Hebreos 8:5 - Nuevo Testamento Uwotjüja

⁵ Juätü sacerdote-tü̧ ttaditäwämä̧ mo̧ro̧jä̧nä̧ kkü̧ a̧'kua̧juä̧tä̧ aditätü, jua'amä̧ Moisé-rü Tabenákuro pättomȩ aditäkua'a jiäwino̧mȩttü̧ topü pä'ätüjä̧: «Ttu̧'ȩpä̧rü̧nü̧ topü aditijó, mü̧ä̧'kattü tabenákuro a̧'kua̧juä̧ to'kunä̧ chi̧jȩpi̧nä̧'a̧ku̧tä̧,» päinä̧ku̧.

TÄ̧DO Ä̧CUÄ̧ I̧HUȨNȨ

⁵ Ja̧'hua̧nö̧ ja̧'a̧nä̧ jahuätö sacerdotes huotö jȩttö̧mä̧, mo̧ro̧jä̧nä̧ ka̧cu̧ a̧'cua̧rö̧nä̧tä̧ jȩpä̧tö̧do. Ja̧'hua̧ta̧nö̧ Moisés Diosrö ucuocuäcuähuode adita päomenä, chutä Dios pä'inödo: “Möä'canä cu̧ja̧'a̧ ucuru chi̧jȩpä̧ji̧ ta'anö, o'ca juiyönä topö aditi.”

Hebreos 8:5 Referans Kwoze

Colosenses 2:17

Pi̧yȩmä̧ o'kajuiyünä̧tä̧ i̧chä̧kuȩ a̧'kua̧juä̧tä̧ ji̧na̧'a̧. Ja̧'wa̧nü̧ ja̧'a̧nä̧ isopäi'ünä̧ ji̧yȩtä̧ jueü wȩnȩmä̧ Crito-tä jä̧kua̧'a̧ttü̧ ji̧na̧'a̧.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 9:9

Ja̧'wa̧nü̧ ja̧'a̧ jua̧u̧mä̧ jitä mo̧ro̧ wȩnȩkuä̧cha̧ pä'ütä ji̧na̧'a̧; ja̧'wa̧nü̧ jȩpü̧ ofrenda pättü'i̧nä̧, sacrificio pättü'i̧nä̧ iyinä̧tü̧ ja̧'wa̧nü̧ ja̧'a̧nä̧ tta̧mü̧kuädü jakuänämä̧ aditü ikuokü ji̧na̧'a̧ ja̧'wa̧nü̧ jȩpü̧tä̧ Dio-rü esewätürümä̧.

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

Hebreos 11:7

A̧'kua̧ u̧wȩnä̧ra̧'a̧ttü̧, Nuémä̧, Dio jiäwomȩnä̧mä̧, ji̧nä̧ 'kuäopäkuȩmä̧ tooka'anä̧ esetü woi'ka aditinü̧ i̧tti̧mü̧tä̧ku̧ ü̧ji̧pa̧ pä'ümä̧. Ja̧'wa̧nü̧ a̧'kua̧ u̧wȩnä̧ro̧mȩnä̧mä̧ pi̧jä̧ ttü̧ja̧mä̧ to'e'inä̧tü̧ ja̧'wa̧nü̧ ja̧'a̧nä̧ Nuémä̧ Dio-ttü ȩmi̧nü̧ adiwäjuei, Churutä tta̧'kua̧ wȩnä̧rä̧tü̧rü̧ iyü.

Hechos 7:44

Tü̧tä̧mü̧ mi̧nä̧mä̧ rȩbi̧yu̧ dȩ'a̧ra̧'a̧ kuettächomȩnä̧ Dio esekuinü̧ kko̧de tabenákuro pättode kku̧nä̧ri̧nä̧tü̧, Moisé-rü toinü̧'a̧kuä̧ adita pä'ü weino̧de.

San Mateo 2:12

Ja̧'wa̧nü̧ jä̧ji̧ o'ka'a, Dio-mä̧ ttu̧'kuo̧ti̧nä̧ Herode ü̧ja̧'a̧ ppa̧ttä̧chü̧ juiyünä̧ päjä̧u̧, kko̧ro̧mä̧nä̧tä̧ ppa̧'ä̧chü̧ i̧wi̧nä̧tü̧ tti̧rȩjä̧ra̧'a̧mä̧.

Hebreos 13:10

Ujutumä̧ altar pättomȩ kku̧nä̧rä̧tü̧jä̧, juȩnȩmä̧ tä̧mi̧nä̧ sacerdote winä̧tü̧'i̧nä̧ ttukua pä'ümä̧ juiya'a.

Apocalipsis 15:5

Jua̧u̧ jä̧jí̧ o'ka'a mo̧ro̧jä̧ra̧'a̧ttü̧, tabenákuro pättomȩttü̧, Dio eseku jäwä bawekuächa'a topinü̧sä̧.