Hechos 11:21 - Nuevo Testamento Uwotjüja

²¹ Ja̧'wa̧nü̧ jo̧mȩnä̧, Tu̧ru̧wa̧ Dio jäwä juätütäku kka̧'a̧ttü̧, rekuätü Tu̧ru̧wa̧ Jesucrito-rü esetü ikuinä̧tü̧.

TÄ̧DO Ä̧CUÄ̧ I̧HUȨNȨ

²¹ Tu̧ru̧hua̧ ujurunä jahuätörö ppä'ädinödo. Recuätö täbocö ttesetinö jaropi'ö, Tu̧ru̧hua̧rö̧ esetinätödo.

Hechos 11:21 Referans Kwoze

Hechos 2:47

Dio-rü rü̧ȩnä̧ eseu ttü̧ja̧rü̧'i̧nä̧ o'katoi'ünä̧rü̧ ppä'ädinä̧tü̧. Ja̧'wa̧nü̧ jo̧mȩnä̧, mo̧ro̧ ji̧nü̧'a̧kuä̧ Dio-mä̧ igresia yaboku rü̧ä̧chü̧nä̧ jȩpi̧nü̧, ra̧wä̧pi̧jü̧ttü̧ ttü̧ji̧pü̧nä̧.

San Lucas 1:66

O'katoi'ünä̧ pi̧yȩ tü'kü ä̧ju̧kuä̧tü̧mä̧ jakuänä̧tä̧ amükuädinä̧tü̧: ¿Däjetäki̧ jȩä̧kua̧jä̧, Pide ji̧'ki̧cha̧wa̧mä̧? Jua'amä̧ Jua̧u̧nä̧tä̧ Dio kkü̧ pä'ü ttu̧wo̧jua̧'a̧ttü̧ amükuädinä̧tü̧.

1 Tesalonicenses 1:5

Isopäi'ünä̧ jareü wȩnȩ ukuturu jitäwinü̧mä̧, suro ti̧wȩnȩnä̧tä̧mä̧ ji'äwokotü pinä̧tü̧jä̧, pärokuä Dio ujurunä̧, Epíritu Sa̧tu̧ jäwänä̧, jueünä̧tä̧ ji'äwinä̧tü̧jä̧. Ukutumä̧ wo̧juä̧tü̧jä̧, ukuturu adiu ppä'ädü jȩti̧nü̧mä̧.

Hechos 9:35

Ja̧'wa̧nü̧ jo̧mȩnä̧ Lida ttü̧ja̧'i̧nä̧, Sarón rȩjȩ ttü̧ja̧'i̧nä̧ o'katoi'ünä̧ jua̧u̧ru̧ topätümä̧ Jesucrito-rü esetü ikuinä̧tü̧.

Hechos 11:24

Jua̧u̧ Bernawé-mä̧ adiwä jueinä̧ ü̧ja̧'a̧ttü̧, Epíritu Sa̧tu̧rü̧'i̧nä̧, tta̧'kua̧ wȩnä̧rä̧kuä̧wä̧'i̧nä̧ jo̧mȩnü̧ winü̧. Ja̧'wa̧nü̧ jo̧mȩnä̧ rekuätü, Tu̧ru̧wa̧rü̧ esetü ikuinä̧tü̧.

Hechos 6:7

Ja̧'wa̧nü̧ ja̧'a̧mä̧, yabokutä Dio i̧wȩnȩmä̧ rü̧ä̧chi̧na̧'a̧, Jerusarȩ́-nä̧mä̧ Jesucrito-rü esetätümä̧ rekuächinä̧tü̧; ja̧'wa̧ta̧nü̧ rekuätü sacerdote'i̧nä̧ esetächinä̧tü̧, jua̧u̧ tta̧'kua̧ wȩnä̧rä̧kuä̧wä̧mä̧.

Hechos 5:14

Ja̧'wa̧nü̧ jo̧mȩnä̧ Jesucrito-rü esetätümä̧ yaboku rekuächinä̧tü̧, u̧mä̧tü̧'i̧nä̧, nä̧tü̧'i̧nä̧, jü̧nä̧.

Hechos 4:4

Ja̧'wa̧nü̧ ja̧'a̧nä̧, jittäwa'a ä̧ju̧kuä̧jä̧tü̧mä̧, rekuätü esetinä̧tü̧; suro u̧mä̧tü̧tä̧mä̧ cinco mil jo̧mȩnä̧ ji̧na̧'a̧.

Hechos 15:19

Ja̧'wa̧nü̧ ja̧'a̧ttü̧ ttümä̧ pä'üsä, judío pokotü Dio-rü esetü ikuätürümä̧ jua'a yabonü̧mä̧ wetü juiyü'anü̧ ja̧'a̧, pä'ü.