Hechos 11:23 - Nuevo Testamento Uwotjüja

²³ Bernawé-mä̧ jua'a i̧'chi̧'o̧mȩnä̧, Dio jäwä rü̧ȩnä̧ kki̧yä̧ku̧, juätütäku eseu, jiäwinä̧u̧, tta̧mi̧so'ki o'kajuiyünä̧ Ttu̧ru̧wa̧nä̧tä̧ ukuotü tti̧'cha̧ pä'ü.

TÄ̧DO Ä̧CUÄ̧ I̧HUȨNȨ

²³ Bernabé juhua'a i̧'chi̧'o̧mȩnä̧, Diosmä ttö̧ja̧rö̧ adiu ppädina'a topö, esehuinödo. O'ca toi'önärö adiu ppä'ädö ucuocuinödo. Ji'ähuinödo Tu̧ru̧hua̧rö̧ adiu esetö ttö̧ja̧cua̧ pä'ö jarotti'ö juiyönä.

Hechos 11:23 Referans Kwoze

1 Corintios 15:58

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, kua̧mi̧'ki'ächi'ü yaboku tätukui, yabonü̧, 'kuäopünä̧tä̧ Tu̧ru̧wa̧ aditäwä aditü; Tu̧ru̧wa̧nä̧ adikuämä̧ yaparemä̧ adikuokü pä'ü.

Hechos 14:22

Jua̧u̧ ütawiyä pünä̧ rȩbȩä̧kuä̧u̧mä̧, ttesetäjinä̧ tta̧'kua̧ wȩnä̧rü̧ yaboku tti̧'chü̧nä̧ jittäwinä̧u̧; jua̧u̧ ji'äumä̧ pättinä̧u̧: Dio weomȩ dodeta pä'ümä̧, rü̧ȩnä̧ usurä ȩmä̧u̧tä̧ dotächa pä'ü rekuä rü̧ja̧'a̧, pä'ü jittäwinä̧u̧.

Hechos 13:43

Ttü̧ja̧rü̧ we'ü ttikuäji o'ka'a, rekuätü judío'i̧nä̧, judío pokotü'i̧nä̧ Pauru-ku, Bernawé-ku 'chi̧nä̧tü̧. Ja̧'wa̧nü̧ ja̧'a̧ juätürü ro̧'ȩpi̧nä̧tü̧, 'kuättächi'oka'a Dio re ü̧jü̧ jäwä ttesetäjinä̧ tti̧'cha̧ pä'ü.

1 Juan 2:28

Ja̧'wa̧nü̧ ja̧'a̧ttü̧, chi̧tti̧mü̧ wotü, Chutä Crito-nä̧ kka̧kuä̧tu̧kui̧. Jua̧u̧ ichü mo̧ro̧ päi'omȩnä̧ jo̧mȩnü̧ kua̧'kua̧ wȩnä̧rü̧ kui̧jȩkuä̧tu̧kuä̧kua̧'a̧nü̧, dä'ä ttukuätuku juiyäkua'anü̧.

2 Timoteo 3:10

Ja̧'wa̧nü̧ ja̧'a̧nä̧ ukumä̧ chu̧wo̧juȩti̧nü̧nä̧'i̧nä̧ jȩpü̧ chü̧jä̧'i̧jü̧nä̧'i̧nä̧, chamükuädä'ijü̧nä̧'i̧nä̧, Dio-rü cha̧'kua̧ chu̧wȩnä̧rä̧'i̧jü̧nä̧'i̧nä̧, cha̧mi̧ 'kidächi'ünä̧'i̧nä̧, cheseunä̧'i̧nä̧ ja̧'wa̧ta̧nü̧ cha̧mi̧ 'kidächi'a pä'ü chujuruwä'ijü adiu 'chä̧'i̧jü̧jä̧.

Colosenses 1:6

jua̧u̧mä̧ ukuturu'i̧nä̧ rȩbȩwi̧na̧'a̧. Jua̧u̧mä̧ rü̧ȩnä̧ yo'äwi'ü rü̧ä̧cha̧'a̧ pi̧jä̧ o'kajuiyünä̧. Ukuturu Dio rȩrü̧jü̧ toü kuä̧ju̧kui̧nä̧tu̧kuo̧mȩttü̧ kkä̧mä̧dü̧.

Hechos 20:24

Ja̧'wa̧nü̧ ja̧'a̧nä̧, cha̧'kua̧rü̧mä̧ ukuo te'äwoküsä, Chu̧ru̧wa̧ttü̧ chȩmi̧nü̧ chaditäwä, eseunu̧ kädäda pä'ütä amükuädüsä, Dio rettü iyinü jareü wȩnȩ ji'äunu̧.

3 Juan 1:4

Chi̧tti̧mü̧ wotü jueü wȩnȩnä̧ päü'anü̧ ttü̧ja̧kua̧'a̧ ä̧ju̧ku̧mä̧, kkorottü'i̧nä̧ abonä̧nü̧ eseusä.

