Hebreos 9:12 - Nuevo Testamento Uwotjüja

¹² Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

TÄ̧DO Ä̧CUÄ̧ I̧HUȨNȨ

¹² Chutä Cristo Ji̧nä̧ Isocu Adihuo̧ca̧cu̧ täcö do'ächinödo. Juhua'attö oveja i̧tti̧'i̧nä̧, päcäyä i̧tti̧'i̧nä̧ ttucuoja iyocödo. Ja̧'hua̧ta̧nö̧ chutä amönä ucuojatä iya pä'ö do'ächinödo. Chutä ya'utenätä do'ächinödo, o'ca toi'önä suronä jȩttö̧ jȩpö̧ icu. Ja̧'hua̧nö̧ jȩpö̧, kä̧cuä̧huä̧ i'co ȩmö̧ iyinä̧u̧jä̧.

Hebreos 9:12 Referans Kwoze

Hebreos 10:4

Isopäi'ünä̧ pä̧kä̧yü̧'i̧nä̧, chiwotü̧'i̧nä̧ ttukuojamä̧ suronä̧ jȩttä̧'i̧jü̧mä̧ jȩpü̧ ikuoka'a ji̧na̧'a̧.

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Efesios 1:7

Jua̧u̧ ukuojänä̧tä̧ i̧mi̧tä̧wi̧nä̧u̧jä̧, suronä̧ jȩtä̧'i̧ja̧'a̧mä̧, rȩrü̧jü̧ toäkuäwä u̧ju̧nä̧ra̧'a̧ttü̧,

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

Apocalipsis 1:5

Ja̧'wa̧ta̧nü̧ Jesucrito, jueü wȩnȩ jiäkuäwä i̧sa̧, wa'inä̧tü̧ttü̧ ä̧kuo̧mȩnä̧ tto'ächinü̧ ja̧'wa̧ta̧nü̧ pi̧jä̧ ruwotü'i̧nä̧ ttu̧wä̧mȩnä̧ wa̧ ȩmi̧nä̧u̧jä̧. Jua̧u̧tä̧ ja̧'a̧ ujuturu repe'ü, suronä̧ jȩtü̧'i̧nä̧ ukuojanä̧ tükü ikuinü̧mä̧.

Hebreos 10:19

Ja̧'wa̧nü̧ ji̧na̧'a̧ttü̧, chawaruwä chü̧jä̧wa̧tü̧, Surojü Juiyomȩ pättomȩ dotächa pä'ü jo̧mȩnü̧ wotüjä̧, Jesucrito ukuoja jinoyanä̧mä̧.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.

Hebreos 7:27

Pide sacerdote-mä̧ rekuä rü̧jo̧ko̧ku̧, sacerdote-tü̧ tturuwotü ji̧nü̧'a̧nü̧ mo̧ro̧ ji̧nü̧ a̧kuä̧, tta̧mü̧nä̧ suronä̧ jȩttä̧'i̧ja̧'a̧ mikuäwächünä̧ sacrificio pättü jȩpä̧kuä̧wi̧'ü̧'ka̧, juȩnȩ o'komȩnä̧ ttü̧ja̧ suronä̧ jȩttä̧'i̧jü̧ mikuäwächünä̧ sacrificio jȩa̧ pä'ümä̧; Jesú-mä̧ ya'utenä̧tä̧ jȩpi̧nü̧, sacrificio-mä̧ 'kuäopünä̧tä̧ mikuäunä̧, a̧mü̧nä̧ pa̧ja̧tü̧ iyäkuäwomȩnä̧mä̧.

Hebreos 9:13

Isopäi'ünä̧ chiwotü̧'i̧nä̧, pä̧kä̧yü̧'i̧nä̧ ttukuojamä̧ ja̧'wa̧ta̧nü̧ ppo̧'ä̧tü̧ pä̧kä̧yü̧ nä̧tü̧rü̧ kkuwü ttiku o'ka̧ppȩnä̧ ririttomȩnä̧mä̧, adiutä päi'ünä̧ ujuru kki̧na̧'a̧ idepänä̧.

Hebreos 1:3

Jua̧u̧tä̧ ja̧'a̧, i̧wȩnȩ ujurunä̧nä̧tä̧ 'chü̧ä̧rä̧kuä̧wä̧ i̧sa̧, uruwo kkȩdȩpa̧mä̧, ja̧'wa̧ta̧nü̧ Dio a̧'kua̧juä̧mä̧. Jua̧u̧mä̧ suronä̧ jȩtü̧ tükü ikuinü̧ o'ka'amä̧, mo̧ro̧jä̧nä̧ pä̧mä̧di̧nü̧, Dio uruwo dȩä̧kä̧ u̧wo̧jua̧'a̧ku̧nä̧.

