Hebreos 8:8 - Nuevo Testamento Uwotjüja

⁸ Ja̧'wa̧nü̧ ja̧'a̧nä̧, wopäkuäunü̧ pä'inü̧: «Tu̧ru̧wa̧mä̧ pä'ü: Irae ttü̧ja̧rü̧'i̧nä̧ ja̧'wa̧ta̧nü̧ Judá ttü̧ja̧ku̧'i̧nä̧ jareünä̧ cheseku mo̧ro̧ ichäkua'a.

TÄ̧DO Ä̧CUÄ̧ I̧HUȨNȨ

⁸ Ja̧'hua̧nö̧ ja̧'a̧nä̧ jahuätö ttö̧ja̧ suronä jȩtta̧'a̧ topinödo Dios. Dios Huȩyu̧cuä̧ Huȩnȩnä̧ päa'a jahuätörö: Tu̧ru̧hua̧ pä'ödo: koronö mo̧ro̧ päi'äcua'a Israel ttö̧ja̧rö̧'i̧nä̧, Judá ttö̧ja̧rö̧'i̧nä̧ jareö huȩnȩ chiyäcuotö.

Hebreos 8:8 Referans Kwoze

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

2 Corintios 3:6

Ja̧'wa̧ta̧nü̧ Jua̧u̧tä̧tä̧ ji̧na̧'a̧, jareünä̧ eseku wȩnȩ taditiyarü pä'ü jo̧mȩnü̧ tünä̧ wo̧juȩti̧nü̧mä̧ jua'a'i̧nä̧ weäwä wȩnȩnä̧mä̧kü̧, Epíritu-nä̧tä̧; isopäi'ünä̧ weäwä wȩnȩmä̧ totte'ächünä̧tä̧ ji̧nü̧ ja̧'wa̧nü̧ ja̧'a̧nä̧ Epíritu jäwämä̧ tta̧'kua̧rü̧ iyü jäwä ja̧'a̧.

1 Corintios 11:25

Ja̧'wa̧ta̧nü̧tä̧, u̧kuȩ kuä̧ji̧'ka̧, i̧so̧'ta̧ ȩmo̧po̧'ü̧ pä'inü̧: «po̧'ta̧ isoya a̧kuo̧'ta̧mä̧, jareünä̧ chesekuoya ja̧'a̧ chukuojanä̧; pi̧yȩ 'kuäopünä̧ kuawätukuta'anü̧, ttürü amükuädü jȩpä̧tu̧kui̧.»

San Lucas 22:20

Jua̧u̧ jȩä̧ji̧ta'anü̧ kuä̧nü̧ kä'ädü, i̧so̧'ta̧ 'chu'ädo'ü pä'inü̧: —Po̧'ta̧nä̧ jareünä̧ chesekumä̧, chukuojanä̧ ja̧'a̧. Ukutu jäwänä̧ eräkuoya ja̧'a̧ttü̧.

San Marcos 14:24

Ja̧'wa̧ta̧nü̧ päinä̧u̧: —Pi̧yȩmä̧ ttütä chukuoja ja̧'a̧, juoyanä̧ Dio-mä̧ jareünä̧ eseku. Juoya chukuojamä̧, rekuätürü ppä'ädü werächoya ja̧'a̧.

San Lucas 17:22

Pä'ü kä'ädü, Jesú-mä̧ u̧wo̧juȩtä̧u̧rü pä'inü̧: —Ji̧yȩtȩ mo̧ro̧ ichäkua'a ubo I̧tti̧ uruwoku wea'a to'kua päkuätuku mo̧ro̧ ja̧'wa̧nü̧ ja̧'a̧nä̧, topokotü kuäkuotüjä̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

Hebreos 7:22

Ja̧'wa̧nü̧ ji̧na̧'a̧ttü̧, Jesú-nä̧mä̧ iso juoepinä̧u̧jä̧, juȩnȩ obonä̧nü̧ jü̧, Dio-ku jareünä̧ esekuäkuäwä.

Hebreos 8:6

Ja̧'wa̧nü̧ ja̧'a̧nä̧ Tu̧ru̧wa̧ Jesucrito sacerdote-tü̧ ttu̧ru̧wa̧ aditäwä Dio iyinü̧mä̧ rü̧ȩnä̧ adiwäjuei ja̧'a̧, jua̧u̧nä̧tä̧ adiwäjuei esekuinü̧mä̧ kku̧nä̧rä̧tü̧jä̧, jua'amä̧ Dio adiwäjuei chi̧yä̧kua̧sä̧ päinü̧mä̧ jua̧u̧nä̧tä̧ iya'attü.

Hebreos 8:13

«Jareünä̧ esekusä» päümä̧, ä'koji jäwämä̧, täkü tabo jäwä ja̧'a̧ pä'ü pä'inü̧; ja̧'wa̧ta̧nü̧ täbo jäwä jo̧mȩnä̧mä̧ büäkuächütä ja̧'a̧, jua̧u̧nü̧ o'ka'amä̧ sü'ekuächü toe'ächü.

San Lucas 5:38

Ja̧'wa̧nü̧ jü̧ ja̧'a̧ttü̧ vino isoya jareoyamä̧ ji̧yȩta̧'a̧kuä̧ odres isäba jareäbanä̧ 'karü kku̧nä̧wä̧ ja̧'a̧.