Hechos 11:19 - Nuevo Testamento Uwotjüja

¹⁹ Esteba̧-rü̧ kuä'ü ttikuinü̧ o'ka'a, Jesucrito-rü esetätürümä̧ ya'äu suronä̧ jȩtti̧nä̧u̧. Ja̧'wa̧nü̧ jä̧u̧ rekuätü tü'ipü i̧wi̧nä̧tü̧ Fenicia-ra̧'a̧'i̧nä̧, Chipre kkä'ko i̧sä̧sa̧ra̧'a̧'i̧nä̧, Antioquía ttawaränä̧'i̧nä̧, jü̧nä̧. Juätü tü'ipätümä̧, kkorotürümä̧ jittäwoka'anä̧, judío-rütä ji'äwinä̧tü̧ Dio i̧wȩnȩmä̧.

TÄ̧DO Ä̧CUÄ̧ I̧HUȨNȨ

¹⁹ Estebanrö cuä'ö tticuinö o'ca'a, ja̧'hua̧ta̧nö̧ korotö Jesucristorö esetätörö'inä suronä jȩpi̧nä̧tö̧do. Jerusalén ötahuiyättö tö'ipächinätöttö yotöcunä Fenicia rȩjȩra̧'a̧ i̧hui̧nä̧tö̧do. Korotö Chipre kä'co i̧sä̧sa̧ra̧'a̧ i̧hui̧nä̧tö̧do. Korotö Antioquía ötahuiyära̧'a̧ i̧hui̧nä̧tö̧do. Ju̧huȩnȩ kä̧nö̧ Jesucristo i̧huȩnȩ ji'ähuinätödo judíos ttö̧ja̧rö̧tä̧. Korotörömä ji'ähuocotö pi̧nä̧tö̧do.

Hechos 11:19 Referans Kwoze

Hechos 21:2

Ja̧'wa̧nü̧ jä̧ja̧'a̧ juorümä̧ Fenicia rȩjȩra̧'a̧ 'chä̧'ka woi'kanä̧ pȩjä̧mi̧nä̧tü̧jä̧.

Hechos 15:35

Ja̧'wa̧nü̧ ppa̧ttä̧cha̧'a̧nä̧, Pauru-mä̧, Bernawé-ku Antioquía-nä̧ kka̧kui̧pi̧nä̧tü̧, kkorotüku Tu̧ru̧wa̧ i̧wȩnȩ jareü wȩnȩ ji'äu.

Hechos 15:22

Apótore-mä̧, igresia-ttü a̧ci̧a̧nu̧ wotüku, igresia wotüku amükuädü tottomȩnä̧ adiwina̧'a̧, jitütä ttü̧'kä̧tȩttü̧ a̧'u̧ku̧nä̧ wotürü, Pauru-ku, Bernawé-ku tti̧'cho̧mȩttü̧ we'ü ttikuatü pä'ü; ja̧'wa̧nü̧ ja̧'a̧ttü̧, Juda ja̧'a̧nä̧, Barsabás pättä'ijäku'i̧nä̧, Sira-rü'i̧nä̧, ukuo isotü päi'ünä̧ wotürü we'inä̧tü̧. Ja̧'wa̧ta̧nü̧ juätükumä̧ pa̧'a̧nü̧ wȩyu̧tu̧ we'inä̧tü̧:

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Hechos 4:36

Ja̧'wa̧nü̧ jȩpi̧nü̧, ya̧tȩ Rewi isotü i̧sa̧, José pä'ü mi̧kua̧, Chipre i̧sä̧sa̧ kkä'kosä̧sa̧ i̧sa̧, Apótore-mä̧ Bernawé pä'ü ottinä̧ku̧ (Jua̧u̧ pä'ümä̧: A̧'u̧ ro̧ȩkuä̧ i̧tti̧ pä'ü päwä ji̧nü̧).

Gálatas 2:11

Ja̧'wa̧nü̧ ja̧'a̧nä̧, Antioquía ütawiyänä̧ ichi'äja'a Peduru-rü pä'inü̧sä̧, ukú jȩ'ku̧mä̧ suroja'a, jü̧nä̧. Iweye pädarü pä'ü ji̧na̧'a̧.

Hechos 21:16

Ti̧'cho̧mȩnä̧ Cesarea ütawiyättü yotukunä̧ Jesucrito-rü esetätü'i̧nä̧ ichinä̧tü̧, Mnasón-rü̧'i̧nä̧ o'ipü, ojusodenä̧ ti̧rȩbȩwi̧yä̧kua̧rü̧, Chipre ttü̧ja̧sa̧, täkü rekuo Jesucrito-rü esetinü̧rü̧.

