Hechos 10:22 - Nuevo Testamento Uwotjüja

²² Pä̧u̧ pättinä̧ku̧: —Su̧ro̧do̧u̧ ttu̧ru̧wa̧ Cornelio wȩä̧jä̧u̧ ichäjätüjä̧, jua̧u̧mä̧ Dio-rü esetü ukuotü ja̧'wa̧ta̧nü̧ Judío'i̧nä̧ ttu̧wo̧juä̧ku̧ ja̧'a̧. Jua̧u̧ru̧ Dio i̧sa̧ á̧gȩ ukuru woa pä'ü weäja'a ja̧'a̧, ojusodera̧'a̧ kuichiyarü pä'äji jikuäu ä̧ju̧kua̧ pä'ü.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ u̧mä̧tö̧ ädätinätödo: —Su̧ro̧da̧u̧ ttu̧ru̧hua̧ Cornelio ujuturu hue'äji. Chutä adihuä i̧sa̧ ja̧'a̧ttö̧, Diosrö ye'ecu. Judíos ttö̧ja̧ o'ca toi'önä ja̧u̧ru̧ adiu ucuotätö. Ya̧tȩ ángel, Dios huȩ'ä̧hua̧, ja̧u̧ru̧ ji'ähuäji huea pä'ö ucu cui̧'cha̧ pä'ö ojusodera̧'a̧, jicuhuähua'a ä̧ju̧cua̧ pä'ö.

Hechos 10:22 Referans Kwoze

Hechos 11:14

Jua̧u̧tä̧ ja̧'a̧ ukuru ji̧ä̧wä̧kua̧mä̧ kuawaruwä'i̧nä̧ o'katoi'ünä̧ ukutä'i̧nä̧ surojüttü ku̧ji̧pä̧tu̧kua̧ pä'ü.

Hechos 10:2

Jua̧u̧ Cornelio-mä̧ Dio-rü esetinü̧ i̧tti̧mü̧tä̧ku̧ o'katoi'ünä̧, rü̧ȩnä̧ usurä isotürü'i̧nä̧ ppä'ädinü̧ ja̧'wa̧ta̧nü̧ 'kuäopünä̧ Dio-rü ukuokuinü̧.

3 Juan 1:12

O'katoi'ünä̧, Demetrio ütü'kü adiu ukuokuätü ja̧'wa̧ta̧nü̧ jua̧u̧ jȩpü̧ ü̧jü̧ttü̧ wo̧juä̧tü̧jä̧ isopäi'ünä̧ ja̧'a̧ pä'ü. Ja̧'wa̧ta̧nü̧ ujutu'i̧nä̧ jua̧u̧ adiu jȩü̧mä̧, adiutä ukuokuätüjä̧, jua̧u̧ tukuokumä̧ jueü wȩnȩtä̧ ja̧'a̧ pä'ü wo̧jua̧jä̧.

2 Pedro 3:2

Ji̧yȩnü̧ pä̧nä̧ surojü jui'ätü profeta-tü̧ pättinü̧ ji̧nü̧ amükuädätukui; ja̧'wa̧ta̧nü̧ tu̧ru̧wa̧ surojüttü kki̧'ä̧kuä̧wä̧ i̧sa̧ttü̧ weäwä wȩnȩ apótore pä̧ttä̧u̧ ukuturu ttu̧wo̧juȩti̧nü̧mä̧.

Hebreos 12:23

ja̧'wa̧ta̧nü̧ Dio ä̧kuo̧mȩnä̧ i̧tti̧mü̧, mo̧ro̧jä̧nä̧ wȩyu̧kuo̧tü̧ ttü̧ja̧kuo̧mȩku̧. Tü'küpächi'inä̧tü̧jä̧ Dio-rü, Juez jü̧nä̧ o'katoi'ünä̧rü̧ wa̧ ü̧jo̧mȩku̧ ja̧'wa̧ta̧nü̧ Dio adiunä̧ juoepinä̧u̧ epíritu-tu̧ ttü̧ja̧kuo̧mȩku̧.

Hebreos 11:2

Dio-mä̧, tü̧tä̧mü̧ mi̧nä̧rü̧mä̧ tta̧'kua̧ ttu̧wȩnä̧ro̧mȩttü̧ adiu esewinä̧u̧.

Hebreos 10:38

Ja̧'wa̧nü̧ ja̧'a̧ttü̧, adiwä jueinä̧ jȩpü̧ kkü̧mä̧, tta̧'kua̧ wȩnä̧rä̧kuä̧wä̧nä̧tä̧ ü̧jä̧kua̧; ja̧'wa̧nü̧ ja̧'a̧nä̧ o'ka'aku ppa̧'a̧chä̧chü̧rü̧mä̧, cha̧'kua̧rü̧ esewoka'a jä̧kua̧'a̧.

1 Timoteo 3:7

Ja̧'wa̧ta̧nü̧ ttü̧ja̧ Dio-rü esetokotü'i̧nä̧ ttukuotäkuttü, dä'ä ttuäwänä̧'i̧nä̧, kkoro äwettä kka̧kuä̧mȩ'ü̧ toünä̧'i̧nä̧ ma̧ä̧chü̧ juiyäkua'anü̧.

