Hechos 1:9 - Nuevo Testamento Uwotjüja

⁹ Pi̧yȩ pä'ü käda'a, to̧pä̧rü̧ ttü̧ja̧kua̧'a̧nä̧, Jesú-mä̧ käekuächa'attü̧, ajiya isoppa, a̧ttä̧di̧'i̧nä̧ku̧, jua'a yabomä̧ tottü juiyünä̧tä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ucuocuäji'ca̧, jahuätö to̧ttä̧ra̧'a̧nä̧, mo̧ro̧jä̧ra̧'a̧ cä'ecuächinödo Jesúsmä. Ajiya isoppa ja̧u̧ru̧ ȩmo̧po̧'ä̧chä̧ji̧ o'ca'a täcö tottococu pi̧nö̧do.

Hechos 1:9 Referans Kwoze

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

Hechos 1:2

Epíritu Sa̧tu̧ a̧'kua̧iweyenä̧, umüwäyotü apótore-rü jȩttä̧kuȩ wȩnȩ we'äji̧'ka̧ mo̧ro̧jä̧ra̧'a̧ käekuächino̧mȩbü päi'ünä̧.

Apocalipsis 11:12

Ja̧'wa̧nü̧ ja̧'a̧, juätürü mo̧ro̧jä̧ra̧'a̧ttü̧ pä̧i̧ku̧nä̧ pa̧'a̧nü̧ rä̧mi̧pi̧na̧'a̧: «Poku 'cha'ächi'ätukui» päomȩnä̧, mo̧ro̧jä̧ra̧'a̧ ajiya isoppanä̧ 'cha'ächinä̧tü̧, ttaboiyotümä̧ o'katoi'ünä̧ to̧ttä̧ra̧'a̧nä̧.

San Juan 6:62

¿Jua̧u̧nu̧mä̧, toku jä̧kua̧'a̧jä̧ttü̧, pä'äji ji̧nü̧ta'anü̧ ubo i̧tti̧ ü̧ji̧no̧mȩku̧ käekuächa'a to'kuätüküttümä̧?

San Lucas 21:27

Ja̧'wa̧nü̧ päi'omȩnä̧, ubo I̧tti̧rü̧ ajiya isoppanä̧ uruwoku, ujuruku icha'a tottäkuotü.

Apocalipsis 14:4

Pitümä̧, kkorotü ttü̧ä̧nä̧wo̧tü̧ yaparewätuku surojuottekuoka'a, suro ya̧tȩ Dio-rütä esetinä̧tü̧ ji̧na̧'a̧. Juätümä̧ o'katoi'ünä̧, oweja mü̧ä̧ya̧ jü̧nä̧ wa̧ i̧'cho̧mȩmä̧ o'ka'anä̧ 'chä̧tü̧ ji̧na̧'a̧. Juätümä̧, pi̧jä̧ ttü̧ja̧ ttü̧'kä̧tȩ jo̧mȩttü̧, surojüttü ȩmi̧nä̧u̧ ji̧na̧'a̧, ä̧kuo̧mȩnä̧ jäwä ofrenda, Dio-rü'i̧nä̧, oweja mü̧ä̧ya̧ jü̧nä̧ wa̧rü̧'i̧nä̧ iyäwä päi'ünä̧.

Apocalipsis 1:7

¡Crito-mä̧ ajiya isoppanä̧ i̧chä̧kua̧! O'katoi'ünä̧ tottä̧kua̧, Churutä dakuodänä̧ ta'inä̧tü̧'i̧nä̧ tottä̧kua̧; Ja̧'wa̧ta̧nü̧ o'katoi'ünä̧ pi̧jä̧ ttü̧ja̧mä̧ jua̧u̧ru̧ topü ttajuäkuäwäkuotü. Ja̧'wa̧nü̧ ji̧yä̧u̧. Amȩ́.

Hechos 1:11

Pättinä̧u̧: —Galirea ttü̧ja̧, ¿tta̧'a̧nü̧ pä'ü mo̧ro̧jä̧ra̧'a̧ to̧pä̧rü̧ ku̧ja̧kuä̧tu̧kua̧'a̧jä̧ttü̧? Pide Jesú, ukutu ku'kä̧tȩtu̧ku̧ttü̧ mo̧ro̧jä̧ra̧'a̧ ȩmä̧wi̧'ä̧jä̧ku̧mä̧, käekuächa'a to'kuäjätukuta'anü̧, pä'äjita'anü̧'i̧nä̧ ja̧'wa̧nü̧tä̧ i̧chä̧kua̧.

1 Tesalonicenses 4:17

Ja̧'wa̧nü̧ päi'ü o'ka'a, ujutu kka̧kui̧pi̧nä̧tü̧mä̧, a̧'kua̧rä̧tü̧mä̧ ajiya isoppanä̧, juätütäku kätekuächäkuotüjä̧, juorü Tu̧ru̧wa̧rü̧ icha'a tota pä'ümä̧. Jua̧u̧nu̧tä̧ kkä̧mä̧dü̧ Tu̧ru̧wa̧ku̧ 'kuäopünä̧ tü̧jä̧kuo̧tü̧jä̧.

1 Timoteo 3:16

Jeruwoka'a ttesetinü̧ttü̧mä̧ isopäi'ünä̧ jü̧ i̧jȩkuä̧chü̧mä̧ ji̧yȩtȩ rü̧ä̧u̧ jäwä ja̧'a̧: Crito-mä̧, pi̧jä̧ra̧'a̧ ichümä̧ ttü̧ja̧sa̧ jü̧nä̧tä̧ ichinü̧, Epíritu ji̧na̧'a̧ surojümä̧ jui̧'a̧ pä'ü ji'äwinü̧mä̧ Ja̧'wa̧ta̧nü̧ á̧gȩrȩ'i̧nä̧ tottinä̧ku̧. Ruwäkuiyä pa̧ja̧ku̧nä̧ i̧wȩnȩ jittäwomȩnä̧ Pi̧jä̧ ttü̧ja̧mä̧ esetinä̧tü̧, ja̧'wa̧ta̧nü̧ mo̧ro̧jä̧ra̧'a̧ kä'ekuächinü̧.