Hechos 11:18 - Nuevo Testamento Uwotjüja

¹⁸ Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

TÄ̧DO Ä̧CUÄ̧ I̧HUȨNȨ

¹⁸ Jesucristorö esetätömä, Jerusalén ötahuiyänä ka̧cuä̧tö̧mä̧, Pedro päa'a ttä̧ju̧cuo̧mȩnä̧, juhua'a yabonö pä'ocotö pi̧nä̧tö̧do. Eseunu ucuocuinätödo Diosrö. Pä'inätödo: —Diosmä judíos huocotörö'inä iyö pärocuäcutä ttamöcuäda pä'ö, kä̧cuä̧huä̧ i'co ttu̧ju̧nä̧ra̧ pä'ö.

Hechos 11:18 Referans Kwoze

2 Corintios 7:10

Ja̧'wa̧nü̧ ja̧'a̧ttü̧, Dio-rü pä̧wä̧rü̧jo̧mȩnä̧ ta̧'kua̧ tta̧wȩpü̧mä̧, surojü ra̧wä̧pi̧jü̧ttü̧ ttü̧ji̧pü̧nä̧ jü̧, surojina̧'a̧ pätü juiya pä'ü; ja̧'wa̧nü̧ ja̧'a̧nä̧ pi̧jä̧ttü̧ tta̧'kua̧ tta̧wȩpü̧mä̧ wa'aretä ichü.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

2 Corintios 3:18

Ja̧'wa̧nü̧ ja̧'a̧ttü̧, ujutumä̧ täkü o'katoi'ünä̧, ti'änä̧mä̧ i̧sä̧ta̧ tto̧ȩpä̧rä̧ta̧ juita'attü, tti'ä toäkuäwodä 'kua̧rü̧nä̧ kkȩdȩpä̧u̧jä̧ Tu̧ru̧wa̧ i̧tȩya̧u̧mä̧, ja̧'wa̧nü̧ jo̧mȩnä̧ yabonü̧ pärowächätüjä̧, surojü abo 'kuä'opätüjä̧, Tu̧ru̧wa̧ a̧'kua̧juä̧nä̧mä̧, Tu̧ru̧wa̧ i̧sa̧ Epíritu aditäwänä̧mä̧.

Hechos 21:20

Ja̧'wa̧nü̧ jiäwa'a ä̧ju̧ku̧ Dio ü̧rü̧ä̧ eseäkuäu, Pauru-rü pä'inä̧tü̧: Ä̧ju̧kui̧tü̧ cha̧wa̧ru̧wa̧ chi̧jä̧wa̧, rekuätü judío esetü ikuätümä̧, o'katoi'ünä̧ Moisé weäwä wȩnȩmä̧ yaboku ukuotü tti̧'cha̧ pä'ätü.

Hechos 3:26

Ä̧kuo̧mȩnä̧, Dio i̧tti̧rü̧ wa'arettü tto'ädäji̧'ka̧mä̧, adiwä juei kuȩmä̧tu̧kua̧ pä'ü weinä̧u̧jä̧, surojüttü räkuopächätukua pä'ü, ukuturu.

Gálatas 1:24

Ja̧'wa̧nü̧ ttürü pärotü ikuina̧'a̧ topü, Dio-rümä̧ juiyo eseäkuäwinä̧tü̧.

Romanos 9:30

¿Jua̧u̧nu̧mä̧, pi̧yȩ tü'kümä̧ toku pätäkua'ajä̧ttü̧? Judío pokotü adiwä wȩnȩnä̧ 'cho̧ko̧tü̧ pinä̧tü̧ ja̧'a̧nä̧, adiwä wȩnȩ po̧kui̧pi̧nä̧tü̧, tta̧'kua̧ ttu̧wȩnä̧ra̧'a̧ttü̧;

Hechos 15:3

Ja̧'wa̧nü̧ pä'ü, igresia jü̧nä̧ wȩttä̧jä̧u̧mä̧, Fenicia rȩjȩnä̧'i̧nä̧, Samaria rȩjȩnä̧'i̧nä̧ 'kuä'opü ji'äwinä̧tü̧ judío pokotü Jesucrito-rü jareünä̧ esetü ttiku wȩnȩmä̧; jua̧u̧ ä̧ju̧ku̧ Jesucrito-rü esetätümä̧ rü̧ȩnä̧ eseäkuäwinä̧tü̧.

Hechos 14:27

Juȩnȩ rȩbȩä̧kuä̧u̧mä̧, igresia wotüku ka̧ka̧ku̧ ji'äwinä̧tü̧, kuettächomȩnä̧ Dio judío pokotürü rü̧ȩnä̧ jȩä̧ji̧ wȩnȩ.

Hechos 11:1

Apótore'i̧nä̧, kkorotü Jesucrito-rü esetätü'i̧nä̧ Judea-nä̧ kka̧kuä̧tü̧mä̧ ä̧ju̧kui̧nä̧tü̧, Judío pokotü'i̧nä̧ Dio i̧wȩnȩ ä̧ju̧kuä̧tü̧do pä'ü ukuowi'a'a.

Hechos 3:19

Ja̧'wa̧nü̧ ja̧'a̧ttü̧, suronä̧ jȩ'kuä̧'i̧jä̧tu̧ku̧ kä'ädi'ü, Dio-ku ppa̧'ä̧chä̧tu̧kui̧, suronä̧ jȩ'kuä̧'i̧jä̧tu̧ku̧ jȩpü̧ ikuätukuaku pä'ümä̧; Dio-ttü unichä̧rü̧ eseu kkä̧kuä̧wä̧ ichäkua'anü̧.

San Mateo 9:8

Ja̧'wa̧nü̧ ja̧'a̧ topü ttü̧ja̧mä̧ ukuo te'äunu̧, Dio-rü esewinä̧tü̧, ttü̧ja̧rü̧ ttukuo iyini̧yä̧u̧.