Hebreos 6:4 - Nuevo Testamento Uwotjüja

⁴ Isopäi'ünä̧ weyekua'a, ya'utenä̧ tȩya̧u̧ kkȩdȩ'ä̧u̧, Dio mippoünä̧ iyü kkü'kü, Epíritu Sa̧tu̧rü̧ ȩmi̧nä̧tü̧ ppa̧ttä̧cha̧ pä'ümä̧,

TÄ̧DO Ä̧CUÄ̧ I̧HUȨNȨ

^4-6 Korotö tȩa̧u̧ ȩmi̧nä̧tö̧'i̧nä̧, Dios iyö ka̧cuä̧mö̧ topinätö'inä, Espíritu Santorö ku̧nä̧ri̧nä̧tö̧'i̧nä̧, Dios adihuä i̧huȩnȩ'i̧nä̧, yodoji 'cuäopä̧cuȩ huȩnȩ'i̧nä̧, ka̧cuä̧mö̧ topinätö'inä, pä'äji ta'anö jaropi'ö ma̧ttä̧chö̧ttö̧mä̧, pä'äji ta'anö jareönä pärocuäcutä ttamöcuäda pä'ö hueyecua'a. Ja̧'hua̧nö̧ jaropi'ö, Dios I̧tti̧rö̧ pä'äji ta'anö daunä pȩ'o̧pö̧ ku̧nu̧, cuä'ö icuätö jä̧'i̧nö̧'a̧nö̧ jȩpä̧tö̧. Korotö ttä'ca jo̧mȩttö̧ suronä ya̧'ä̧huȩ'ä̧tö̧ Dios I̧tti̧rö̧.

Hebreos 6:4 Referans Kwoze

San Mateo 5:13

Ukutumä̧ pi̧jä̧nä̧ttü̧ 'käruwäbü wotüjä̧. Ja̧'wa̧nü̧ ja̧'a̧nä̧ 'käruwäbü ü̧sa̧di̧ toepächomȩnä̧mä̧ ¿Tta̧'a̧nü̧ jȩpü̧tä̧ ü̧nü̧ä̧mä̧ ppa̧kuä̧dä̧kua̧'a̧ttü̧? Täkü jȩä̧kuä̧wä̧mä̧ juiyü ja̧'wa̧nü̧ ja̧'a̧ttü̧ mä̧nä̧ra̧'a̧tä̧ do'opü ttikuomȩnä̧ ttü̧ja̧ 'kuȩ'ku̧tä̧ ttiku.

San Juan 15:6

Ttünä̧ kko̧kü̧rü̧mä̧, ä̧na̧jui̧yä̧ u̧mi̧ do'opü ttikuomȩnä̧, joipächa'a; ka̧ka̧tü̧ okuränä̧ kku ttikua'a jä̧'i̧nü̧'a̧nü̧ jä̧kua̧'a̧.

Efesios 2:8

Isopäi'ünä̧ mikuä juiyünä̧tä̧ surojüttümä̧ kka̧kui̧pi̧nä̧tü̧jä̧, kua̧'kua̧ ku̧wȩnä̧rä̧tu̧kuo̧mȩttü̧, jua'a'i̧nä̧ ukutu jäwä jo̧ka̧'a̧tä̧, Dio rettü ppädina̧'a̧tä̧.

San Juan 3:27

Pättiyäku, Ju̧a̧-mä̧ päinä̧u̧: —Ttü̧ja̧sa̧rü̧ kkorojuei Dio iyoka'a jo̧mȩnä̧mä̧, yoriso u̧ju̧nä̧ra̧ pä'ümä̧ jui̧'a̧.

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.

San Mateo 12:45

Ja̧'wa̧nü̧ ji̧yä̧ku̧, kkorotü kko̧ro̧mü̧ttü̧ ta̧ju̧nü̧ wotürü ȩmü̧ 'chü̧, chutättü'i̧nä̧ abonä̧nü̧ suropätürü, juätümä̧ o'katoi'ünä̧tä̧ jua̧u̧nä̧ dodepü kka̧kuä̧tü̧; ja̧'wa̧nü̧ jo̧mȩnä̧ jua̧u̧ ttü̧ja̧sa̧mä̧ ä̧kuo̧mȩnä̧ ji̧no̧mȩttü̧'i̧nä̧ abonä̧nü̧ wa̧. Ja̧'wa̧nü̧tä̧ jä̧kua̧'a̧ pi̧yȩ pä̧nä̧ ttü̧ja̧ suropätürümä̧.

