Hebreos 6:5 - Nuevo Testamento Uwotjüja

⁵ ja̧'wa̧ta̧nü̧ Dio i̧wȩnȩ kkü'kekunä̧ ȩmi̧nä̧tü̧'i̧nä̧, yodoji kkä̧kuä̧wä̧kuȩ ujuru ȩmi̧nä̧tü̧rü̧mä̧ weyekua'a,

Hebreos 6:5 Referans Kwoze

San Lucas 8:13

Ja̧'wa̧ta̧nü̧ i̧nä̧sa wä̧mȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩ ä̧ju̧ku̧ eseunu̧ tteseta'anä̧, 'chu̧ä̧ra̧jü̧ juitta'a ja̧'a̧; a̧'u̧kua̧'a̧tä̧ eseti'ü, kka̧kuä̧mü̧ toäkuäwä ichomȩnä̧, kä'ädi'ätürü wȩnȩkuä̧cha̧'a̧.

1 Pedro 2:3

Täkü Tu̧ru̧wa̧ üadiwämä̧ pä̧wä̧ kki̧nä̧tü̧jä̧.

2 Pedro 2:20

Ja̧'wa̧nü̧ ja̧'a̧ttü̧ tu̧ru̧wa̧ Jesucrito surojüttü tü̧ji̧pü̧nä̧ jȩpü̧rü̧ wo̧juä̧chi̧'ä̧tü̧mä̧, pi̧jä̧ jäwä surojüttü tü'ipächü ttü̧ja̧kui̧na̧'a̧nä̧, ja̧u̧nä̧ jerupächi'ü pä'äjita'anü̧ iyäwätümä̧, jua̧u̧tä̧tä̧ wȩä̧ro̧mȩnä̧, ä'koji suro ttino̧mȩttü̧'i̧nä̧ yabonä̧nü̧ wotü.

Hebreos 2:5

Dio-mä̧, á̧gȩrȩ-rü̧mä̧ juä̧jä̧ tukuokuä̧jä̧ wetta pä'ümä̧ pä̧o̧ko̧u̧ pinä̧tü̧;

San Marcos 6:20

Herode-mä̧ surojü jui̧'a̧ adiwä i̧sa̧ pä'ü u̧wo̧jua̧'a̧ttü̧ adiunä̧tä̧ tta̧wä̧ri̧nä̧ku̧. Ja̧'wa̧nü̧ ja̧'a̧ttü̧ Ju̧a̧ jiäu ä̧ju̧kuo̧mȩnä̧mä̧ eseunä̧tä̧ ä̧ju̧kui̧nä̧ku̧, yabokutä ja̧'wa̧nü̧ jä̧ku̧ ä̧ju̧kua̧rü̧ pä'inü̧.

San Mateo 12:32

Ja̧'wa̧ta̧nü̧ yotüte Dio I̧tti̧rü̧ suronä̧ pättüttümä̧ surojü jȩpü̧ ikuäwäkuotü ttäkuotü; ja̧'wa̧nü̧ ja̧'a̧nä̧ Epíritu Sa̧tu̧rü̧ suronä̧ pä'ätürümä̧, surojü jȩpü̧ ikuäwokotü ttäkuotü jitä pä̧nä̧'i̧nä̧, yodoji mo̧ro̧'i̧nä̧, jü̧nä̧.

Efesios 6:17

Ja̧'wa̧ta̧nü̧ ȩmä̧tu̧kui̧, surojüttü kki̧'ä̧kuä̧wä̧mä̧ ttünä̧ 'kiyäba ttu̧ju̧nä̧wa̧'a̧ jä̧'i̧nü̧'a̧nü̧ ja̧'wa̧ta̧nü̧ ȩmä̧tu̧kui̧ Dio i̧wȩnȩtä̧, jua̧u̧mä̧ Epíritu Sa̧tu̧ ukurodä jü̧nä̧.

Hebreos 4:12

Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

Hebreos 11:3

Ta̧'kua̧ wȩnä̧rä̧tü̧jä̧, Dio-mä̧ pi̧jä̧mä̧ i̧wȩnȩnä̧tä̧ aditinü̧ pä'ü ja̧'wa̧nü̧ ja̧'a̧ttü̧ jitä totümä̧, toäkuäwokü ji̧nü̧ttü̧ adikui'inü̧do pä'ü.

1 Pedro 1:25

Ja̧'wa̧nü̧ ja̧'a̧nä̧ tu̧ru̧wa̧ i̧wȩnȩmä̧ 'kuäopünä̧tä̧ kkü̧, ja̧'wa̧nü̧ ja̧'a̧ttü̧ pi̧yȩ ja̧'a̧ jareü wȩnȩ ukuturu jittäwinü̧mä̧.