Hechos 11:22 - Nuevo Testamento Uwotjüja

²² Ja̧'wa̧nü̧ jua̧u̧ 'kuäopa'a ä̧ju̧ku̧, Jerusarȩ́-ttü̧ igresia jü̧nä̧ esetätümä̧; Bernawé-rü we'inä̧tü̧ Antioquía-ra̧'a̧ i̧'cha̧ pä'ü.

TÄ̧DO Ä̧CUÄ̧ I̧HUȨNȨ

²² Jesucristorö esetätömä, Jerusalén ötahuiyänä ka̧cuä̧tö̧mä̧, Antioquía ötahuiyättö 'cuäopinö ä̧ju̧cui̧nä̧tö̧do. Bernabérö hue'inätödo Antioquía ötahuiyära̧'a̧ i̧'cha̧ pä'ö.

Hechos 11:22 Referans Kwoze

Hechos 9:27

Ja̧'wa̧nü̧ ji̧yä̧ku̧, Bernawé-mä̧ apótore ttü̧ja̧'a̧ku̧ o'ipächü i̧jȩpü̧, ji'äwinü̧: Sauro-mä̧ mä̧nä̧ttü̧ Tu̧ru̧wa̧rü̧ topäji pä'ü ja̧'wa̧ta̧nü̧ Damasco-ttü ujuruku Jesucrito ütü'kü jiäwäja'a'i̧nä̧ jiäwiyinä̧u̧.

1 Tesalonicenses 3:6

Ja̧'wa̧nü̧ ji̧na̧'a̧nä̧, jitämä̧ Timoteo-mä̧ jua'a Tesalónica-ra̧'a̧ttü̧ ppa̧'ä̧chi̧'ä̧ji̧'ka̧mä̧, eseku ku̧jä̧tu̧ku̧tä̧, Dio-rü kua̧'kua̧ ku̧wȩnä̧rä̧tu̧ku̧tä̧, ukuturu ujutu tota pätüta'anü̧, ukutu ujuturu to'kuätukua päkuätukutä jiäwäjä̧u̧jä̧.

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

Hechos 15:2

Ja̧'wa̧nü̧ ji̧yä̧u̧ Pauru-mä̧, Bernawé'i̧nä̧ juätuku rü̧ȩnä̧ pä'ä'kuäwinä̧tü̧ ja̧'wa̧nü̧ jä̧jí̧ o'ka'a Antioquía-ttü igresia tturuwotümä̧, Pauru-rü'i̧nä̧, Bernawérü'i̧nä̧, kkorotürü'i̧nä̧ Jerusarȩ́-ra̧'a̧ tti̧'chi̧ya̧tü̧ pä'ü we'inä̧tü̧; pi̧yȩ tü'kü, jua̧u̧ ütawiyära̧'a̧ttü̧, apótore-ku, igresia-ttü a̧ci̧a̧nu̧ wotüku ttukuokuäja pä'ü.

Hechos 11:1

Apótore'i̧nä̧, kkorotü Jesucrito-rü esetätü'i̧nä̧ Judea-nä̧ kka̧kuä̧tü̧mä̧ ä̧ju̧kui̧nä̧tü̧, Judío pokotü'i̧nä̧ Dio i̧wȩnȩ ä̧ju̧kuä̧tü̧do pä'ü ukuowi'a'a.

Hechos 8:14

Ja̧'wa̧nü̧ ja̧'a̧, apótore-mä̧ Jerusarȩ́-nä̧ ttü̧ja̧kua̧'a̧ ja̧'a̧, Samaria ttü̧ja̧'i̧nä̧ Dio i̧wȩnȩ esetäjätüdo pätta'a ä̧ju̧ku̧, Peduru-rü'i̧nä̧, Ju̧a̧-rü̧'i̧nä̧ jua'a we'inä̧tü̧;

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

Hechos 11:19

Esteba̧-rü̧ kuä'ü ttikuinü̧ o'ka'a, Jesucrito-rü esetätürümä̧ ya'äu suronä̧ jȩtti̧nä̧u̧. Ja̧'wa̧nü̧ jä̧u̧ rekuätü tü'ipü i̧wi̧nä̧tü̧ Fenicia-ra̧'a̧'i̧nä̧, Chipre kkä'ko i̧sä̧sa̧ra̧'a̧'i̧nä̧, Antioquía ttawaränä̧'i̧nä̧, jü̧nä̧. Juätü tü'ipätümä̧, kkorotürümä̧ jittäwoka'anä̧, judío-rütä ji'äwinä̧tü̧ Dio i̧wȩnȩmä̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 11:26

Ja̧'wa̧nü̧ ja̧'a̧, juorü igresia jü̧nä̧ wotükumä̧, ya'ute año jo̧mȩnä̧ kka̧kui̧nä̧tü̧, rekuätürü wo̧juȩtü̧; Juorü Antioquía-ttü ji̧na̧'a̧, ä̧kuo̧mȩnä̧ Jesucrito-rü esetätürü, critiano pä'ü ottina̧'a̧mä̧.

Hechos 11:27

Ji̧yȩnü̧ pä̧nä̧, profetas jü̧nä̧ wotü yotüte, Jerusarȩ́-ttü̧ Antioquía-ra̧'a̧ku̧ 'chi̧nä̧tü̧.

Hechos 18:22

Cesarea ütawiyänä̧ rȩbȩwi̧pä̧ji̧'ka̧mä̧, igresia wotürü te'äu i̧wä̧ji̧'ka̧, Antioquía ütawiyära̧'a̧ku̧ 'chi̧nü̧.

Gálatas 2:11

Ja̧'wa̧nü̧ ja̧'a̧nä̧, Antioquía ütawiyänä̧ ichi'äja'a Peduru-rü pä'inü̧sä̧, ukú jȩ'ku̧mä̧ suroja'a, jü̧nä̧. Iweye pädarü pä'ü ji̧na̧'a̧.