Hechos 10:48 - Nuevo Testamento Uwotjüja

⁴⁸ Ja̧'wa̧nü̧ ja̧'a̧ttü̧, Jesucrito i̧mi̧nä̧ bautizo jȩtta̧tü̧ pä'ü weinä̧u̧. Ja̧'wa̧nü̧ jä̧ji̧ o'ka'a, Peduru-rü jä'epinä̧tü̧ rekuonä̧nü̧ mo̧ro̧, jitütäku ü̧ji̧'i̧ya̧tü̧ pä'ü.

TÄ̧DO Ä̧CUÄ̧ I̧HUȨNȨ

⁴⁸ Pedro ja̧'hua̧nö̧ päji o'ca'a, hue'inödo jahuätörö bautizando jȩtta̧ pä'ö Jesucristo i̧mi̧nä̧. Ja̧u̧nu̧ o'ca'a Pedrorö jä'epinätödo a̧'u̧cua̧'a̧tä̧ jahuätöcu ö̧ja̧ pä'ö.

Hechos 10:48 Referans Kwoze

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

Hechos 8:16

Jua'amä̧ ya̧tȩrü̧'i̧nä̧, ji̧nä̧ Epíritu Sa̧tu̧mä̧ ü̧jä̧mä̧do̧ka̧'a̧ ji̧na̧'a̧; suro Jesú i̧mi̧nä̧tä̧ bautizo jȩttä̧kuä̧wä̧ji̧yä̧u̧ jȩpi̧nä̧tü̧.

Gálatas 3:27

Ja̧'wa̧nü̧ jo̧mȩttü̧, o'katoi'ünä̧ Crito-nä̧ bautizo jȩpä̧kuä̧wi̧nä̧tü̧mä̧, Crito-tä pä'äjita'anü̧ ü̧'ka̧ti̧nä̧u̧jä̧.

Hechos 19:5

Jua̧u̧ ttä̧ju̧kuä̧ji̧ o'ka'a, Tu̧ru̧wa̧ Jesú i̧mi̧nä̧ bautizo jȩtti̧nä̧u̧.

Hechos 8:12

Ja̧'wa̧nü̧ ja̧'a̧nä̧, Felipe jareünä̧ Ru̧wa̧ Dio weü wȩnȩ'i̧nä̧, Jesucrito i̧mi̧nä̧'i̧nä̧ jiäwomȩnä̧ bautizo jȩpä̧kuä̧wi̧nä̧tü̧ u̧mä̧tü̧'i̧nä̧, nä̧tü̧'i̧nä̧, jü̧nä̧.

San Juan 4:2

(Jua'akumä̧, Chutämä̧ bautizo jȩo̧ka̧'a̧, u̧wo̧juȩtä̧u̧tä̧ bautizo jȩtta̧'a̧nä̧).

San Juan 4:40

Ja̧'wa̧nü̧ ja̧'a̧ttü̧, Samaria ttü̧ja̧mä̧ ichi'äkuäwipü, Jesú-ru jitütäku ü̧ji̧'a̧ pä'ü ajuäkuäu jättepinä̧ku̧; jättepäja'a, juȩnȩmä̧ todäre mo̧ro̧ jo̧mȩnä̧ kki̧nü̧.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.