Hebreos 7:22 - Nuevo Testamento Uwotjüja

²² Ja̧'wa̧nü̧ ji̧na̧'a̧ttü̧, Jesú-nä̧mä̧ iso juoepinä̧u̧jä̧, juȩnȩ obonä̧nü̧ jü̧, Dio-ku jareünä̧ esekuäkuäwä.

TÄ̧DO Ä̧CUÄ̧ I̧HUȨNȨ

²² Ja̧'hua̧nö̧ ja̧'a̧ttö̧ Jesúsru esetäcuähuänä pä'äji huȩnȩttö̧'i̧nä̧ abonänö adihua'ado.

Hebreos 7:22 Referans Kwoze

1 Corintios 11:25

Ja̧'wa̧ta̧nü̧tä̧, u̧kuȩ kuä̧ji̧'ka̧, i̧so̧'ta̧ ȩmo̧po̧'ü̧ pä'inü̧: «po̧'ta̧ isoya a̧kuo̧'ta̧mä̧, jareünä̧ chesekuoya ja̧'a̧ chukuojanä̧; pi̧yȩ 'kuäopünä̧ kuawätukuta'anü̧, ttürü amükuädü jȩpä̧tu̧kui̧.»

Hebreos 13:20

Jua̧u̧ Dio eseäkuäwä ru̧wa̧, Tu̧ru̧wa̧ Jesucrito-rü tto'ädinü̧, oweja-tü̧ ttu̧ru̧wa̧ ukuo i̧sa̧, ukuojanä̧tä̧ 'kuäopünä̧ jü̧nä̧tä̧ esekuinü̧tä̧,

Hebreos 12:24

Ja̧'wa̧ta̧nü̧ ichinä̧tü̧jä̧ Jesú-ku jareünä̧ esekuäkuäwänä̧ todetü iyinü̧ku̧. Ja̧'wa̧ta̧nü̧ ukuojanä̧ ujuturu toinoyanä̧, Abel ukuojattü'i̧nä̧ abonä̧nü̧ ppädinoyanä̧.

San Lucas 22:20

Jua̧u̧ jȩä̧ji̧ta'anü̧ kuä̧nü̧ kä'ädü, i̧so̧'ta̧ 'chu'ädo'ü pä'inü̧: —Po̧'ta̧nä̧ jareünä̧ chesekumä̧, chukuojanä̧ ja̧'a̧. Ukutu jäwänä̧ eräkuoya ja̧'a̧ttü̧.

San Mateo 26:28

Isopäi'ünä̧ poyamä̧ ttütä chukuoja ja̧'a̧, poyanätä̧ jareünä̧ esekusä. Juoyamä̧ rekuätü suronä̧ jȩttä̧'i̧jü̧ jȩpü̧ iku werächäkua'a.

San Marcos 14:24

Ja̧'wa̧ta̧nü̧ päinä̧u̧: —Pi̧yȩmä̧ ttütä chukuoja ja̧'a̧, juoyanä̧ Dio-mä̧ jareünä̧ eseku. Juoya chukuojamä̧, rekuätürü ppä'ädü werächoya ja̧'a̧.

Hebreos 7:23

Kkorotü sacerdote winä̧tü̧mä̧ rekuinä̧tü̧, rekuo ttü̧jü̧ juiyünä̧ wa'are rȩbȩwa̧'a̧ttü̧, juätürü.

Hebreos 8:13

«Jareünä̧ esekusä» päümä̧, ä'koji jäwämä̧, täkü tabo jäwä ja̧'a̧ pä'ü pä'inü̧; ja̧'wa̧ta̧nü̧ täbo jäwä jo̧mȩnä̧mä̧ büäkuächütä ja̧'a̧, jua̧u̧nü̧ o'ka'amä̧ sü'ekuächü toe'ächü.