Gálatas 3:2

Ukuturu ji̧yȩtȩtä̧ jä'epü chä̧ju̧kua̧ pä'üsä: ¿Dio i̧sa̧ Epíritu-rumä̧, toku kuȩmi̧nä̧tu̧kuä̧ttü̧: weäwä wȩnȩ kukuotätukuomȩnä̧; ja̧'wa̧nü̧ jo̧ka̧'a̧ jü̧ttü̧'i̧nä̧ kua̧'kua̧ wȩnä̧rü̧ kuä̧ju̧kuä̧tu̧kuo̧mȩnä̧ jo̧ka̧'a̧ ji̧na̧'a̧ tä̧jí̧?

2 Timoteo 2:25

to'ija̧'a̧ku̧ pä'ätürümä̧ tta̧mi̧so'kinä̧ ukuo tettäwoka'a jua'a yabonü̧ jȩttü̧ juiya pä'ü jittäwa'anü̧ ja̧'a̧, chutä Dio-ku ppa̧ttä̧cho̧mȩnä̧, isopäi'ünä̧ wȩnȩ ttu̧wo̧juä̧chi̧'ü̧nä̧ jȩa̧'a̧nä̧ tta̧'a̧rü̧ kkä̧nü̧.

1 Juan 5:16

Ya̧tȩ ta̧wa̧ru̧wa̧ ti̧jä̧wa̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧mä̧, jua̧u̧ru̧ Dio-rü ukuokui, jua̧u̧ru̧ Dio kkä̧kuä̧wä̧ iyarü, jua'a'i̧nä̧ Dio-ttü jo̧mȩnü̧ 'kȩ'ȩpü̧ ikuokü surojü jȩo̧mȩnä̧tä̧. Ja̧'wa̧nü̧ ja̧'a̧nä̧ kkoro surojü kka̧'a̧ Dio-ttü jo̧mȩnü̧ 'kȩ'ȩpü̧ iku, jua̧u̧ jȩü̧ttü̧mä̧, Dio-rümä̧ jättepa pä'oküsä.

Hebreos 2:4

Juätünä̧tä̧, Dio-mä̧ ji'äwinü̧ ttieruwü'i̧nä̧ tottünä̧ i̧jȩpü̧kkä̧nü̧, na̧nȩttü̧'i̧nä̧ aditü ikukkä̧nü̧, Epíritu Sa̧tu̧rü̧'i̧nä̧ iyinä̧u̧ a̧'kua̧ iweyenä̧tä̧.

1 Timoteo 4:14

Jȩ'ku̧'a̧nü̧ ukunä̧ kka̧ku̧nä̧mä̧ aditi, Dio ukuokuomȩnä̧, igresia-ttü a̧ci̧a̧nu̧ wotü kunä̧ mȩ'ü̧ ttukuokuomȩnä̧ Dio iyinü̧mä̧.

Hechos 11:17

Ja̧'wa̧nü̧ ja̧'a̧ Dio-mä̧ ujutu Jesucrito-rü esetätürü, mipponä̧ jäwä iyinü̧ta̧'a̧nü̧, juätürü'i̧nä̧ iya'amä̧ ¿Dí cha'ajä̧ttü̧, Dio-rü to'ija̧'a̧ku̧ päda pä'ümä̧?

Efesios 4:7

Ujutu yotukunä̧rü̧mä̧ iyäwi'inä̧u̧jä̧ Dio jäwä, Crito mippoünä̧ iya päinü̧'a̧kuä̧.

Efesios 3:7

Jua̧u̧ jäwättütä chadita pä'ü iyäwi'inä̧ku̧sä̧, Dio rettü mipponä̧ iya'attü, chutä ujurunä̧tä̧.

Hechos 10:45

Circuncisión pättü ukuotä'ijätü Peduru-ku ichäjätümä̧, to̧o̧ to̧pä̧ri̧nä̧tü̧ Epíritu Sa̧tu̧mä̧ judío pokotürü'i̧nä̧ ü̧jä̧mä̧dü̧nä̧ iyäwi'a'ati̧ pä'ü.

Hechos 8:20

Päiyäku Peduru-mä̧ ädätinä̧ku̧: —¡Ukú kuiäre pärätämä̧ ukutäku to̧ȩ'ä̧chä̧kuȩ, Dio mippoünä̧ iyümä̧ pärätä mitü ȩmä̧wä̧kü̧ pä'ü kuamükuädüta'anü̧!

