkujä̧, ttüttü kuȩma̧ pä'ü, okuränä̧ kkuwü iku säruwuönä̧ adikuä oro-ttü kuȩma̧ pä'ü ru̧wa̧ kuäkua'a̧nü̧; pü̧jä̧ta̧ tȩä̧ta̧ ku̧'ka̧tä̧wä̧kua̧'a̧nü̧, dä'ä ttüku juiya pä'ümä̧. Ja̧'wa̧ta̧nü̧ kui'äriyänä̧ jawapüja dachäwi pä'äjita'anü̧ to'kuäkua'anü̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

Hechos 11:27

Ji̧yȩnü̧ pä̧nä̧, profetas jü̧nä̧ wotü yotüte, Jerusarȩ́-ttü̧ Antioquía-ra̧'a̧ku̧ 'chi̧nä̧tü̧.

Hechos 11:22

Ja̧'wa̧nü̧ jua̧u̧ 'kuäopa'a ä̧ju̧ku̧, Jerusarȩ́-ttü̧ igresia jü̧nä̧ esetätümä̧; Bernawé-rü we'inä̧tü̧ Antioquía-ra̧'a̧ i̧'cha̧ pä'ü.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

San Juan 2:2

Ja̧'wa̧ta̧nü̧ Jesú'i̧nä̧ u̧wo̧juȩtä̧u̧ku ttä̧tȩpi̧nä̧ku̧, jua̧u̧ ü'käu pä'kärira̧'a̧ i̧'cha̧ pä'ü.

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Hechos 6:1

Ji̧yȩnü̧ pä̧nä̧ Jesucrito-rü esetätü ttirekuächomȩnä̧, judío ja̧'a̧nä̧ Grecia ttü̧ja̧ tti̧wȩnȩ ukuokuätuku, ja̧'wa̧ta̧nü̧ judío ja̧'a̧nä̧ arameo ukuokuätürü, wopäkuäwinä̧tü̧ rȩkua̧mü̧rü̧ adiu ttu̧kuȩ iyokotü pä'ü.

Hechos 9:19

Ja̧'wa̧nü̧ jä̧ji̧ o'ka'a u̧kuȩ kui'ipü ujuru ȩmi̧nü̧. Juȩnȩ Damasco-nä̧mä̧, a̧'u̧ku̧nä̧tä̧ mo̧ro̧ kki̧nü̧ Jesucrito-rü esetätukumä̧.

Hechos 9:38

Jope ütawiyämä̧, Peduru ü̧jo̧mȩ Lida ütawiyättümä̧ tü'kü wa̧'a̧ ja̧'a̧; Jesucrito-rü esetätümä̧, juȩnȩ kkü̧do pätta'a ä̧ju̧kuä̧jo'kotümä̧: «ujurunä̧ ichi'ido pä'ü,» ta̧ju̧ru̧ jittäwo'äjarü pä'ü we'opo'ü ikuinä̧tü̧.

Hechos 11:29

Ja̧'wa̧nü̧ ja̧'a̧ Antioquía-ttü, Jesucrito-rü esetätümä̧ Judea rȩjȩnä̧ kka̧kuä̧tü̧rü̧ ppä'ädümä̧ rekuä rü̧jü̧ we'inä̧tü̧.

Hechos 14:20

Ja̧'wa̧nü̧ jä̧ja̧'a̧nä̧, Jesucrito-rü esetätümä̧ Pauru ü̧'o̧mȩ 'chä̧wi̧'ü̧ sobükuächünä̧ ttü̧ka̧ka̧kui̧'ä̧ja̧'a̧, ä̧rä̧mi̧'ü̧ pä'äjita'anü̧ ütawiyänä̧ do'ächi'inü̧; jua̧u̧nü̧ o'ka'a, kkoro mo̧ro̧mä̧ Bernawé-ku Derbe ütawiyära̧'a̧ 'chi̧nä̧tü̧.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 14:28

Ja̧'wa̧nü̧ ja̧'a̧ juȩnȩmä̧, Pauru-mä̧, Bernawé-ku rekuo mo̧ro̧ kka̧kui̧nä̧tü̧ Jesucrito-rü esetätukumä̧.

Hechos 18:27

Ja̧'wa̧nü̧ ja̧'a̧ Aporo-mä̧ Acaya rȩjȩra̧'a̧ku̧ i̧'cha̧ pä'ü amükuädiyä̧u̧, awaruwä i̧jä̧wa̧tü̧mä̧ eseu kuyäru isojä wȩyu̧tu̧ iyü ppättädinä̧ku̧ jua'a Acaya-ttü Jesucrito-rü esetätü adiu ppättädarü pä'ü. Acaya rȩjȩra̧'a̧ i̧'chi̧'o̧mȩnä̧, rekuätürü ppä'ädinü̧ Dio re ü̧ji̧nü̧ jäwänä̧ esetätürü.

Hechos 19:9

Ja̧'wa̧nü̧ ja̧'a̧nä̧ yotukunä̧, tta̧mi̧ 'ki'eku, jua̧u̧nä̧ kkä̧kuä̧wä̧ wȩnȩ esetü jui'ü ttü̧ja̧ ttä'ka jo̧mȩttü̧ jȩpü̧ wottiyäku Pauru-mä̧ juätüttü 'kȩ'i̧pä̧chü̧, Jesucrito-rü esetätürü'i̧nä̧ 'kȩ'ȩpü̧ ikuinü̧ ja̧'wa̧ta̧nü̧ Tirano pättäku u̧wo̧juȩtodettü rü̧ȩnä̧ ukuokuinü̧, mo̧ro̧ ji̧nü̧'a̧kuä̧.

Hechos 20:1

Ja̧'wa̧nü̧ ja̧'a̧, wȩnȩ 'kuäopäji o'ka'a, Pauru-mä̧ Jesucrito-rü esetätürü wopo'ü tä̧bo̧tü̧ ro̧'ȩpi̧nü̧. Ja̧'wa̧nü̧ ukuokuäji̧'ka̧ te'äwi'ipütä, Macedonia rȩjȩra̧'a̧ 'chi̧nü̧.

Hechos 20:30

Ja̧'wa̧ta̧nü̧ ukututtütä'i̧nä̧ rättopäkuotü, yapareu wȩnȩ wo̧juȩtä̧tü̧, Jesucrito-rü esetätürü 'kȩ'ȩpü̧ iku ottipächa pä'ü.

Hechos 21:4

Juorümä̧ Jesucrito-rü esetätürü po̧kui̧pü̧, juätütäku kki̧'i̧'o̧po̧'i̧nä̧tü̧jä̧ kko̧ro̧mü̧ttü̧nü̧ todäre mo̧ro̧ jo̧mȩnä̧tä̧; ja̧'wa̧nü̧ ja̧'a̧ juätümä̧, Epíritu jiäwä̧u̧, Pauru-rü ji'äwinä̧tü̧ Jerusarȩ́-ra̧'a̧ i̧'chü̧ juiya pä'ü.

Santiago 2:7

¿Juätütämä̧ jo̧ka̧ jä̧'i̧ja̧'a̧ tu̧ru̧wa̧ adiwä i̧mi̧nä̧ ukuturu jä'epinü̧rü̧ suronä̧ ukuokuä'ijätümä̧?