Hechos 14:26

Juorü rä'opächümä̧ woi'kanä̧ kkäu 'chi̧nä̧tü̧, Antioquía ütawiyära̧'a̧ku̧, Siria rȩjȩra̧'a̧ku̧. Ä̧kuo̧mȩnä̧ Dio re ü̧jü̧ wȩnȩ jittäwa pä'ü ttü̧ja̧kuä̧mi̧no̧mȩku.

San Juan 15:4

Ttünä̧tä̧ todeunä̧ kka̧kuä̧tu̧kui̧, ttü'i̧nä̧ ukutunä̧ kkü̧sä̧. Ä̧na̧jui̧yä̧, uwa daunä̧ todewokomȩnä̧, a̧mü̧nä̧ pa̧ja̧tü̧ u̧wä̧ju̧ wȩjo̧ka̧'a̧ jä̧'i̧nü̧ta̧'a̧nü̧, ukuturu'i̧nä̧ ja̧'wa̧nü̧ jä̧kua̧'a̧ ttünä̧ ku̧jä̧tu̧kuo̧ko̧mȩnä̧mä̧.

San Mateo 16:24

Jua̧u̧nü̧ o'ka'a, Jesú-mä̧ u̧wo̧juȩtä̧u̧rü pä'inü̧: —Ya̧tȩ cho'ka'anä̧ icha pä'ümä̧, a̧mü̧nä̧ jäwämä̧ u̧ni̧chi'ü, ü̧jo̧kä̧jäi ȩmi̧pü̧tä̧, cho'ka'anä̧ ichi.

2 Corintios 1:17

¿Ja̧'wa̧nü̧ ja̧'a̧ttü̧, pi̧yȩ jȩcha̧ pä'ü chamükuädomȩnä̧mä̧, adiu amükuädoka'a jȩpä̧ji̧ päkuätukua'a tä̧jí̧? ¿Kkorotü o'katoi'ünä̧ jȩttä̧'i̧jü̧'a̧kuä̧, A̧ pä'ipü̧'ka̧, juȩnȩ o'komȩnä̧, täkü päda pä'ü? ¡Ja̧'wa̧nü̧mä̧kü̧!

Hechos 20:32

Ja̧'wa̧nü̧ ja̧'a̧ttü̧ chawaruwä chü̧jä̧wa̧tü̧ Dio u̧mü̧nä̧ wedipä̧u̧jä̧ ja̧'wa̧ta̧nü̧ rettü iyipinü̧ i̧wȩnȩnä̧. Jua̧u̧tä̧tä̧ ja̧'a̧ Epíritu jäwänä̧ buojuokuätukunä̧ ppä̧dä̧kua̧mä̧ ja̧'wa̧ta̧nü̧ Chutä ȩmi̧nä̧u̧ o'katoi'ünä̧rü̧ chi̧yä̧kua̧sä̧ pä'inü̧, iyümä̧.

Hechos 15:40

Ja̧'wa̧nü̧ ja̧'a̧nä̧ Pauru-mä̧, Sira-rütä o'ipü 'chi̧nü̧, Jesucrito-rü esetätü, Dio-rü ttukuokuäji o'ka'a.

San Marcos 2:5

Ja̧'wa̧nü̧ tta̧'kua̧ wȩnä̧rü̧ tti'chächäja'a topü, Jesú-mä̧, jua̧u̧ru̧ pä'inü̧: —Chi̧tti̧, suronä̧ jȩ'kuä̧'i̧jü̧mä̧ jȩä̧chä̧ku̧jä̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

Romanos 12:8

kkorotürü ro̧kuȩpa̧ pä'ü, ro̧ȩkuä̧ iyinü̧ttü̧mä̧, ro̧'ȩpi̧. Iyü ppäda pä'ü iyinä̧ku̧mä̧, repekuoka'a ppä'ädi; kkorotürü oikuä iyinä̧ku̧mä̧, eseunu̧ o'ipi; rekuä rü̧jä̧u̧ru̧ ppädäkuäwä iyinä̧ku̧mä̧, eseunü̧tä̧ ppä'ädi.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

Judas 1:4

Cha̧'kua̧tta̧nü̧ jä̧ku̧sä̧, ku̧'kä̧tȩtu̧ku̧nä̧ dodepü yapareu ji'u, Jesucrito-mä̧ Tu̧ru̧wa̧mä̧kü̧, kukuotätukuärü pä'ü ttu̧wo̧juȩto̧mȩnä̧. Juätümä̧, pä'ätü Dio-mä̧ ujuturu rü̧ȩnä̧ repea'attü̧ suronä̧ jȩta̧'a̧nä̧'i̧nä̧ ro̧'ȩpo̧kü̧ jä̧kua̧, jü̧nä̧. Isopäi'ünä̧ ja̧'wa̧nü̧ ja̧'a̧ttü̧ wȩyu̧kuä̧ wȩnȩmä̧, mo̧ täbokütä päi'ünä̧ jiäwina̧'a̧, juätürü Dio ro̧ȩpä̧kuȩ wȩnȩmä̧.