Hebreos 7:11 - Nuevo Testamento Uwotjüja

¹¹ Irae ttü̧ja̧mä̧ weäwä wȩnȩ iyäwi'inä̧u̧ Rewí jäwä sacerdote-tü̧ jäwänä̧ adiu juettekuächa pä'ü. Ja̧'wa̧nü̧ ja̧'a̧nä̧ jua̧u̧nä̧mä̧ juettekuächü juiyünä̧ jo̧mȩttü̧ kka̧ra̧ sacerdote i̧mi̧ku̧nä̧ wa̧ räopa pä'ü rekuä rü̧ji̧na̧'a̧: Aaro̧ isotü i̧sa̧ pokü, Mequisede ji̧nü̧'a̧nü̧ wa̧.

TÄ̧DO Ä̧CUÄ̧ I̧HUȨNȨ

¹¹ Israel ttö̧ja̧, Aarón ahuaruhuä o'cotö, Leví isotö sacerdotes huotöttö hueähuä huȩnȩ ȩmi̧nä̧tö̧do. Iso päi'önä, jahuätömä ja̧u̧ hueähuä huȩnȩ päö'a̧nö̧ jȩpö̧, pi̧jä̧ ttö̧ja̧ adiunä jȩtta̧ pä'ö huettinöttömä, ka̧ra̧ sacerdote hua̧, Melquisedec ta'anö hua̧mä̧, ichocö paji. Chutä Melquisedec Aarónttö'inä i̧mi̧cu̧nä̧ hua̧ pi̧nö̧do.

Hebreos 7:11 Referans Kwoze

Hebreos 8:7

Ä̧kuo̧mȩnä̧ Dio i̧tti̧mü̧ Irae ttü̧ja̧ku̧ esekuinü̧tä̧ jo̧mȩnü̧ ji̧nü̧ttü̧mä̧, pä'äjita'anü̧mä̧ esekuäkuäwämä̧ juiyü'anü̧ ji̧na̧'a̧.

Gálatas 2:21

Dio rettü ppädinü̧mä̧ ya'okuoküsä. Isopäi'ünä̧ weäwä wȩnȩnä̧tä̧ Dio ȩmü̧ttü̧mä̧, Crito 'korujuoächinü̧mä̧ mikuäwokütä ja̧ja̧'a̧.

Hebreos 7:21

Ja̧'wa̧nü̧ ji̧na̧'a̧nä̧, Dio-mä̧ Tu̧ru̧wa̧ Jesú-rumä̧ juramento pättümä̧ jȩi̧nä̧ku̧, pa̧'a̧nü̧ pä'a wȩyu̧kuä̧ wȩnȩnä̧: «Tu̧ru̧wa̧ Dio-mä̧ juramento pättünä̧ jȩpü̧ ukuokuina̧'a̧mä̧ pärotokü: Ukumä̧ 'kuäopünä̧tä̧ sacerdote wa̧jä̧, Mequisede ji̧nü̧ta'anü̧,» päinü̧mä̧.

Hebreos 7:15

Ja̧'wa̧nü̧ ja̧'a̧ttü̧ pi̧yȩmä̧ jua'a yabonä̧ wäjuönä̧tä̧ päia'a; jareünä̧ sacerdote wa̧ räopümä̧ Mequisede ji̧nü̧'a̧nü̧ wa̧.

Hebreos 5:6

Ja̧'wa̧ta̧nü̧ kkoromȩ'i̧nä̧ wȩyu̧kuä̧ wȩnȩnä̧ pä'inü̧: «Ukumä̧ sacerdote kuä̧kua̧jä̧ mo̧ro̧ kki̧ä̧mü̧nä̧, Mequisede ji̧nü̧ta'anü̧.»

Gálatas 4:9

Ja̧'wa̧nü̧ ja̧'a̧nä̧ jitä Dio-rü ku̧wo̧juä̧chi̧nä̧tu̧kua̧'a̧mä̧, ja̧'wa̧nü̧ pä'ü jui'ü'i̧nä̧ Dio u̧wo̧juä̧u̧ kuätukua'amä̧ ¿tta̧'a̧nü̧ pä'ü ppa̧kuä̧chä̧tu̧kua̧'a̧jä̧ttü̧ ttü̧ä̧nä̧wo̧tü̧ juiyupätürü, mikuäwokotürü, kukuotätukua pä'ümä̧?

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

Hebreos 5:10

Ja̧'wa̧nü̧ jo̧mȩnä̧ Dio-mä̧ sacerdote-tü̧ ttu̧ru̧wa̧ päi'ünä̧ jȩi̧nä̧ku̧, Mequisede-rü ji̧nü̧ta'anü̧.

Gálatas 4:3

Ja̧'wa̧nü̧ jü̧ta̧'a̧nü̧ 'kuäopa'a ujuturu'i̧nä̧: ji̧nä̧ ta̧'u̧kuä̧i̧mä̧, pi̧jä̧nä̧ weünä̧tä̧ kka̧kui̧nä̧tü̧jä̧.

Hebreos 7:10

Ja̧'wa̧nü̧ ja̧'a̧, jua̧u̧ Abraha̧ isotü ttäkuotümä̧, jua̧u̧nä̧tä̧ kki̧nä̧tü̧ ji̧nä̧ ttuwäpächoka'a ja̧'a̧ttü̧, jua̧u̧ru̧ Mequisede topü i̧'chi̧nü̧mä̧.

Hebreos 7:12

Ja̧'wa̧nü̧ ja̧'a̧ttü̧ sacerdote-tü̧ jäwä pärowächomȩnä̧, weäwä wȩnȩ'i̧nä̧ ä̧tȩkuä̧nä̧tä̧ pärowächa'a;

Hebreos 7:13

ja̧'wa̧nü̧ ja̧'a̧ttü̧ pä'a Tu̧ru̧wa̧ Jesucrito ütü'kümä̧, kkorotü isotü i̧sa̧ttü̧ rä'opinü̧ Dio-rü ukuokuäkuäwodenä̧ sacerdote jü̧nä̧ yoriso aditokotü pä'ijätüttü.

Hebreos 9:6

Ja̧'wa̧nü̧ jo̧mȩnü̧ jȩpü̧ kku̧nä̧wi̧na̧'a̧, ä̧kuo̧mȩnä̧ I̧so̧ka̧ Ro̧ka̧nä̧ sacerdote wotü, 'kuäopünä̧ do'ächü Dio ä'ka jo̧mȩ ttaditäwä ttadita pä'ümä̧.