Hebreos 6:9 - Nuevo Testamento Uwotjüja

⁹ Ja̧'wa̧nü̧ ukuturumä̧ tukuokua'anä̧ chawaruwä chü̧jä̧wa̧tü̧; ukutumä̧ Dio-rü esetätü pä'ü wo̧juä̧tü̧jä̧, surojüttü kki̧'ä̧kuä̧wä̧ ttȩmä̧kuo̧tü̧ pä'ü wo̧juä̧tü̧jä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ ja̧'a̧nä̧ adihuä chö̧jä̧huä̧tö̧, ja̧'hua̧nö̧ tucuocuomenä, ucuturu pä'ocotöjä iso päi'önä huo̧juä̧tö̧jä̧ ucutu cuesetätucuomenä, Dios rö̧ȩnä̧ ppädinä̧u̧jä̧.

Hebreos 6:9 Referans Kwoze

Hebreos 10:39

Ja̧'wa̧nü̧ ja̧'a̧ttü̧ ujutumä̧ tto'ka'aku ppa̧'ä̧chü̧ toe'ächäkuäwä isotümä̧kü̧jä̧ ja̧'wa̧nü̧ ja̧jü̧ jueimä̧ ta̧'kua̧ wȩnä̧rü̧, ta̧'kua̧rü̧ kki̧'i̧kuä̧ isotüjä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

2 Corintios 7:10

Ja̧'wa̧nü̧ ja̧'a̧ttü̧, Dio-rü pä̧wä̧rü̧jo̧mȩnä̧ ta̧'kua̧ tta̧wȩpü̧mä̧, surojü ra̧wä̧pi̧jü̧ttü̧ ttü̧ji̧pü̧nä̧ jü̧, surojina̧'a̧ pätü juiya pä'ü; ja̧'wa̧nü̧ ja̧'a̧nä̧ pi̧jä̧ttü̧ tta̧'kua̧ tta̧wȩpü̧mä̧ wa'aretä ichü.

Hebreos 10:34

Ja̧'wa̧ta̧nü̧ re kki̧nä̧tü̧jä̧ kärenä̧ pȩjä̧tü̧rü̧; ja̧'wa̧ta̧nü̧ kuiäretuku 'chottipe'a'anä̧'i̧nä̧ eseunu̧ 'kuä'opinä̧tü̧jä̧, mo̧ro̧jä̧ra̧'a̧mä̧ juȩnȩ obonä̧nü̧ adiu'i̧nä̧, toe'ächokü'i̧nä̧ tiäremä̧ kku̧nä̧rä̧tü̧jä̧ päkuätukua'attü̧.

Hebreos 5:9

ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

1 Corintios 10:14

Ja̧'wa̧nü̧ ja̧'a̧ttü̧ chawaruwä chi̧jä̧wa̧tü̧, ttü̧ä̧nä̧wo̧tü̧rü̧ ukuokuä'chümä̧ jȩ'kuä̧tu̧kuä̧.

Hechos 20:21

Judío-rü'i̧nä̧, griego-rü'i̧nä̧, ji'äwä'ijüsä Dio-ku ppa̧'ä̧chü̧, Tu̧ru̧wa̧ Jesucrito-rü tteseta pä'ümä̧.

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

Hebreos 6:10

Isopäi'ünä̧ Dio-mä̧ suronä̧ jȩä̧kuä̧wä̧ i̧sa̧mä̧kü̧ ja̧'a̧ttü̧, Chutä i̧mi̧ eseu, jȩ'kuä̧'i̧jä̧tu̧ku̧mä̧ ja̧'wa̧ta̧nü̧ umüwäyotü ȩmi̧nä̧u̧rü̧ ppäkuädä'ijätuku'i̧nä̧, yabonü̧ jitä jȩ'kuä̧tu̧ku̧'i̧nä̧ yorisotä u̧ni̧chi'okü.