1 Tesalonicenses 1:10

Ja̧'wa̧ta̧nü̧ juätümä̧ wo̧juä̧tü̧ mo̧ro̧jä̧ra̧'a̧ttü̧ i̧chä̧kua̧rü̧, wa'arettü tto'ächinü̧rü̧, Dio ro̧ȩpä̧kuȩttü̧ rä'epü ikuäwä i̧sa̧ Jesucrito ichakua'a tta̧kuä̧rä̧tu̧kua̧'a̧mä̧.

Colosenses 1:14

jua̧u̧tä̧tä̧ ji̧na̧'a̧, ujuturu ukuojanä̧ mitäu ȩmi̧nü̧mä̧ surojüttü rä'epü iku.

Hechos 20:28

Ja̧'wa̧nü̧ ja̧'a̧ttü̧ to̧pä̧rä̧kuä̧u̧ kka̧kuä̧tu̧kui̧, Epíritu Sa̧tu̧ igresia-nä̧ pató-tü̧ päi'ünä̧ tta̧kuä̧rä̧tu̧kua̧ pä'ü iyina̧'a̧mä̧, Tu̧ru̧wa̧ ukuojanä̧ i̧mi̧täwina̧'a̧ttü̧.

San Marcos 3:29

Ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, suronä̧ jȩttä̧'i̧jü̧mä̧ yorisotä surojü jui'ätü jü̧nä̧mä̧ jȩpü̧ ikuäwokotü ttäkuotü ja̧'wa̧nü̧ ja̧jü̧ jueimä̧ 'kuä'opünä̧ usurä ttȩmä̧wa̧ pä'ütätä jȩpü̧ kkü̧nä̧wä̧kuo̧tü̧.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

Tito 2:14

Ja̧u̧ ji̧na̧'a̧ ujutunä̧ o'kajuiyünä̧ surojüttü rä'epü iku tükü ikua pä'ü wa'arera̧'a̧ iyäwinümä̧, ja̧'wa̧nü̧ jȩpü̧ chutä pojopü ȩmi̧nä̧u̧ päti'ünä̧ pärotinü̧, pojopü ȩmi̧nä̧u̧ adiunä̧ jȩä̧kuä̧wä̧ amükuädätü jü̧nä̧tä̧.

Hebreos 9:7

Ja̧'wa̧nü̧ ja̧'a̧nä̧, juȩnȩ yabonä̧ I̧so̧ka̧ Rü̧ȩnä̧ Ro̧ka̧nä̧, suro sacerdote-tü̧ ttu̧ru̧wa̧tä̧, ji̧yȩtȩ año-nä̧mä̧, ya'utenä̧tä̧ do'ächinü̧; churutä kkü̧ surojü jȩä̧chü̧nä̧'i̧nä̧ ja̧'wa̧ta̧nü̧ ttü̧ja̧ ttieruwa'anä̧ suronä̧ jȩttä̧'i̧jü̧ mikuäwächünä̧, isotü ttukuojanä̧ riripü 'chi̧nü̧.

San Lucas 1:68

¡Irae ttü̧ja̧ ttu̧ru̧wa̧ Dio-rü teseäkuäwätukua, isopäi'ünä̧ u̧mü̧wä̧yotürü topü ichükkä̧nü̧, surojüttü rä'epü iku ichä'attü̧!

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 9:19

Moisé-mä̧ ttü̧ja̧ o'katoi'ünä̧rü̧ weäwä wȩnȩ o'kajuiyünä̧ ji'äwäji̧'ka̧; pä̧kä̧yü̧ ppo̧'ä̧tü̧ ttukuoja'i̧nä̧, cabrío isotü u̧mä̧tü̧ ttukuoja'i̧nä̧, ajiyanä̧ wiwakua'a, lana escarlata pättünä̧'i̧nä̧, isade i̧sä̧ppä̧nä̧'i̧nä̧ akuäbe'äji̧'ka̧ riripinü̧ weäwä wȩnȩ kuyäru'tänä̧'i̧nä̧ ja̧'wa̧ta̧nü̧ ttü̧ja̧rü̧'i̧nä̧, jü̧nä̧.

Hebreos 13:12

Ja̧'wa̧nü̧ ji̧nü̧ta'anü̧, Jesú-mä̧ Jerusarȩ́ ütawiyä u̧mi̧ttü̧ 'korujuo'ächinü̧, chutä ukuojanä̧, ȩmi̧nä̧u̧ suronä̧ jȩttä̧'i̧jü̧ Dio jȩpü̧ ikua pä'ümä̧.