Hebreos 7:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧, jo̧mȩnü̧ wo̧juä̧tü̧jä̧, Tu̧ru̧wa̧ Jesucrito-mä̧ Judá isotü i̧sa̧ pinü̧ pä'ümä̧ ja̧'wa̧nü̧ ja̧'a̧nä̧ Moisé-mä̧, sacerdote-tü̧ tütü'kü ukuokuomȩnä̧mä̧, pi̧yȩ jäwä jiäwinü̧mä̧ yoriso juiya'a.

TÄ̧DO Ä̧CUÄ̧ I̧HUȨNȨ

¹⁴ Iso päi'önä o'ca toi'önä huo̧juä̧tö̧do, ujutu Tu̧ru̧hua̧, Judá ahuaruhuättö i̧sa̧ pi̧nö̧. Ja̧'hua̧nö̧ ja̧'a̧nä̧ Moisés sacerdotes huotö ttö̧jä̧cuȩ jiähuomenä, Judá ahuaruhuärö pä'ö ji'ähuocö pi̧nö̧.

Hebreos 7:14 Referans Kwoze

Apocalipsis 5:5

Ja̧'wa̧nü̧ chajawiyäku, a̧ci̧a̧nu̧tu̧ttü̧ ya̧tȩ päinä̧ku̧sä̧: «Täkü yabonü̧mä̧ kuajuäwä, Judá isotü i̧sa̧, León pättäku, Dawi i̧tti̧mü̧ isotü i̧sa̧, surojü abo 'kuä'o'inü̧tä̧ ja̧'a̧ juä'tä kuyäru'tä ba'epü'i̧nä̧, kko̧ro̧mü̧ttü̧nü̧ todäre jo̧mȩnä̧ jü̧ sello pättü'i̧nä̧ jȩpü̧ i̧kuä̧kua̧mä̧.»

San Lucas 3:33

jua'a yabo Naasón i̧tti̧ ji̧na̧'a̧, jua'a yabo Aminadab i̧tti̧ ji̧na̧'a̧, jua'a yabo Admín i̧tti̧ ji̧na̧'a̧, jua'a yabo Arní i̧tti̧ ji̧na̧'a̧, jua'a yabo Esrom i̧tti̧ ji̧na̧'a̧, jua'a yabo Fare i̧tti̧ ji̧na̧'a̧,

Apocalipsis 22:16

«Ttü, Jesú-mä̧, chu̧mü̧wä̧ya̧ á̧gȩ-rü̧ we'äjisä pi̧yȩ o'kajuiyünä̧ igresia ttü̧ja̧rü̧ jidäwa pä'ü. Ttütä ja̧'a̧ Dawi-ttü ichäkuäwa̧ kkada'ka jü̧nä̧ wa̧mä̧, pä'ü mo̧ro̧ juomȩnä̧ siri'ko tejäda'a jä'i̧nü̧'a̧nü̧.»

Romanos 1:3

Jua̧u̧ wȩä̧kua̧mä̧ I̧tti̧, Tu̧ru̧wa̧ Jesucrito ji̧na̧'a̧, ü̧tä̧mü̧ttü̧mä̧ Dawi isotü i̧sa̧ pinü̧,

Efesios 1:3

Tu̧ru̧wa̧ Jesucrito, Jä'o Dio-rü tesewätukua, Jua̧u̧ Crito-nä̧mä̧ epíritu jäwä mo̧ro̧jä̧ra̧'a̧ttü̧ i'chächü iyinä̧u̧ ta'attü̧.

Romanos 2:3

Ja̧'wa̧nü̧ ja̧'a̧ttü̧ uku'i̧nä̧ ja̧'wa̧nü̧ suronä̧ jȩpü̧ kkä̧nü̧, kkorotü suronä̧ jȩtti̧yä̧ku̧ päkuttümä̧, Dio ro̧ȩpü̧ttü̧ kki̧'o̧kü̧ kuä̧kua̧jä̧.

San Juan 20:28

Päku, Tomá-mä̧ ädätinü̧: —¡Ukumä̧ Chu̧ru̧wa̧jä̧, chü̧ä̧nä̧wa̧ Dio-jä̧!

San Juan 20:13

Juätü jättepinä̧kua̧: —Isaju, ¿Tta̧'a̧nü̧ pä'ü kuajuäwa'ajä̧ttü̧? Pättäkua, pä'inä̧ju̧: —Chu̧ru̧wa̧rü̧ ȩmi̧pä̧jä̧'kotü, ttütäjomȩ'i̧nä̧ jerupü ajuäwäjusä.

San Lucas 1:43

¿Tta̧'a̧nü̧ pä'ü ttürümä̧ pi̧yȩ iyäwi'äkuasä̧ttü̧, Chu̧ru̧wa̧ ja̧ju̧ ttürü do'ächü kkichattü pä'ümä̧?

Filipenses 3:8

Juȩnȩ yabo päi'ünä̧, o'kajuiyünä̧tä̧ toe'ächü jäwä ja̧'a̧, Chu̧ru̧wa̧ Crito-rü wo̧juä̧wä̧ mikuäu wȩnȩku̧ yorätetü tochomȩnä̧mä̧. Jua̧u̧ku̧ pä'i'ümä̧ o'kajuiyünä̧tä̧ to'e'ächinü̧sä̧, jua̧u̧ ji̧nü̧mä̧ ikuikuä o'ko jü̧nä̧tä̧ tochü, Crito-rü chi̧rȩbȩwa̧ pä'ümä̧.

San Mateo 2:6

«Uku Berȩ́mä̧ rü̧ȩnä̧ ukuo isomȩjä̧ Judá isotü ttidepiyuttumä̧, Ukuttümä̧ u̧wä̧pä̧chä̧kua̧ ttü̧ja̧ ttu̧ru̧wa̧ príncipe pättäku, chumüwäyotü Irae ttü̧ja̧rü̧ juȩpä̧rä̧kua̧.»

Hebreos 7:13

ja̧'wa̧nü̧ ja̧'a̧ttü̧ pä'a Tu̧ru̧wa̧ Jesucrito ütü'kümä̧, kkorotü isotü i̧sa̧ttü̧ rä'opinü̧ Dio-rü ukuokuäkuäwodenä̧ sacerdote jü̧nä̧ yoriso aditokotü pä'ijätüttü.

Hebreos 7:15

Ja̧'wa̧nü̧ ja̧'a̧ttü̧ pi̧yȩmä̧ jua'a yabonä̧ wäjuönä̧tä̧ päia'a; jareünä̧ sacerdote wa̧ räopümä̧ Mequisede ji̧nü̧'a̧nü̧ wa̧.