Hebreos 8:2 - Nuevo Testamento Uwotjüja

² Jua̧u̧ sacerdote Jesucrito-mä̧; Jua̧u̧ ja̧'a̧ santuario pättomȩ sacerdote jü̧nä̧ aditümä̧ isopäi'ünä̧ Tabenákuro; Tu̧ru̧wa̧ aditino̧mȩ Santuario pättomȩ, pi̧jä̧ ttü̧ja̧ ttäräbe'okomȩ, Tu̧ru̧wa̧ Dio-tä äräbe'ino̧mȩ.

TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ ji̧nä̧ isocu Dios adihuä ö̧jo̧mȩ, Tu̧ru̧hua̧ aditinome, pi̧jä̧ ttö̧ja̧ ttaditocomettö, sacerdote ru̧hua̧ päi'önä kö̧.

Hebreos 8:2 Referans Kwoze

2 Corintios 5:1

Isopäi'ünä̧ tojusode pi̧jä̧ isode, pode tabenákuro pättodemä̧, ya'ute mo̧ro̧ toe'ächäkuode pä'ü wo̧juä̧tü̧jä̧. Ja̧'wa̧nü̧ ja̧'a̧nä̧, mo̧ro̧jä̧nä̧mä̧ kku̧nä̧rä̧tü̧jä̧ tojusode beipokode, Dio adikuode, pi̧jä̧ ttü̧ja̧mä̧ adikuokode.

Romanos 15:8

Ja̧'wa̧ta̧nü̧ ukuturu pä'üsä Crito'i̧nä̧ circuncisión pättü jȩpä̧kuä̧wo̧ko̧tü̧ ttu̧mü̧wä̧ya̧ päi'ünä̧ ichinü̧ Dio jäwä jueü wȩnȩ jȩpü̧, tä̧'o̧tü̧ mi̧nä̧rü̧ iyäkua'a ukuokuinü̧ iso juoünä̧,

Hebreos 11:10

Jua'amä̧, Abraha̧-mä̧ tta̧wä̧ra̧'a̧ttü̧ ji̧na̧'a̧, kkada'kiyu 'kiyünä̧ kka̧ku̧, Chutä Dio amükuädü aditü u̧ju̧ni̧nü̧ ütawiyä tta̧wä̧ra̧'a̧ttü̧.

Hebreos 10:21

Ja̧'wa̧nü̧ ji̧na̧'a̧ttü̧ sacerdote-tü̧ ttu̧ru̧wa̧ ukuo i̧sa̧rü̧ kku̧nä̧rä̧tü̧jä̧, Dio ojusodenä̧mä̧.

Colosenses 2:11

Circuncisió̧-mä̧ jua̧u̧tä̧ jäwänä̧ jȩpä̧kuä̧wo̧tü̧jä̧, jua̧u̧mä̧ ttü̧ja̧ jäwänä̧mä̧ jȩtto̧ko̧u̧ pinä̧tü̧jä̧, ja̧u̧ ja̧jü̧ jueimä̧ Dio-tä circuncisió̧-mä̧ jȩi̧nä̧u̧jä̧ Crito-ku ppäkuächi'ätukunä̧mä̧ ja̧'wa̧ta̧nü̧ yaboku kuidepätuku kkü'keku jȩ'kuä̧tu̧ku̧mä̧ 'kȩ'ȩpü̧ ikuinä̧u̧jä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

Hebreos 9:1

Ja̧'wa̧ta̧nü̧, Dio ä̧kuo̧mȩnä̧ esekuinü̧nä̧mä̧; Churutä ukuoku jȩä̧kuä̧wä̧mä̧ we'ü kku̧nä̧wi̧na̧'a̧. Ja̧'wa̧ta̧nü̧ jua̧u̧mä̧ pi̧jä̧nä̧ttü̧ Dio-rü ukuokuäkuäwomȩ ro̧mȩ pättomȩttü̧ jȩtta̧ pä'ü ji̧na̧'a̧.

Hebreos 10:11

Isopäi'ünä̧ sacerdote-tü̧ judío-mä̧ mo̧ro̧ ji̧nü̧ a̧'u̧kuä̧ sacrificio pättü jȩpi̧nä̧tü̧, suronä̧ jȩttü̧mä̧ jȩpü̧ ikuokü ja̧'a̧nä̧.

Apocalipsis 21:3

Ja̧'wa̧nü̧ päi'omȩnä̧, mo̧ro̧jä̧ ruwo dȩä̧kä̧ttü̧ pä̧i̧ku̧nä̧ i̧wȩnȩ rä̧mi̧pa̧'a̧ ä̧ju̧kui̧nü̧sä̧: «Pȩnȩ́ ja̧'a̧ Dio, ttü̧ja̧ku̧ ü̧jo̧mȩmä̧, Jua̧u̧'i̧nä̧ juätütäku ü̧jä̧kua̧; juätümä̧ umüwäyotü jü̧nä̧ ttü̧ja̧kuä̧kuo̧tü̧, Dio-mä̧ juätütä ttü̧ä̧nä̧wa̧ Dio jü̧nä̧ ü̧jä̧kua̧.