Hechos 10:30 - Nuevo Testamento Uwotjüja

³⁰ Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

TÄ̧DO Ä̧CUÄ̧ I̧HUȨNȨ

³⁰ Ja̧'hua̧nö̧ jäepomenä, Cornelio pä'inödo: —Ni̧pä̧ro̧mȩcu̧ päi'a'a chu̧cuȩ chucuoca'a chojusodenä chö̧ja̧'a̧ Diosrö chucuocuomenä, ya̧tȩ ö̧'ca̧tä̧huä̧ta̧ säruhuä̧ta̧ 'ca̧tä̧u̧ru̧ chä'ca jo̧mȩ ö̧jä̧mä̧da̧'a̧ topäjisä. Ja̧u̧ru̧ tochäja'attömä pa̧ja̧cuä̧nö̧ mo̧ro̧ ja̧'a̧.

Hechos 10:30 Referans Kwoze

Hechos 10:3

Ji̧yȩtȩ mo̧ro̧, ttu̧'kuo̧ti̧nä̧ jä̧'i̧nü̧'a̧nü̧, las tres-nä̧ ni̧pä̧ro̧mȩku̧, topinü̧ ya̧tȩ Dio wȩ'ä̧wa̧ á̧gȩ do'ächi'ü pä'a: «¡Cornelio!»

Hechos 1:10

Ja̧'wa̧nü̧ käekuächi̧yä̧u̧, mo̧ro̧jä̧ra̧'a̧ to̧ttä̧ro̧mȩ 'kä̧tȩnä̧, ttü̧ja̧ ta̧ju̧, teü o̧ta̧ 'ka̧tä̧wä̧tü̧ kka̧kuä̧mü̧,

Hechos 3:1

Ya'utenä̧ Peduru-mä̧, Ju̧a̧-ku̧ ni̧pä̧ro̧mȩ las tres-nä̧ Dio-rü ukuokuäkuäwodera̧'a̧, Dio-rü ukuoku 'chi̧nä̧tü̧. Juätü judío-mä̧ ttukuokuä'ijü hora ji̧na̧'a̧.

San Lucas 24:4

Ja̧'wa̧nü̧ ji̧yä̧u̧ ¡to̧o̧! to̧ttä̧ra̧'a̧nä̧, ttipeyänä̧ u̧mä̧tü̧ ta̧ju̧ kka̧kuä̧mi̧nä̧tü̧, ttü̧'ka̧tä̧wä̧ti̧yu̧ kkȩdȩpä̧u̧.

San Marcos 16:6

Ja̧'wa̧nü̧ ja̧'a̧nä̧, päinä̧u̧: —Yekuekuätukuä, Jesú Nazare ütawiyä i̧sa̧rü̧ ü̧jo̧kä̧nü̧ jäinä̧ kku̧nu̧, kuä'ü ttikuäjäkuru usätüjä̧; jua̧u̧mä̧, tto'ächäji, pȩnȩ́ ttütäjomȩmä̧ toa'a, topätukui.

San Mateo 28:3

Á̧gȩ-mä̧ ku'upä ürowa'a 'kua̧rü̧nä̧ kkä̧dȩpi̧nü̧ ja̧'wa̧ta̧nü̧ ü̧'ka̧tä̧wä̧ta̧mä̧ diyawa'a isoppa jä̧'i̧nü̧'a̧nü̧ teina̧'a̧.

Hechos 10:22

Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

Hechos 10:29

Ja̧'wa̧nü̧ ja̧'a̧ttü̧, jarodäkuäwä juiyünä̧, jittäüta'a̧nü̧ yotäku ichäjisä. Ja̧'wa̧nü̧ ja̧'a̧ttü̧, ukuturu jä'epüsä: ¿Toku jo̧mȩnä̧, kuä̧tȩpä̧jä̧tu̧kuä̧ku̧sä̧ttü̧ pä'ü?

Hechos 10:31

Jua̧u̧mä̧ päjäkusä: Cornelio, Dio-rü kukuokuä'ijümä̧ ä̧ju̧kuä̧jä̧ku̧jä̧ ja̧'wa̧ta̧nü̧ usurä isotürü ppäkuädä'ijü'i̧nä̧ amükuädäjäkujä̧, jü̧nä̧.