Hechos 10:36 - Nuevo Testamento Uwotjüja

³⁶ Dio-mä̧ Irae i̧tti̧mü̧ o'kotürümä̧ ukuokuinü̧, wȩnȩ juiyünä̧ kkä̧kuä̧wä̧mä̧, o'katoi'ünä̧ Tu̧ru̧wa̧ Jesucrito ya̧tȩnä̧tä̧.

TÄ̧DO Ä̧CUÄ̧ I̧HUȨNȨ

³⁶ Iso päi'önä Dios hue'inö Jesucristo, Israel ttö̧ja̧rö̧ jiähua pä'ö i̧huȩnȩ, adihuä huȩnȩ, eseunu kä̧cuä̧huä̧ huȩnȩ. Chutä Jesucristo o'ca toi'önä Ttu̧ru̧hua̧ päi'önä kö̧.

Hechos 10:36 Referans Kwoze

San Mateo 28:18

Ja̧'wa̧nü̧ ja̧'a̧ Jesú-mä̧ juätürü tü'künä̧nü̧ 'chä̧wi̧'ü̧ pä'inü̧: —Dio-mä̧ mo̧ro̧jä̧nä̧'i̧nä̧, pi̧jä̧nä̧'i̧nä̧ o'kajuiyünä̧ churuwo weda pä'ü iyinä̧ku̧sä̧.

Hechos 2:36

«Ja̧'wa̧nü̧ ja̧'a̧ttü̧, ukutu Irae ttü̧ja̧ o'katoi'ünä̧ ku̧wo̧juä̧tu̧kua̧ pä'ü ja̧'a̧, pide Jesú ü̧jo̧kä̧nü̧ kku̧nu̧ kuä'ü kuikuinä̧tu̧kuä̧ku̧rü̧mä̧, Dio-mä̧ Jesú-ru Tu̧ru̧wa̧ Crito jü̧nä̧ jȩi̧nä̧ku̧ pä'ü.»

Apocalipsis 17:14

Juätümä̧ ttürowäwäkuotü, oweja mü̧ä̧ya̧ jü̧nä̧ wa̧ku̧; ja̧'wa̧nü̧ ja̧'a̧nä̧ jua̧u̧mä̧, umüwäyotüku abo 'kuäo'ä̧kua̧; jua'amä̧ ukuo isotü'i̧nä̧ ttu̧ru̧wa̧ ja̧'a̧ttü̧ ja̧'wa̧ta̧nü̧ ruwotü'i̧nä̧ ttu̧ru̧wa̧ ja̧'a̧ttü̧. Jua̧u̧ku̧ kka̧kuä̧tü̧mä̧ woinä̧u̧tä̧, ȩmi̧nä̧u̧tä̧, ukuotätütä jä̧kua̧'a̧.

Apocalipsis 1:18

ja̧'wa̧ta̧nü̧ jitämä̧ a̧'kua̧rü̧sä̧, ya'utenä̧mä̧ 'korujuo'ächinü̧sä̧; ja̧'wa̧nü̧ ji̧na̧'a̧nä̧ jitämä̧, mo̧ro̧ kki̧ä̧mü̧nä̧ kkü̧sä̧. Ja̧'wa̧ta̧nü̧ wa'are ujuru u̧wä̧mȩnä̧ wa̧sä̧, chujurumä̧.

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.

1 Corintios 15:27

Isopäi'ünä̧ Dio i̧wȩnȩmä̧ pä'a: Dio-mä̧ iyinä̧ku̧ o'kajuiyünä̧ i̧dȩa̧'a̧ jü̧nä̧ wea pä'ütä. Jua'a «o'kajuiyünä̧» pä'amä̧, Dio-rümä̧ päoka'a, jua̧u̧tä̧ o'kajuiyünä̧ iyinü̧tä̧ ja̧'a̧ttü̧ wea pä'ü.

Apocalipsis 19:16

Ja̧'wa̧ta̧nü̧ ü̧'ka̧tä̧wä̧ta̧nä̧'i̧nä̧, üjanä̧'i̧nä̧ pa̧'a̧nü̧ i̧mi̧ wȩyu̧kua̧'a̧ rü̧tä̧ri̧nü̧: «Ruwotü'i̧nä̧ ttu̧ru̧wa̧ ja̧'wa̧ta̧nü̧ tturuwotü'i̧nä̧ ttu̧ru̧wa̧,» jü̧nä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Filipenses 2:11

Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

1 Corintios 15:47

Ä̧kuo̧mȩnä̧ ttü̧ja̧sa̧mä̧, rȩjȩttü̧ uwäbe'äkuäwa̧ ji̧na̧'a̧ ja̧'wa̧nü̧ jo̧mȩttü̧ pi̧jä̧ ttü̧ja̧ i̧sa̧ pinü̧; juȩnȩ o'komȩnä̧ i̧sa̧mä̧, Tu̧ru̧wa̧ ji̧na̧'a̧, mo̧ro̧jä̧ra̧'a̧ttü̧ ichinü̧.