2 Corintios 5:18

Jua̧u̧mä̧ o'kajuiyünä̧ Dio-ttü ichütä ja̧'a̧; Chutä a̧mü̧nä̧ pa̧ja̧tü̧ esekuinä̧u̧jä̧ Crito-nä̧tä̧ ja̧'wa̧nü̧ jȩpü̧ ujuturu iyinä̧u̧jä̧ eseku ikuäwä wȩnȩ tadita pä'ü;

Romanos 1:17

Isopäi'ünä̧ jareü wȩnȩmä̧, Dio ujuturu adiwomȩnä̧ jȩü̧mä̧ i̧jȩkuä̧cha̧'a̧; tta̧'kua̧ ttu̧wȩnä̧ro̧mȩttü̧ kkä̧mä̧dü̧, yaboku tta̧'kua̧ ttu̧wȩnä̧rü̧nä̧, wȩyu̧kuä̧ wȩnȩmä̧ pa̧'a̧nü̧ pä'attü̧: «adiwä juei jȩpü̧ kkü̧mä̧ a̧'kua̧ wȩnä̧rü̧tä̧ ü̧jä̧kua̧.»

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Hechos 22:12

Juȩnȩmä̧ kki̧nü̧, ya̧tȩ Ananía pättäku, Dio-rü rü̧ȩnä̧ ukuotü kkä̧nü̧, Moisé weäwä wȩnȩ'i̧nä̧ ukuotü kkü̧; jua̧u̧ ütü'kümä̧ adiutä ukuokuinä̧tü̧, judío juȩnȩ Damasco-nä̧ kka̧kuä̧tü̧ o'katoi'ünä̧.

Hechos 10:33

Ja̧'wa̧nü̧ päjiyäku, yotäku ottäjaku pä'ü wedäja'a ichi'äjijä̧. Ja̧'wa̧nü̧ ja̧'a̧ttü̧, jitämä̧ o'katoi'ünä̧ pȩnȩtä̧ Dio ä'ka jo̧mȩ pȩjä̧tü̧jä̧, ukuru Dio weäji tä̧ju̧kua̧ pä'ümä̧.

Hechos 10:6

Jua̧u̧mä̧ kka̧ra̧ Simón, isotü tti̧jȩti̧yu̧ adikuä i̧sa̧ ojusodenä̧ kkü̧, rü̧ä̧ aje jäyoto; jua̧u̧tä̧ jä̧kua̧'a̧ jȩ'kua̧ pä'ü rekuä rü̧jü̧ ji̧ä̧wä̧kua̧mä̧.

Hechos 6:3

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧, ukututtütä usätukui, ttü̧jä̧pü̧ttü̧ ta̧ju̧nü̧ wotürü, ukututä ku̧wo̧juä̧tu̧kuä̧u̧ru̧, adiu wo̧juȩku̧nä̧ amükuädätürü, Epíritu Sa̧tu̧ jäwä jo̧mȩnü̧ wotürü, pi̧yȩ ttadita we'ü tu̧ju̧na̧tü̧.

San Juan 17:20

Ja̧'wa̧nü̧ ja̧'a̧nä̧, suro pitü ttütü'kütämä̧ jä'epoküsä, pitü jittäwomȩnä̧ ä̧ju̧ku̧ ttürü ttesetäkuotürü'i̧nä̧ jä'epüsä.

San Juan 17:8

Ja̧'wa̧nü̧ ja̧'a̧ttü̧ kui̧wȩnȩ, ttürü kuiyinü̧mä̧ chi̧yä̧u̧ ȩmi̧nä̧tü̧; ja̧'wa̧nü̧ ja̧'a̧ wo̧jui̧'i̧nä̧tü̧ ukuttü chichina̧'a̧'i̧nä̧ ja̧'wa̧ta̧nü̧ uku ttürü wekuina̧'a̧'i̧nä̧, jü̧nä̧.

San Juan 13:20

Isopäi'ünä̧ pädäu̧jä̧: Ttü wedäkuru do'ädümä̧, Ttürü do'ädü; ja̧'wa̧ta̧nü̧ Ttürü do'ädümä̧, Ttürü we'inü̧rü̧ do'ädü.

San Juan 6:68

Päomȩnä̧, Simón Peduru-mä̧ ädätinä̧ku̧: —Chu̧ru̧wa̧, ¿Diku ti̧'chü̧'a̧nü̧ ja̧'a̧jä̧ttü̧? Uku kui̧wȩnȩmä̧ kkä̧kuä̧wä̧ i'ko jäwä ja̧'a̧.

San Juan 6:63

Epíritu ja̧'a̧ a̧'kua̧rä̧kuä̧wä̧ iyümä̧; ttidepo'tämä̧ ji̧ya̧'a̧kuä̧ra̧'a̧tä̧ kka̧'a̧; ja̧'wa̧nü̧ ja̧'a̧ttü̧ ttü pädäjimä̧ epíritu ja̧'a̧nä̧, tta̧'kua̧rü̧'i̧nä̧ jü̧.

