Hebreos 9:11 - Nuevo Testamento Uwotjüja

¹¹ Ja̧'wa̧nü̧ ja̧'a̧nä̧ jitämä̧ Crito ja̧'a̧ i̧jȩkui̧nü̧mä̧ sacerdote-tü̧ ttu̧ru̧wa̧, adiwä juei tta̧wä̧rä̧kuä̧wä̧ i̧sa̧ jü̧nä̧. Dio-rü ukuokuäkuäwomȩ «Tabenákuro» pättomȩ, juȩnȩmä̧ rü̧o̧mȩ, surojü'i̧nä̧ juiyomȩ ja̧'a̧nä̧ ttu̧mü̧nä̧'i̧nä̧ adikuokomȩ, ja̧'wa̧nü̧ ja̧'a̧ttü̧ pi̧jä̧ ttü̧ja̧'i̧nä̧ adikuokomȩ ja̧'a̧.

TÄ̧DO Ä̧CUÄ̧ I̧HUȨNȨ

¹¹ Ja̧'hua̧nö̧ ja̧'a̧nä̧ Cristo täcö ichinödo. Jitämä ja̧u̧mä̧ ji̧nä̧ isocu sacerdote ru̧hua̧ päi'önä kö̧. Ja̧u̧tä̧ o'ca juiyönä adihuä juäi tu̧ju̧nä̧rö̧mä̧ ru̧hua̧do. Chutä sacerdote ru̧hua̧ päi'önä aditomenä, koromettö'inä abonänö adihuomedo. Pi̧jä̧ ttö̧ja̧ttö̧ adicuocomedo. Ja̧'hua̧nö̧ pä'ö pi̧jä̧ jähuättömäcö̧ pä'ätöjä.

Hebreos 9:11 Referans Kwoze

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

San Marcos 14:58

Ujutumä̧, pa̧'a̧nü̧ pä'a ä̧ju̧kui̧nä̧tü̧jä̧: «Pode ttü̧ja̧ adikuode Dio-rü ukuokuäkuäwodemä̧, ttümä̧ pparopü chi̧kuä̧kua̧sä̧, pparopü ikuipü, ttü̧ja̧ adikuokode pärokuode wäbodäkuä mo̧ro̧tä̧ chäräbȩ'ä̧kua̧sä̧,» pä'ä'ijü pä'inä̧tü̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hechos 7:48

Jua'akumä̧, Dio mo̧ro̧jä̧ ru̧wa̧mä̧ ttü̧ja̧ ttu̧mü̧nä̧ adikuodenä̧mä̧ kko̧kü̧ ji̧yä̧ku̧. Profeta-mä̧ pä'inü̧:

2 Juan 1:7

Ja̧'wa̧ta̧nü̧ pi̧jä̧nä̧mä̧ rekuätü ttü̧ja̧rü̧ yaparetü Jesucrito-mä̧ isopäi'ünä̧ Ubo jü̧nä̧mä̧ ichokü pinü̧ pä'ü kue'ächü ji'äwätü. Ja̧'wa̧nü̧ wa̧mä̧ jerutu ikuäwä i̧sa̧tä̧ ja̧'a̧ ja̧'wa̧ta̧nü̧ Crito aboi̧ya̧tä̧ wa̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

San Juan 4:25

Juajumä̧ kkädätinä̧ku̧; —Wo̧jua̧ju̧sä̧ Mesías i̧chä̧kua̧ pä'ümä̧, (Crito pä'ü mi̧kua̧); Jua̧u̧ ichomȩnä̧tä̧ o'kajuiyünä̧mä̧ jo̧mȩnü̧ jiäwä̧kuä̧u̧jä̧.