San Juan 6:32

Ja̧'wa̧ta̧nü̧ Jesú-mä̧ päinä̧u̧: —Isopäi'ünä̧ pädäu̧jä̧, jua̧u̧ mo̧ro̧jä̧ra̧'a̧ttü̧ ttukunä̧ iyinü̧mä̧ Moisé-mä̧kü̧ ji̧na̧'a̧; ji̧nä̧so iyinü̧mä̧ Chä'o ja̧'a̧, Isopäi'ünä̧ kuäkuäwä mo̧ro̧jä̧ra̧'a̧ttü̧ iyümä̧.

Gálatas 3:5

Chú, Epíritu-ru Dio iya'amä̧ ja̧'wa̧ta̧nü̧ jȩtto̧kü̧ juei jȩa̧'a̧mä̧, ¿ti̧yȩ jȩ'kuä̧tu̧kuo̧mȩnä̧ ja̧'a̧ jä̧ttü̧?, ¿weäwä wȩnȩ kukuotätukuomȩnä̧ ja̧'a̧ tä̧jí̧?, ¿jareü wȩnȩ kua̧'kua̧ wȩnä̧rü̧ kuesetätukuomȩnä̧tä̧ ja̧'a̧ tä̧jí̧?

Hechos 15:8

Ja̧'wa̧nü̧ ja̧'a̧, Dio-mä̧ tta̧mi̧ iso'ki wo̧jua̧ ja̧'a̧ttü̧ juätürü'i̧nä̧ Epíritu Sa̧tu̧rü̧ iyinä̧u̧ totünä̧, ujuturu jü̧ta̧'a̧nü̧;

San Juan 4:10

Päjiyäku, Jesú-mä̧ ädätinä̧kua̧: —Isopäi'ünä̧, Dio rettü iyü'i̧nä̧ ja̧'wa̧ta̧nü̧ ukuru, ajiya chawa iyittü pä'ürü'i̧nä̧ ku̧wo̧juö̧ttü̧mä̧, ukutätä jua̧u̧ru̧ jä'epajajujä̧, jäkuepäkumä̧ ajiya a̧'kua̧rü̧ kkoya iyakuajä̧,

2 Timoteo 4:14

Alejandro, kuoräuttü adikuä i̧sa̧mä̧ ttürü rü̧ȩnä̧ surojuo'epinü̧; chü̧ä̧nä̧wa̧tä̧ jua̧u̧ jȩi̧nü̧'a̧kuä̧ i̧mi̧tä̧kua̧mä̧.

Romanos 1:11

Isopäi'ünä̧ ukuturu tochächa pä'üsä, Epíritu jäwä, iyinü̧ jidäwätukuaku pä'ü, yaboku 'kiyünä̧ ku̧jä̧kuä̧tu̧kuä̧kua̧'a̧nü̧;

2 Corintios 4:4

Ja̧'wa̧nü̧ ja̧'a̧ttü̧, esetokotürümä̧, pi̧jä̧nä̧ttü̧ ttü̧ä̧nä̧wa̧mä̧ ttu̧wo̧juö̧ juiyünä̧ ä̧to̧dü̧ ikuinä̧u̧, jareü wȩnȩ i̧tȩya̧u̧ Crito üadiwä kkä̧dȩpü̧ juiyatü pä'ü, jua̧u̧mä̧ Dio a̧'kua̧juä̧ ja̧'a̧ttü̧.

2 Corintios 4:6

Isopäi'ünä̧ Chutä Dio-tä, yo̧mȩttü̧ tȩya̧u̧ kkä̧dȩpa̧ pä'ü jȩpi̧nü̧tä̧ ja̧'a̧, tta̧mi̧'iso'kinä̧ tȩya̧u̧ kkä̧dȩpa̧ pä'ü'i̧nä̧ jȩpi̧nü̧mä̧, jua'amä̧ Jesucrito-nä̧tä̧, Chutä Dio ü̧rü̧ä̧ tu̧wo̧jui̧ya̧rü̧ pä'ü.

Efesios 1:18

Ja̧'wa̧ta̧nü̧ jädepomȩnä̧mä̧, kua̧mi̧so'kituku'i̧nä̧ bawekuächünä̧ i̧tȩya̧u̧ kkä̧dȩpa̧ pä'ü jä'epüsä, tta̧tä̧rä̧'i̧jü̧mä̧ ji̧yȩja̧ ja̧'a̧ tä̧jí̧ pä'ü kkä̧nü̧ churutä esetätürü iäre i̧yä̧kuȩ ukuou'i̧nä̧ ku̧wo̧juä̧tu̧kua̧ pä'ü.