Hebreos 9:8 - Nuevo Testamento Uwotjüja

⁸ Pi̧yȩ pä'amä̧ Epíritu Sa̧tu̧mä̧ tu̧wo̧jui̧pa̧ pä'ü pä'inü̧, ji̧nä̧ ä̧kuo̧mȩnä̧ I̧so̧ka̧ Ro̧ka̧ kka̧'a̧nä̧mä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧ dottächa pä'ümä̧ weyekua'a pä'ü.

TÄ̧DO Ä̧CUÄ̧ I̧HUȨNȨ

⁸ Ja̧'hua̧ ja̧'a̧nä̧ Espíritu Santo huo̧juȩcuä̧nä̧ huo̧juä̧tö̧jä̧. Äcuomenä i̧so̧ca̧ ji̧nä̧ ka̧'a̧nä̧, juhua'a yabocu i̧so̧ca̧nä̧, Ji̧nä̧ Isocu Adihuo̧ca̧mä̧, ji̧nä̧ 'chä̧cuä̧huo̧ca̧'a̧ ji̧na̧'a̧ huo̧juä̧tö̧jä̧.

Hebreos 9:8 Referans Kwoze

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Hebreos 3:7

Ja̧'wa̧nü̧ ja̧'a̧ttü̧ wȩyu̧kuä̧ wȩnȩnä̧ Epíritu Sa̧tu̧ pä'inü̧: «Jitä pi̧yȩ mo̧ro̧ Dio ukuokua'a kuä̧ju̧kuä̧tu̧ku̧ttü̧mä̧,

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

2 Pedro 1:21

Isopäi'ünä̧ profeta wotümä̧ yoriso ttü̧ja̧rü̧ pä̧wä̧rü̧ja̧'a̧ku̧mä̧ ukuokuokotü pinä̧tü̧, ja̧'wa̧nü̧ ja̧jü̧jueimä̧ Epíritu Sa̧tu̧ jiäwa'anä̧tä̧ Dio jäwämä̧ ukuokuinä̧tü̧.

Hebreos 9:3

Juodettü, i̧sä̧ta̧ aboja̧'a̧ku̧nä̧ kko̧ro̧ka̧, kki̧na̧'a̧ Rü̧ȩnä̧ Ro̧ü̧ jo̧ka̧,

Gálatas 3:8

Mo̧ täbokütä päi'ünä̧, ä'kanä̧ ukuokuina̧'a̧ Wȩyu̧kuä̧ wȩnȩmä̧, judío pokotü tta̧'kua̧ ttu̧wȩnä̧ro̧mȩnä̧ Dio ȩmä̧kuȩ wȩnȩmä̧. Ja̧'wa̧nü̧ jo̧mȩttü̧ Dio-mä̧, pa̧'a̧nü̧ jareü wȩnȩ ji'äwinü̧ Abraha̧-rü̧: «Ukunä̧tä̧ pi̧jä̧ ttü̧ja̧rü̧mä̧ o'katoi'ünä̧rü̧ ppä̧dä̧dä̧kua̧sä̧» jü̧nä̧.

San Juan 10:9

Ttütä ja̧'a̧, Dio weü äpatemä̧; Ttünä̧ do'ächümä̧ surojüttü ü̧ji̧pä̧kua̧. Doächomȩnä̧'i̧nä̧, räopomȩnä̧'i̧nä̧, u̧kuȩmä̧ ü̧'o̧kui̧'ä̧kua̧.

Hechos 28:25

Ja̧'wa̧nü̧ yoräteunä̧ ttesetoka'a rättekuächiyäku, rättekuächäkua'a ä'kanä̧ Pauru-mä̧ päinä̧u̧: —Pa̧'a̧nü̧ ji̧yä̧ku̧ Epíritu Sa̧tu̧mä̧, tä̧do̧tü̧ mi̧nä̧rü̧mä̧ profeta Isaía-nä̧ ukuokuinü̧:

San Juan 10:7

Jesú-mä̧ pä'äjita'anü̧ päinä̧u̧: Isopäi'ünä̧ pädäu̧jä̧: Ttütä ja̧'a̧, äpate oweja-tü̧ dodettatemä̧.

Hebreos 10:15

Ja̧'wa̧ta̧nü̧ Epíritu Sa̧tu̧mä̧ pä'inü̧:

San Lucas 1:80

Ji̧'ki̧cha̧wa̧mä̧ büó juoüta'anü̧ epíritu jäwänä̧'i̧nä̧ ä̧rä̧mi̧nü̧; ja̧'wa̧nü̧ ja̧'a̧mä̧ rȩba̧ dȩ'a̧ra̧'a̧tä̧ kki̧nü̧, Irae ttü̧ja̧rü̧ i̧jȩkuo̧mȩbü päi'ünä̧.