San Juan 1:14

Ja̧'wa̧nü̧ ja̧'a̧ttü̧, Jua̧u̧ i̧wȩnȩ ji̧nü̧mä̧, ttü̧ja̧sa̧ jü̧nä̧tä̧ kki̧na̧'a̧ ujutu tü̧'kä̧tȩnä̧mä̧. Jua̧u̧mä̧ ttü̧ja̧ tteseunä̧tä̧, jueü wȩnȩnä̧tä̧ kki̧nü̧; Jä'o Dio chu̧'ä̧kua̧ jü̧nä̧ (gloria pättü) iyinü̧mä̧ topinä̧tü̧jä̧.

Hebreos 7:1

Jua̧u̧ Mequisede-mä̧ Salem ütawiyä ru̧wa̧ pinü̧; mo̧ro̧jä̧ Dio rü̧tä̧wa̧ sacerdote pinü̧. Abraha̧-mä̧, ruwotürü kurä rowäu iso juo'epä̧ji̧'ka̧ ppa̧wä̧chi̧'a̧'a̧, Mequisede-mä̧ rä'o'ü te'äu kkä̧nü̧, adiutä ja̧rü̧ pä'ü ukuokuinä̧ku̧;

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Colosenses 2:11

Circuncisió̧-mä̧ jua̧u̧tä̧ jäwänä̧ jȩpä̧kuä̧wo̧tü̧jä̧, jua̧u̧mä̧ ttü̧ja̧ jäwänä̧mä̧ jȩtto̧ko̧u̧ pinä̧tü̧jä̧, ja̧u̧ ja̧jü̧ jueimä̧ Dio-tä circuncisió̧-mä̧ jȩi̧nä̧u̧jä̧ Crito-ku ppäkuächi'ätukunä̧mä̧ ja̧'wa̧ta̧nü̧ yaboku kuidepätuku kkü'keku jȩ'kuä̧tu̧ku̧mä̧ 'kȩ'ȩpü̧ ikuinä̧u̧jä̧.

San Mateo 11:3

jä'epü ttä̧ju̧kuä̧ji̧ya̧rü̧ pä'ü. Isopäi'ünä̧ i̧chä̧kua̧ pättinä̧ku̧mä̧ ¿Chutä ja̧já̧ pä'ü ja̧'wa̧nü̧ jü̧ juiyüttü'i̧nä̧ kka̧ra̧rü̧ tta̧tä̧rä̧kua̧'a̧ pä'ü?, jä'epü ttä̧ju̧kui̧ya̧rü̧ pä'ü.

San Mateo 2:6

«Uku Berȩ́mä̧ rü̧ȩnä̧ ukuo isomȩjä̧ Judá isotü ttidepiyuttumä̧, Ukuttümä̧ u̧wä̧pä̧chä̧kua̧ ttü̧ja̧ ttu̧ru̧wa̧ príncipe pättäku, chumüwäyotü Irae ttü̧ja̧rü̧ juȩpä̧rä̧kua̧.»

2 Corintios 4:18

ujutumä̧ ti'ärenä̧ totütä tottajü jueimä̧, ti'ärenä̧ tottokü jueitä tota pä'ü ja̧'a̧; isopäi'ünä̧ ti'ärenä̧ totümä̧ 'kuäopächü jäwä ja̧'a̧ ja̧'wa̧nü̧ ja̧'a̧nä̧ ti'ärenä̧ totokü jäwämä̧, beipokü jäwä ja̧'a̧.

Hebreos 12:27

Pa̧'a̧nü̧ päümä̧: «Ji̧nä̧ pä'äjita'anü̧ ya'utenä̧,» jua̧u̧ wo̧jui̧'ä̧tü̧jä̧, aditinü̧mä̧ ȩmü̧ ikuäwäkua'a pä'ü, pporächi'okü jäwä pärokuätä kki̧'i̧pü̧nä̧.

Hebreos 13:14

Isopäi'ünä̧ pi̧jä̧ttü̧mä̧, ütawiyä beipächünätä kka̧kú̧; ujutumä̧ usätüjä̧ yodoji kkä̧kuä̧wä̧kuȩ ütawiyä.