Hebreos 7:19 - Nuevo Testamento Uwotjüja

¹⁹ Isopäi'ünä̧ Moisé weäwä wȩnȩnä̧mä̧ ya̧tȩrü̧'i̧nä̧ jo̧mȩnü̧ juoächünä̧ ppädokü ji̧na̧'a̧, jitämä̧, jareünä̧ adiwä juei tta̧'kua̧ wȩnä̧rä̧kuä̧wä̧ tta̧'a̧rä̧tü̧jä̧, jitämä̧ jua̧u̧nä̧tä̧ Dio-rü tü'küpächätüjä̧.

TÄ̧DO Ä̧CUÄ̧ I̧HUȨNȨ

¹⁹ Moisés hueähuä huȩnȩ yoröiso aditö icuoca'a ji̧na̧'a̧do ttö̧ja̧rö̧. Jitämä ja̧u̧ huȩnȩ jaropi'ö, koro adihuä juäi tta̧'ä̧rä̧tö̧jä̧. Ja̧u̧ juäi jareönä tta̧tä̧ro̧mȩnä̧, Diosrö tö'cöpächätöjä.

Hebreos 7:19 Referans Kwoze

Hechos 13:39

Ja̧'wa̧nü̧ ja̧'a̧ttü̧ Moisé weinü̧ jäwänä̧, adiwä jueiku juo'ächokotü pinä̧tü̧mä̧, Jua̧u̧nä̧tä̧ ja̧'a̧ surojüttü adiwä jueiku ttü'ärowächa'amä̧.

Hebreos 4:16

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

Hebreos 9:9

Ja̧'wa̧nü̧ ja̧'a̧ jua̧u̧mä̧ jitä mo̧ro̧ wȩnȩkuä̧cha̧ pä'ütä ji̧na̧'a̧; ja̧'wa̧nü̧ jȩpü̧ ofrenda pättü'i̧nä̧, sacrificio pättü'i̧nä̧ iyinä̧tü̧ ja̧'wa̧nü̧ ja̧'a̧nä̧ tta̧mü̧kuädü jakuänämä̧ aditü ikuokü ji̧na̧'a̧ ja̧'wa̧nü̧ jȩpü̧tä̧ Dio-rü esewätürümä̧.

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Hebreos 11:40

jua'amä̧ Dio-mä̧, abonä̧nü̧ adiwä juei ujuturu iya pä'ü jȩpü̧ u̧ju̧ni̧na̧'a̧ttü̧, ujututäkutä yo̧mȩtȩnä̧ surojü jui'ätü päi'ünä̧ jo̧mȩnü̧tä̧ jȩa̧tü̧ pä'ü.

Hebreos 10:1

Isopäi'ünä̧ Moisé weinü̧ wȩnȩ ji̧nü̧mä̧, suro kkoro adiwä juei a̧'kua̧juä̧ yodoji i̧chä̧kuȩtä̧ ji̧na̧'a̧, ji̧nä̧so ji̧yȩtä̧ i̧chä̧kuȩmä̧kü̧. Ja̧'wa̧nü̧ ja̧'a̧ttü̧ weäwä wȩnȩnä̧mä̧, 'kuäopünä̧ año jü̧ta̧'a̧nü̧ Dio-rü sacrificio pättü jȩtta̧'a̧nä̧ jo̧mȩnü̧mä̧ adiwächokotü pinä̧tü̧.

Hebreos 6:18

Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.

Romanos 5:2

Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.

Hebreos 8:6

Ja̧'wa̧nü̧ ja̧'a̧nä̧ Tu̧ru̧wa̧ Jesucrito sacerdote-tü̧ ttu̧ru̧wa̧ aditäwä Dio iyinü̧mä̧ rü̧ȩnä̧ adiwäjuei ja̧'a̧, jua̧u̧nä̧tä̧ adiwäjuei esekuinü̧mä̧ kku̧nä̧rä̧tü̧jä̧, jua'amä̧ Dio adiwäjuei chi̧yä̧kua̧sä̧ päinü̧mä̧ jua̧u̧nä̧tä̧ iya'attü.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Gálatas 2:16

Ujutumä̧ wo̧juä̧tü̧jä̧, weäwä wȩnȩ päü jȩä̧kuä̧wä̧nä̧tä̧mä̧ Dio-mä̧ ȩmo̧kü̧ jä̧kua̧ pä'ümä̧, ja̧'wa̧nü̧ ja̧'a̧nä̧ Jesucrito-rü tta̧'kua̧ wȩnä̧rä̧kuä̧wä̧nä̧tä̧ ȩmä̧u̧jä̧. Ja̧'wa̧nü̧ jo̧mȩnä̧, ujutu'i̧nä̧ Jesucrito-rü esetinä̧tü̧jä̧, Jesucrito-nä̧ ȩma̧tü̧ pä'ümä̧, weäwä wȩnȩnä̧ jo̧ka̧'a̧ttü̧. Ja̧'wa̧nü̧ ja̧'a̧ttü̧, suro weäwä wȩnȩ päütä ttukuotüttümä̧, Dio-mä̧ ȩmo̧ko̧u̧ ttäkuotü.

San Juan 14:6

Päku, Jesú-mä̧ ädätinä̧ku̧: —Ttütäsä mä̧nä̧mä̧, ttütäsä isopäi'ünä̧mä̧ ja̧'wa̧ta̧nü̧ ttütäsä tta̧'kua̧rü̧mä̧. Chä'o ü̧ja̧'a̧mä̧, yoriso ya̧tȩ'i̧nä̧ ttü toünä̧mä̧ rȩbȩä̧kuä̧wo̧ka̧'a̧, ttünä̧tä̧tä̧ rȩbȩä̧kuä̧wa̧'a̧.