San Juan 5:24

Isopäi'ünä̧ pädäu̧jä̧: Ttü chi̧wȩnȩ adiu ä̧ju̧ku̧kkä̧nü̧, ttürü we'inü̧rü̧ esetümä̧, kkä̧kuä̧wä̧ i'ko kku̧nä̧rü̧; ja̧'wa̧nü̧ ja̧'a̧ttü̧ ro̧ȩkuä̧ kko̧mȩku̧mä̧ ichokü jä̧kua̧, pärokua'aku wa'arettümä̧, tta̧'kua̧rü̧ kka̧'a̧ku̧tä̧, 'kuä'o'ü.

San Lucas 23:50

Ya̧tȩ adiwä i̧sa̧, Arimatea ütawiyättü ichäji, judea rȩjȩ i̧sa̧, José pä'ü mi̧kua̧ kki̧nü̧.

San Lucas 2:25

Jua̧u̧nü̧ pä̧nä̧ Jerusarȩ́ ütawiyänä̧mä̧ ya̧tȩ Simeón pä'ü mi̧kua̧ kki̧nü̧. Jua̧u̧mä̧ rȩrü̧jü̧ toäkuäwä i̧sa̧ jü̧nä̧ kkä̧nü̧'i̧nä̧ Dio-rü ukuotinü̧, Irae ttü̧ja̧rü̧ surojüttü rä'epü ikuiyarü pä'ü tta̧'ä̧ri̧nü̧. Ja̧'wa̧nü̧ ü̧jo̧mȩnä̧ Epíritu Sa̧tu̧'i̧nä̧ ü̧ji̧nä̧ku̧,

San Marcos 8:38

Ja̧'wa̧nü̧ ja̧'a̧ttü̧ ya̧tȩ ttü chütü'kü'i̧nä̧, chi̧wȩnȩ'i̧nä̧, pitü ukuotokotü, suronä̧ jȩpä̧tü̧ ttü̧ja̧ ttä'ka jo̧mȩttü̧ udäpekuttümä̧ ja̧'wa̧nü̧ jü̧ta̧'a̧nü̧ Ttü Ubo I̧tti̧'i̧nä̧ chä'o uruwoku, á̧gȩrȩ-ku̧ chichomȩnä̧ chüdä̧pȩkuä̧kua̧sä̧ jua̧u̧rü̧mä̧.

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Mateo 1:19

María kki̧'kȩrä̧ya̧ José-mä̧, suronä̧ jȩpo̧kü̧ pä'ijü ja̧'a̧, ttü̧ja̧ ttä'ka jo̧mȩttü̧ juäjuru surojuo'epü jui'ü, yä̧wä̧i̧nä̧tä̧ kädi'aju pä'inü̧.

San Mateo 2:12

Ja̧'wa̧nü̧ jä̧ji̧ o'ka'a, Dio-mä̧ ttu̧'kuo̧ti̧nä̧ Herode ü̧ja̧'a̧ ppa̧ttä̧chü̧ juiyünä̧ päjä̧u̧, kko̧ro̧mä̧nä̧tä̧ ppa̧'ä̧chü̧ i̧wi̧nä̧tü̧ tti̧rȩjä̧ra̧'a̧mä̧.

San Lucas 9:26

Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.

Hechos 10:21

Ja̧'wa̧nü̧ ja̧'a̧, Peduru-mä̧ mȩyȩwi̧'o̧po̧'ü̧ Cornelio wȩä̧jä̧u̧ru̧ pä'inü̧: —Ttütäsä, ukutu kusätukuäkumä̧; ¿Tta̧'a̧nü̧ jo̧mȩnä̧, kusäjätukuäkusättü̧?

Hechos 10:30

Cornelio-mä̧ ädätinü̧: Täkü pa̧ja̧kuä̧nü̧ mo̧ro̧ ja̧'a̧, pi̧yȩtä̧ hora-nä̧, porü chojusodettü, las tres-bü Dio-rü chu̧kuȩ a̧do̧chü̧ chukuokuomȩnä̧ ya̧tȩ ü̧'ka̧tä̧wä̧ta̧ kkȩdȩpä̧ta̧ 'ka̧tä̧u̧ i̧jȩkuä̧ja̧'a̧mä̧.

Apocalipsis 14:10

Dio-mä̧ rü̧ȩnä̧ ra̧wä̧ri̧pü̧nü̧ pä̧i̧ku̧nä̧ ro̧ȩpä̧kua̧ ja̧'wa̧nü̧ wa̧rü̧mä̧. A̧'u̧ku̧nä̧tä̧mä̧ ro̧ȩpo̧kä̧kua̧, okuränä̧'i̧nä̧, azufre-nä̧'i̧nä̧, á̧gȩrȩ tä'kattü ja̧'wa̧ta̧nü̧ oweja mü̧ä̧ya̧ jü̧nä̧ wa̧'i̧nä̧ ä'kattü.