Gálatas 5:6

Isopäi'ünä̧ Crito-nä̧ kkä̧kuä̧wä̧mä̧, circuncisión pättü jȩ'kuä̧kuä̧wa̧ja̧ pä'ü'i̧nä̧, jȩ'kuä̧kuä̧wuö̧ juiyaja pä'ü'i̧nä̧ mikuäwoka'a, ji̧nä̧somä̧ Crito-rü ta̧'kua̧ wȩnä̧rü̧ eseu jȩpü̧ tü̧jü̧tä̧ ja̧'a̧.

Hechos 11:18

Ja̧'wa̧nü̧ jiäwa'a ä̧ju̧ku̧, 'koruchi'ijä'kotü Dio-rütä eseu pä'inä̧tü̧: —¡Ja̧'wa̧nü̧ jü̧ttü̧mä̧, Dio-mä̧ Judío pokotürü'i̧nä̧ surojüttü kki̧'ä̧kuä̧wä̧ra̧'a̧ku̧ ttü̧ji̧pi̧ya̧rü̧ pä'ü iyäja'a tä̧jí̧!

2 Corintios 7:1

Isopäi'ünä̧ chawaruwä chi̧jä̧wa̧tü̧ ja̧'wa̧nü̧ jua̧u̧ i̧yä̧kuȩ ukuokuina̧'a̧ttü̧, Dio ȩma̧tü̧ pä'ümä̧ surojümä̧ jȩtü̧ juiyü'anü̧ ja̧'a̧, surojüttü i̧mi̧ku̧nä̧ tü̧ja̧ pä'ü. Dio-rümä̧ eseu tukuotätukua, ye'ekunü̧ surojü juitächächünä̧; Chutä surojü jui̧'a̧ jü̧ta̧'a̧nü̧.

2 Corintios 12:19

Suronä̧ jȩpi̧nü̧'kotü, ujuturu adiku iku jä'epätü päkuätuku'anü̧, ja̧'a̧nä̧ ja̧'wa̧nü̧mä̧ jo̧ka̧'a̧. Ujutumä̧ Dio ä'ka jo̧mȩttü̧ ukuokuätüjä̧, Crito-nä̧tä̧. Ja̧'wa̧nü̧ ja̧'a̧ttü̧, pi̧yȩ o'kajuiyünä̧, chawaruwä chi̧jä̧wa̧tü̧ juȩnȩ ttü̧ja̧ kuä̧rä̧mä̧tu̧kua̧ pä'ü ja̧'a̧.

1 Pedro 2:11

Chi̧jä̧wa̧tü̧, ro̧'ȩpü̧ ji̧dä̧wä̧u̧jä̧ kko̧ro̧jä̧ttü̧ ichäkuäwotü pi̧jä̧nä̧ kue'ächätürü 'kua̧rü̧nä̧, ttidepä kkü'kekunä̧mä̧ kuiyäwätukuä tta̧'kua̧rü̧ rowäwukumä̧.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.

1 Juan 2:7

Chawaruwä chi̧jä̧wa̧tü̧, ukuturu wȩyu̧tu̧ wedümä̧ jareünä̧ weäwä wȩnȩmä̧kü̧ ja̧'a̧; mo̧ täbokü, ä̧kuo̧mȩnä̧ttü̧tä̧ päi'ünä̧ ku̧ju̧nä̧ri̧nä̧tu̧ku̧ wȩnȩ ja̧'a̧. Pi̧yȩmä̧ täbokütä päi'ünä̧ Weäwä wȩnȩ ji̧na̧'a̧, jitä ja̧'a̧ku̧ kuä̧ju̧kui̧nä̧tu̧ku̧mä̧.

Judas 1:3

Chawaruwä chü̧jä̧wa̧tü̧, mo̧tä̧ päi'ünä̧ wȩyu̧tu̧ weda pä'inü̧sä̧ Dio ukuturu iyinü̧ tü'kümä̧; ja̧'wa̧nü̧ ja̧'a̧ttü̧ jitämä̧ jädepä̧u̧jä̧ Dio wo̧juȩtü̧ iyinü̧mä̧ ä'kuoyäkuäunu̧ suropätüttü tta̧kuä̧rä̧tu̧kua̧ pä'ü.