Hechos 11:12 - Nuevo Testamento Uwotjüja

¹² Ja̧'wa̧nü̧ ja̧'a̧ Epíritu Sa̧tu̧mä̧, kuarodoka'a juätütäku täi päinä̧ku̧sä̧. Ja̧'wa̧ta̧nü̧, pitü kko̧ro̧mü̧ttü̧nü̧ ya̧tȩ wotü esetätuku 'chä̧ji̧'ka̧, ya̧tȩ ojusodenä̧ dodepinä̧tü̧jä̧,

TÄ̧DO Ä̧CUÄ̧ I̧HUȨNȨ

¹² Espíritu Santo hue'inö jahuätöcu chi̧'cha̧ pä'ö chöarodoca'a. Pitö ko̧ro̧mö̧ttö̧nö̧ ya̧tȩnö̧ tö̧jä̧hua̧tö̧ ttöcu 'chi̧nä̧tö̧. Juhua'attö Cornelio ojusodenä do'ächinätöjä.

Hechos 11:12 Referans Kwoze

Hechos 8:29

Ja̧'wa̧nü̧ ja̧'a̧ Epíritumä̧ Felipe-rü pä'inü̧: «Jikäja karukä tü'küku pä'i'i.»

Romanos 3:22

O'katoi'ünä̧ Jesucrito-rü esetü tta̧'kua̧ wȩnä̧rä̧tü̧rü̧mä̧, Dio-mä̧ adiwä juei isotü jü̧nä̧ juo'epü. Judío'i̧nä̧, judío pokotürü'i̧nä̧ yoräteunä̧tä̧,

2 Tesalonicenses 2:2

kuamükuädätukumä̧ 'kuäunä̧tä̧mä̧ ku'ärowächätukuä, ya̧tȩ yapare jiäwa'anä̧mä̧ ja̧'a̧tä̧mä̧ to'kuäkuäwätukuä, epíritu jiäwäjäkusä, ja̧'wa̧ta̧nü̧ juätümä̧ pa̧'a̧nü̧ jittäwäjäkusä päüttü'i̧nä̧ ja̧'wa̧ta̧nü̧ pauru wȩyu̧tu̧ we'äji pättüttü'i̧nä̧.

Hechos 10:23

Ja̧'wa̧nü̧ ja̧'a̧ttü̧, Peduru-mä̧ jua̧u̧ yodomä̧, juȩnȩtä̧ ttä'ünä̧ do'ädü we'inü̧. Ja̧'wa̧nü̧ jä̧ja̧'a̧ kkoro mo̧ro̧, Peduru-mä̧ juätütäku i̧'cha̧'a̧ kkorotü Jope-ttü Jesucrito-rü esetätü'i̧nä̧ jua̧u̧tä̧ku̧ 'chi̧nä̧tü̧.

Hechos 15:9

ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

Hechos 10:45

Circuncisión pättü ukuotä'ijätü Peduru-ku ichäjätümä̧, to̧o̧ to̧pä̧ri̧nä̧tü̧ Epíritu Sa̧tu̧mä̧ judío pokotürü'i̧nä̧ ü̧jä̧mä̧dü̧nä̧ iyäwi'a'ati̧ pä'ü.

San Juan 16:13

Ja̧'wa̧nü̧ ja̧'a̧nä̧, Epíritu Sa̧tu̧ ichomȩnä̧mä̧, o'kajuiyünä̧ jueünä̧ ku̧wo̧juä̧tu̧ku̧nä̧ juȩpä̧rä̧kuä̧u̧jä̧; ja̧'wa̧nü̧ ja̧'a̧ttü̧ pä̧wä̧rü̧jü̧mä̧ ukuokuokotü kuäkuotüjä̧, pä'a kuä̧ju̧kua̧'a̧ku̧tä̧ kukuokuäkuotüjä̧ ja̧'wa̧ta̧nü̧ 'kuäopä̧kuȩ wȩnȩ'i̧nä̧ ku̧wo̧juä̧tu̧ku̧nä̧ ji̧ä̧wä̧kuä̧u̧jä̧.

