Hebreos 9:13 - Nuevo Testamento Uwotjüja

¹³ Isopäi'ünä̧ chiwotü̧'i̧nä̧, pä̧kä̧yü̧'i̧nä̧ ttukuojamä̧ ja̧'wa̧ta̧nü̧ ppo̧'ä̧tü̧ pä̧kä̧yü̧ nä̧tü̧rü̧ kkuwü ttiku o'ka̧ppȩnä̧ ririttomȩnä̧mä̧, adiutä päi'ünä̧ ujuru kki̧na̧'a̧ idepänä̧.

TÄ̧DO Ä̧CUÄ̧ I̧HUȨNȨ

¹³ Iso päi'önä pä̧cä̧yö̧'i̧nä̧, o̧vȩja̧stö̧ tti̧tti̧mö̧'i̧nä̧ ttucuoja, päcäyärö ku tticuäji o'ca'a, i̧sa̧ppȩ'i̧nä̧ suronä jȩpä̧tö̧rö̧ ttuhuämenä tticuomenä, huämenätä surojö aditö icu, töcö icuähuänä juruhua'ado.

Hebreos 9:13 Referans Kwoze

Hechos 15:9

ja̧'wa̧nü̧ ja̧'a̧ttü̧, Dio-mä̧ ujutu jü̧ta̧'a̧nü̧tä̧ jȩi̧nä̧u̧, tta̧'kua̧ ttu̧wȩnä̧ra̧'a̧ttü̧, tta̧mi̧ iso'ki tükü ikumä̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 9:19

Moisé-mä̧ ttü̧ja̧ o'katoi'ünä̧rü̧ weäwä wȩnȩ o'kajuiyünä̧ ji'äwäji̧'ka̧; pä̧kä̧yü̧ ppo̧'ä̧tü̧ ttukuoja'i̧nä̧, cabrío isotü u̧mä̧tü̧ ttukuoja'i̧nä̧, ajiyanä̧ wiwakua'a, lana escarlata pättünä̧'i̧nä̧, isade i̧sä̧ppä̧nä̧'i̧nä̧ akuäbe'äji̧'ka̧ riripinü̧ weäwä wȩnȩ kuyäru'tänä̧'i̧nä̧ ja̧'wa̧ta̧nü̧ ttü̧ja̧rü̧'i̧nä̧, jü̧nä̧.

Hebreos 10:4

Isopäi'ünä̧ pä̧kä̧yü̧'i̧nä̧, chiwotü̧'i̧nä̧ ttukuojamä̧ suronä̧ jȩttä̧'i̧jü̧mä̧ jȩpü̧ ikuoka'a ji̧na̧'a̧.

Hebreos 10:29

Juȩnȩ abonä̧nü̧ ¿tta̧'a̧nü̧ rü̧ȩnä̧ ro̧ȩkuä̧kua̧'a̧ päkuätukua'ajä̧ttü̧ Dio I̧tti̧ ukuoja kkü'kü jui'ü 'kuȩ'ku̧ru̧mä̧ ja̧'wa̧ta̧nü̧ Dio i̧sa̧ Epíritu repeäkuru suronä̧ pä'ürümä̧?