Hebreos 7:11

Irae ttü̧ja̧mä̧ weäwä wȩnȩ iyäwi'inä̧u̧ Rewí jäwä sacerdote-tü̧ jäwänä̧ adiu juettekuächa pä'ü. Ja̧'wa̧nü̧ ja̧'a̧nä̧ jua̧u̧nä̧mä̧ juettekuächü juiyünä̧ jo̧mȩttü̧ kka̧ra̧ sacerdote i̧mi̧ku̧nä̧ wa̧ räopa pä'ü rekuä rü̧ji̧na̧'a̧: Aaro̧ isotü i̧sa̧ pokü, Mequisede ji̧nü̧'a̧nü̧ wa̧.

1 Timoteo 1:1

Jesucrito u̧mü̧wä̧ya̧ Apóto Pauru-mä̧, Tü̧ä̧nä̧wa̧ Dio surojüttü tü̧ji̧pü̧nä̧ jȩpü̧ weäwänä̧ weinä̧ku̧ ja̧'wa̧ta̧nü̧ Jesucrito tta̧tä̧rä̧ku̧nä̧,

Colosenses 1:27

Dio-mä̧ pi̧yȩ bäreu eseäkuäwä jäwämä̧ pi̧jä̧ o'kajuiyünä̧ ttü̧ja̧rü̧ iyinü̧, jua̧u̧mä̧ pi̧yȩ ja̧'a̧: Dio-mä̧ Crito-rü we'inü̧ ukutu ku̧'kä̧tȩtu̧ku̧nä̧ ü̧ja̧ pä'ü. Ja̧'wa̧nü̧ kkä̧nü̧ Dio ujuru'i̧nä̧, ukuo jäwä'i̧nä̧ iya pä'ü.

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.

Gálatas 3:24

Weäwä wȩnȩmä̧ wo̧juȩkuä̧ i̧sa̧ jä̧'i̧nü̧'a̧nü̧tä̧ ȩpi̧nä̧u̧jä̧ Jesucrito-bümä̧, Jua̧u̧ru̧ ta̧'kua̧ tu̧wȩnä̧ro̧mȩnä̧ Dio ȩma̧tü̧ pä'ümä̧.

San Juan 1:17

Isopäi'ünä̧ weäwä wȩnȩmä̧ Moisé-nä̧ iyäwi'ina̧'a̧ttü̧; ja̧'wa̧nü̧ ja̧'a̧nä̧ re ü̧jü̧mä̧, isopäi'ünä̧ wȩnȩmä̧ Jesucrito-nä̧tä̧ ichina̧'a̧.

Romanos 7:7

¿Ja̧'wa̧nü̧ ja̧'a̧mä̧, weäwä wȩnȩmä̧ tukuotü juiyünä̧ weü päta'a tä̧jí̧? ¡Ja̧'wa̧nü̧mä̧kü̧! Jua̧u̧ weäwä wȩnȩ juiyüttümä̧, ji̧yȩja̧mä̧ surojü pädümä̧ jerupajüsä; ja̧'wa̧ta̧nü̧ weäwä wȩnȩ: «Kkü'kekunä̧mä̧ to'kuä» päü juiyüttümä̧, kkü'kekunä̧ toäkuäwämä̧ surojü ja̧'a̧ tä̧jí̧ pä'okü pajüsä.

Gálatas 3:21

¿Ja̧'wa̧nü̧ jü̧ttü̧mä̧ weäwä wȩnȩmä̧, Dio iya päinü̧ku̧mä̧ to'i ja̧'a̧ku̧ jäwä ja̧'a̧ tä̧jí̧? ¡Ja̧'wa̧nü̧mä̧ jo̧ka̧'a̧! isopäi'ünä̧ weäwä wȩnȩtä̧ kkä̧kuä̧wä̧ i'ko iyü jü̧ttü̧mä̧, Dio-mä̧ ȩma̧ja̧u̧jä̧ weäwä wȩnȩ tukuota'anä̧tä̧'i̧nä̧.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Hebreos 7:20

Pide jitäwäkururümä̧, Dio-mä̧ juramento pättünä̧ pä'ü u̧ju̧ni̧nä̧ku̧. Ja̧'wa̧nü̧ ja̧'a̧nä̧ kkorotü sacerdote-mä̧ suro 'kȩ'ȩpü̧ o'ütä ttȩmi̧nä̧u̧.

Hebreos 11:6

Ja̧'wa̧nü̧ ja̧'a̧ttü̧ tta̧'kua̧ wȩnä̧rä̧kuä̧wä̧ juiyünä̧ Dio-rü eseunä̧ jȩä̧kuä̧ juiya'a; ja̧'wa̧nü̧ ja̧'a̧ttü̧ Dio-rü kutü'küwächi'omȩnä̧mä̧, Kkü̧ pä'ü esetünü̧, usätürümä̧ adiwä juei ppä'ädü pä'ü ttesetarü pä'ü ja̧'a̧.

Santiago 4:8

Dio-rütä tü'küpächätukui, ja̧'wa̧nü̧ jo̧mȩnä̧tä̧ chutä'i̧nä̧ ütü'küwächäkuotüjä̧. Surojü jȩpä̧tü̧mä̧, ku̧mü̧tu̧ku̧ tükäu ikuätukui; ja̧'wa̧ta̧nü̧ todärenä̧ pä̧wä̧rü̧jä̧u̧mä̧ kua̧mi̧'iso'kituku tükäu ikuätukui.