San Mateo 1:20

Ja̧'wa̧nü̧ jȩa̧ pä'ü amükuädä'cha'a, ä'a'a jakuänä̧ Jä'o Dio wȩ'ä̧wa̧ á̧gȩ u̧'kuo̧ti̧nä̧ i̧jȩku̧ päinä̧ku̧: Uku Dawi i̧tti̧ José-mä̧, yekuekuoka'a María-rü kuirekua päi'ünä̧ ȩmi̧; jua'a muchaju juojäja'amä̧ Epíritu Sa̧tu̧ a̧'kua̧ iweye ja̧'a̧.

Apocalipsis 22:17

Ja̧'wa̧nü̧ päomȩnä̧ Epíritu sa̧tu̧'i̧nä̧, oweja mü̧ä̧ya̧ irekua'i̧nä̧ pä'inä̧tü̧: «¡Ichi!» Ja̧'wa̧nü̧ pätta'a ä̧ju̧kuä̧tü̧'i̧nä̧, pä'inä̧tü̧: «¡Ichi!» Ja̧'wa̧ta̧nü̧ awa a̧di̧rü̧ja̧ku̧mä̧, ichi; ja̧'wa̧ta̧nü̧ awa pä̧wä̧rü̧jä̧ku̧mä̧, kkä̧kuä̧wä̧ ajiyattü mipponä̧tä̧ awi.

Hechos 15:7

Ja̧'wa̧nü̧ pȩjä̧mä̧jä̧'kotü, rekuätü ttukuokuäji o'ka'a, Peduru ä̧rä̧mi̧'ü̧ päinä̧u̧: Chawaruwä chi̧jä̧wa̧tü̧ ukutumä̧ wo̧juä̧tü̧jä̧, ukutu ku̧'kä̧tȩtu̧ku̧ttü̧, judío pokotürü, jareü wȩnȩ, Dio i̧wȩnȩ juätü'i̧nä̧ ttesetünä̧ jidäwiyarü pä'ü, ttürü ȩmi̧nü̧mä̧.

Hechos 13:4

Ja̧'wa̧nü̧ ja̧'a̧ Epíritu Sa̧tu̧ wȩä̧jä̧u̧mä̧, Sereucia ütawiyäku 'chä̧wi̧'ü̧mä̧ Chipre-ra̧'a̧ku̧ kkäwinä̧tü̧.

Hechos 13:2

Ya'utenä̧ Dio-rü ukuoku kkä̧nü̧, ttu̧kuȩ'i̧nä̧ tta̧do̧chä̧ja̧'a̧, Epíritu Sa̧tu̧ päinä̧u̧: «Bernawérü'i̧nä̧, Sauro-rü'i̧nä̧ 'kȩ'ȩpi̧yä̧tu̧kui̧ttü̧, ttadita pä'ü wochinü̧ wedatü.»

Hechos 1:15

Ja̧'wa̧nü̧ ttü̧'ȩjü̧ mo̧ro̧, ciento veinte-nü̧ jo̧mȩnä̧ ji̧yȩtȩnä̧ wotü ka̧ka̧kuä̧jä̧tü̧rü̧ Peduru-mä̧ ä̧rä̧mi̧'ü̧ pä'inü̧:

Hechos 11:13

Ja̧'wa̧nü̧ ja̧'a̧ jua̧u̧mä̧ pä'inü̧: ya̧tȩ á̧gȩ-rü̧ topäjisä chojusodettü, jua̧u̧mä̧ kkä̧mä̧dü̧ päjäkusä: «Yotüterü, Jope ütawiyära̧'a̧ we'í, Simón-ja̧'a̧nä̧ Peduru pä'ü ottäkuru ichi'a jittäwäja»

Hechos 28:15

Roma ütawiyä isotü tawaruwä tü̧jä̧wa̧tü̧mä̧ ticha'a ukuowa'a ttäju̧kuä̧ja̧'a̧ttü̧ topü tti̧chi̧nä̧u̧jä̧ Foro de Apio pättomȩbü ja̧'wa̧ta̧nü̧ Tres Tabernas mi̧kuomȩbü. Juätürü topü, Pauru-mä̧ Dio-rü eseunu̧ a̧'kua̧ adiwächi'inä̧ku̧.