Romanos 14:9

Isopäi'ünä̧ Tu̧ru̧wa̧ Crito-mä̧ pi̧yȩtä̧ ja̧'a̧tȩ'ü̧ 'korujuo'ächäji̧'ka̧, pä'äjita'anü̧ tto'ächinü̧: A̧'kua̧rä̧tü̧'i̧nä̧, 'korujuo'ächinä̧tü̧'i̧nä̧ Ttu̧ru̧wa̧ ja̧ pä'ü.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

Hechos 13:32

Ja̧'wa̧nü̧ ja̧'a̧ jitämä̧ ukuturu pi̧yȩ jareü wȩnȩ ji'äwätüjä̧: Tü̧tä̧mü̧ mi̧nä̧rü̧, Dio-mä̧ jȩchä̧kua̧sä̧ päinü̧ta'anü̧ jȩpi̧nü̧ pä'ü,

Hechos 11:19

Esteba̧-rü̧ kuä'ü ttikuinü̧ o'ka'a, Jesucrito-rü esetätürümä̧ ya'äu suronä̧ jȩtti̧nä̧u̧. Ja̧'wa̧nü̧ jä̧u̧ rekuätü tü'ipü i̧wi̧nä̧tü̧ Fenicia-ra̧'a̧'i̧nä̧, Chipre kkä'ko i̧sä̧sa̧ra̧'a̧'i̧nä̧, Antioquía ttawaränä̧'i̧nä̧, jü̧nä̧. Juätü tü'ipätümä̧, kkorotürümä̧ jittäwoka'anä̧, judío-rütä ji'äwinä̧tü̧ Dio i̧wȩnȩmä̧.

Hechos 5:31

Jua̧u̧ru̧mä̧ Dio-mä̧ u̧wo̧jua̧'a̧ku̧nä̧ rütäu, ru̧wa̧ päi'ünä̧ jȩpü̧ ra̧wä̧pi̧jü̧ttü̧ ttü̧ji̧pü̧nä̧ ppädäkuäwä i̧sa̧ päi'ünä̧ jȩi̧nä̧ku̧, Irae ttü̧ja̧rü̧ suronä̧ jȩttü̧ttü̧ kättädi'a pä'ü ja̧'wa̧ta̧nü̧ suronä̧ jȩttä̧'i̧jü̧ jȩpü̧ ikuatü pä'ü.

San Lucas 24:47

Ja̧'wa̧ta̧nü̧ i̧mi̧mä̧ pi̧jä̧ o'kajuiyünä̧tä̧ jiäkuäwäkua'a, suronä̧ jȩttä̧'i̧jü̧ kättädi'a pä'ümä̧, Dio surojü jȩpo̧ko̧tü̧ 'kua̧rü̧nä̧ jȩpü̧ ikuatü pä'ümä̧. Jerusarȩ́-ttü̧ kkä̧mä̧dü̧ jiäkuäwäkua'a.

San Mateo 11:27

Kka̧ku̧ o'kajuiyünä̧tä̧, Chä'ottümä̧ iyäwi'inä̧ku̧sä̧. Isopäi'ünä̧ i̧tti̧rü̧ wo̧jua̧mä̧ jä'otä ja̧'a̧, pärokua'aku jä'orü wo̧jua̧mä̧ I̧tti̧tä̧ ja̧'a̧ ja̧'wa̧ta̧nü̧ I̧tti̧ i̧jȩpä̧ku̧tä̧ ja̧'a̧ wo̧jui̧'ü̧mä̧.

San Mateo 10:6

pärokua'aku, Iraettü oweja-tü̧ re'tewächinä̧tü̧ ttü̧ja̧kua̧'a̧tä̧ tätukui.

Hebreos 1:2

Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.

Colosenses 1:20

ja̧'wa̧ta̧nü̧ Crito-nä̧tä̧, o'kajuiyünä̧ esekua pä'inü̧, pi̧jä̧nä̧ kka̧ku̧'i̧nä̧, mo̧ro̧jä̧nä̧ kka̧ku̧'i̧nä̧ jü̧nä̧, wȩnȩ juiyünä̧ eseku ikunä̧, ü̧jo̧kä̧nü̧ jäinä̧ 'korujuoächinoya ukuojanä̧.

San Lucas 1:79

Rü̧ȩnä̧ yo̧ü̧nä̧ kka̧kuä̧tü̧rü̧ ja̧'wa̧ta̧nü̧ wa'are ujurunä̧ kka̧kuä̧tü̧rü̧ tȩya̧u̧ i'chächü iya pä'ü. Ja̧'wa̧ta̧nü̧ wȩnȩ jui̧yä̧mä̧nä̧ ti̧'chü̧nä̧ weye juoepa pä'ü.

Hechos 10:37

Ukutumä̧, wo̧juä̧tü̧jä̧ judea rȩjȩnä̧ttü̧ ukuounä̧ o'kajuiyünä̧ 'kuäopinü̧mä̧, Galirea rȩjȩttü̧ kkä̧mä̧dü̧, Ju̧a̧ bautizo jȩpü̧ jiäwinü̧ o'ka'a.

Romanos 5:1

Ji̧yȩnä̧tä̧ ta̧'kua̧ tu̧wȩnä̧rü̧nä̧, surojü jui'ätü jü̧nä̧ jȩpü̧ ikuinä̧u̧jä̧, Dio-kumä̧ eseäkuäwä tu̧ju̧nä̧rü̧nä̧ Jesucrito-nä̧mä̧.