Hechos 18:22

Cesarea ütawiyänä̧ rȩbȩwi̧pä̧ji̧'ka̧mä̧, igresia wotürü te'äu i̧wä̧ji̧'ka̧, Antioquía ütawiyära̧'a̧ku̧ 'chi̧nü̧.

Hechos 15:39

Ja̧'wa̧nü̧ ja̧'a̧mä̧, rü̧ȩnä̧ pä'äkuäwinä̧tü̧, juorütä 'kȩttȩkuä̧chü̧nä̧; Bernawé-mä̧ Maruku-rütä o'ipächü Chipre-ra̧'a̧ 'chi̧nü̧.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 13:1

Antioquía ütawiyättü igresia jü̧nä̧ wotükumä̧, profeta'i̧nä̧, wo̧juȩkuä̧ isotü'i̧nä̧ kka̧kui̧nä̧tü̧. Juätümä̧ Bernawé'i̧nä̧, Simón-ja̧'a̧nä̧ (Niger pättinä̧ku̧'i̧nä̧), Cirene i̧sa̧ Ruciu'i̧nä̧, Herode Antipas-ku püttächinü̧ Menahem'i̧nä̧, Sauro'i̧nä̧ ji̧na̧'a̧.

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

San Juan 7:35

Ja̧'wa̧nü̧ pä̧i̧yä̧u̧, judío-mä̧ pä'ä'chäkuäwinä̧tü̧: —¿Tȩnȩ́ i̧'chä̧kua̧'a̧jä̧ttü̧, pidemä̧, ujutu tü̧'o̧kui̧'ü̧ juiyünä̧ jo̧mȩmä̧? ¿Judío, kko̧ro̧jä̧ra̧'a̧ grecia ttü̧ja̧ku̧ wiwawächinä̧tü̧rü̧ ja̧'wa̧ta̧nü̧ griego-rü'i̧nä̧ ji'äu i̧'cha̧ pä'ü, pä'ü 'kua̧ra̧'a̧?

San Mateo 10:6

pärokua'aku, Iraettü oweja-tü̧ re'tewächinä̧tü̧ ttü̧ja̧kua̧'a̧tä̧ tätukui.

Hechos 6:5

Ja̧'wa̧nü̧ pättomȩnä̧ o'katoi'ünä̧ tteseunä̧ ji̧na̧'a̧; ja̧'wa̧nü̧ ja̧'a̧ Esteba̧-rü̧ ȩmi̧nä̧tü̧, Dio-rü a̧'kua̧ wȩnä̧rü̧rü̧ ja̧'wa̧ta̧nü̧ Epíritu Sa̧tu̧ jäwä jo̧mȩnü̧ wa̧rü̧, Felipe-rü'i̧nä̧, Prócoro-rü'i̧nä̧, Nicano-rü'inä̧, Timón-rü'i̧nä̧, Pármena-rü'i̧nä̧, Nicorá Antioquía-ra̧'a̧ttü̧ ichinü̧rü̧'i̧nä̧, jü̧nä̧.

Hechos 11:20

Ja̧'wa̧nü̧ ja̧'a̧nä̧, juätüttü 'kä̧wi̧na̧'a̧, Chipre ttü̧ja̧ttü̧ a̧'u̧ku̧nä̧'i̧nä̧ ja̧'wa̧ta̧nü̧ Cirene ttü̧ja̧ttü̧'i̧nä̧, jü̧nä̧; Antioquía-ra̧'a̧, Judío pokotürü Jesucrito jäwä, jareü wȩnȩ ji'äwinä̧tü̧mä̧.

Hechos 11:22

Ja̧'wa̧nü̧ jua̧u̧ 'kuäopa'a ä̧ju̧ku̧, Jerusarȩ́-ttü̧ igresia jü̧nä̧ esetätümä̧; Bernawé-rü we'inä̧tü̧ Antioquía-ra̧'a̧ i̧'cha̧ pä'ü.

Hechos 14:26

Juorü rä'opächümä̧ woi'kanä̧ kkäu 'chi̧nä̧tü̧, Antioquía ütawiyära̧'a̧ku̧, Siria rȩjȩra̧'a̧ku̧. Ä̧kuo̧mȩnä̧ Dio re ü̧jü̧ wȩnȩ jittäwa pä'ü ttü̧ja̧kuä̧mi̧no̧mȩku.

Hechos 15:30

Ja̧'wa̧nü̧ ja̧'a̧ttü̧, wȩttä̧jä̧u̧mä̧, Antioquía ütawiyära̧'a̧ 'chä̧jä̧'kotü, rȩbȩä̧kuä̧wi̧'ü̧mä̧ Jesucrito-rü esetätürü ka̧ka̧to̧po̧'ü̧, wȩyu̧kuojämä̧ iyinä̧tü̧, juätürü.