Hebreos 8:6 - Nuevo Testamento Uwotjüja

⁶ Ja̧'wa̧nü̧ ja̧'a̧nä̧ Tu̧ru̧wa̧ Jesucrito sacerdote-tü̧ ttu̧ru̧wa̧ aditäwä Dio iyinü̧mä̧ rü̧ȩnä̧ adiwäjuei ja̧'a̧, jua̧u̧nä̧tä̧ adiwäjuei esekuinü̧mä̧ kku̧nä̧rä̧tü̧jä̧, jua'amä̧ Dio adiwäjuei chi̧yä̧kua̧sä̧ päinü̧mä̧ jua̧u̧nä̧tä̧ iya'attü.

TÄ̧DO Ä̧CUÄ̧ I̧HUȨNȨ

⁶ Jesús ujutu ji̧nä̧ isocu sacerdote ru̧hua̧mä̧, ja̧u̧ juäittö'inä abonänö adiu jȩpö̧. Ja̧u̧ jareö huȩnȩ, korottö'inä abonänö adihuä juäi iyähuä huȩnȩ tta̧huä̧rä̧cuä̧huä̧ ru̧hua̧ päi'önä kö̧.

Hebreos 8:6 Referans Kwoze

Hebreos 7:22

Ja̧'wa̧nü̧ ji̧na̧'a̧ttü̧, Jesú-nä̧mä̧ iso juoepinä̧u̧jä̧, juȩnȩ obonä̧nü̧ jü̧, Dio-ku jareünä̧ esekuäkuäwä.

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

2 Pedro 1:4

Pi̧yȩ jäwänä̧tä̧ iya päinü̧mä̧ iyinä̧u̧jä̧, ja̧u̧mä̧ ri̧u̧ jäwä ja̧'wa̧ta̧nü̧ rü̧ä̧nä̧ mikuäu ja̧'a̧, ja̧u̧nä̧tä̧ Dio jäwä ku̧ju̧nä̧rä̧kuo̧tü̧jä̧ ja̧'wa̧nü̧ ja̧'a̧ttü̧ pi̧jä̧ jäwä surojuoepü ttidepä kkü'keku pi̧jä̧ra̧'a̧ i'kächinü̧ttü̧mä̧ dü'ekuächätukui.

Tito 1:2

Ja̧'wa̧nü̧tä̧ Dio yaparewokümä̧ tabokutä päi'ünä̧ kkä̧kuä̧wä̧ i'ko chi̧yä̧kua̧sä̧ päinü̧ ttȩma̧ pä'ümä̧ tta̧'ä̧rü̧ kka̧kuä̧tü̧jä̧.

San Lucas 22:20

Jua̧u̧ jȩä̧ji̧ta'anü̧ kuä̧nü̧ kä'ädü, i̧so̧'ta̧ 'chu'ädo'ü pä'inü̧: —Po̧'ta̧nä̧ jareünä̧ chesekumä̧, chukuojanä̧ ja̧'a̧. Ukutu jäwänä̧ eräkuoya ja̧'a̧ttü̧.

Romanos 9:4

Juätümä̧ Irae i̧tti̧mü̧ isotü ttomȩttü̧ ja̧'wa̧ta̧nü̧ Dio i̧tti̧mü̧ jü̧nä̧ ȩmi̧nä̧u̧ tta'attü̧; Dio-mä̧ juätütäku kki̧nü̧, ujuru'i̧nä̧ i̧jȩpi̧nä̧u̧ ja̧'wa̧ta̧nü̧ juätütäku eseku, jȩttä̧kuȩ wȩnȩ'i̧nä̧ iyinä̧u̧. Isopäi'ünä̧ ttesewarü pä'ü wo̧juȩtü̧ kkä̧nü̧, i̧yä̧kuȩ'i̧nä̧ ukuokuinä̧u̧.

Efesios 2:12

Amükuädätukui ji̧yȩnü̧ mo̧ro̧mä̧ Crito-ttümä̧ otó winä̧tü̧jä̧, Irae ttü̧ja̧ttü̧'i̧nä̧ ikuikuotü winä̧tü̧jä̧. Ja̧'wa̧ta̧nü̧ Dio iya pä'ü esekuinü̧ttü̧'i̧nä̧ otó winä̧tü̧jä̧, tta̧'ä̧rü̧ kuamükuä̧rä̧tu̧ku̧'i̧nä̧ jui'inä̧tü̧jä̧, Dio-rü'i̧nä̧ pi̧jä̧ttü̧mä̧ to'inä̧tü̧jä̧.

1 Timoteo 2:5

Ja̧'wa̧ta̧nü̧ Dio-ttü abonä̧nü̧ wa̧mä̧ toa'a, ya̧tȩtä̧ ja̧'a̧ ttü̧ja̧ Dio kkü̧ ttütodeunä̧ jȩpü̧mä̧: Jesucrito-tä ja̧'a̧