Hebreos 9:25 - Nuevo Testamento Uwotjüja

²⁵ Pi̧jä̧ttü̧ sacerdote tturuwotü jȩtti̧nü̧'a̧nü̧mä̧, ya'ute año-nä̧ kko̧ro̧nü̧ jü̧ta̧'a̧nü̧ sacrificio jȩa̧ pä'ümä̧ do'ächokü pinü̧, kkorotü i̧sa̧ ukuojakumä̧.

TÄ̧DO Ä̧CUÄ̧ I̧HUȨNȨ

²⁵ Ja̧u̧ judíos ttö̧ja̧ i̧sa̧ sacerdote ru̧hua̧, koro a̧'ȩ'i̧nä̧, koro a̧'ȩ'i̧nä̧ Ji̧nä̧ Isocu Adihuo̧ca̧cu̧ ya'utenätä do'ächödo, koro hua̧tä̧ ucuoja ȩpö̧ suronä jȩttö̧ micuä päi'önä. Ja̧'hua̧nö̧ ja̧'a̧nä̧ Cristomä koronö'inä, koronö'inä sacrificio päi'önä iyähuocödo.

Hebreos 9:25 Referans Kwoze

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

Hebreos 9:7

Ja̧'wa̧nü̧ ja̧'a̧nä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧, suro sacerdote-tü̧ ttu̧ru̧wa̧tä̧, ji̧yȩtȩ año-nä̧mä̧, ya'utenä̧tä̧ do'ächinü̧; churutä kkü̧ surojü jȩä̧chü̧nä̧'i̧nä̧ ja̧'wa̧ta̧nü̧ ttü̧ja̧ ttieruwa'anä̧ suronä̧ jȩttä̧'i̧jü̧ mikuäwächünä̧, isotü ttukuojanä̧ riripü 'chi̧nü̧.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 10:19

Ja̧'wa̧nü̧ ji̧na̧'a̧ttü̧, chawaruwä chü̧jä̧wa̧tü̧, Surojü Juiyomȩ pättomȩ dotächa pä'ü jo̧mȩnü̧ wotüjä̧, Jesucrito ukuoja jinoyanä̧mä̧.

Hebreos 9:26

Ja̧'wa̧nü̧ jü̧ juiyüttümä̧, Crito-mä̧ kko̧ro̧nü̧ jü̧ta̧'a̧nü̧, pi̧jä̧ uwäbe'inomȩttü̧ kkä̧mä̧dü̧ 'koru juoächä'cha pä'ü ji̧na̧'a̧. Ja̧'wa̧nü̧ ja̧'a̧nä̧, jitä rüjí mo̧ro̧ päi'omȩnä̧, ya'utenä̧tä̧ usurä ȩmä̧u̧ iyäu ikuinü̧, suronä̧ jȩttä̧'i̧jü̧ jȩpü̧ ikua pä'ümä̧.

Hebreos 10:10

Jua̧u̧nä̧tä̧ Dio-rü pä̧wä̧rü̧ji̧nü̧nä̧ surojümä̧ jo̧mȩnü̧ jȩpü̧ ikuinä̧u̧jä̧, Jesucrito idepä jä̧ttä̧pä̧ya̧, ofrenda jü̧nä̧ ya'utenä̧tä̧ ji̧nü̧mä̧, 'kuäopünä̧tä̧ mikuäunä̧ jȩpü̧ kku̧ni̧nü̧.

Hebreos 9:2

Juode Dio-rü ukuokuäkuäwode «Tabenákuro» pättode pa̧'a̧nü̧ adikuino̧de: Ä̧kuo̧mȩnä̧ I̧so̧ka̧ Ro̧ka̧nä̧, kki̧na̧'a̧: Tȩya̧u̧nä̧ kkȩdȩpü̧ kku̧nä̧wäkä; Mesa isodä wä̧mȩmä̧ kki̧na̧'a̧, trigo o̧si̧ Dio-rü iyü kku̧nä̧wä̧.