Hebreos 6:2 - Nuevo Testamento Uwotjüja

² bautizo jȩttä̧kuä̧u̧'a̧nü̧ ja̧'a̧; ttu̧mü̧ mȩ'ü̧ ttukuokuomȩnä̧ Epíritu Sa̧tu̧rü̧ ttȩmu̧'i̧nä̧; wa'inä̧tü̧ ttottächäkuȩ'i̧nä̧; ja̧'wa̧ta̧nü̧ rüjí mo̧ro̧ ü'ojo'äkuȩ'i̧nä̧ täkü kukuokuätukuä.

TÄ̧DO Ä̧CUÄ̧ I̧HUȨNȨ

² Ja̧'hua̧ta̧nö̧ bautizando jȩä̧cuä̧huä̧ huȩnȩttö̧'i̧nä̧, Diosrö esetätörö ttu̧mö̧nä̧ mȩ'ö̧ ucuocuäcuähuä huȩnȩttö̧'i̧nä̧, 'corupätti'omettö ttoächäcuähuä huȩnȩttö̧'i̧nä̧, Dios ö̧tä̧bo̧tä̧cuȩ huȩnȩttö̧'i̧nä̧ yabonötä tu̧huo̧jui̧'ä̧cua̧'a̧nö̧.

Hebreos 6:2 Referans Kwoze

Hechos 6:6

Ja̧'wa̧nü̧ ttȩmä̧jä̧u̧ru̧mä̧, apótore ttü̧ja̧kua̧'a̧ku̧ ttȩpä̧ja̧'a̧ ttu̧mü̧ mȩ'ü̧ Dio-rü ttukuokuinä̧u̧.

Hechos 24:25

Ja̧'wa̧nü̧ ja̧'a̧nä̧ Pauru-mä̧ adiwomȩnä̧ jȩpü̧ kkä̧kuä̧wä̧'i̧nä̧, surojuoepokomȩnä̧ kkä̧kuä̧wä̧'i̧nä̧, yodoji Dio ro̧ȩpä̧kuȩ'i̧nä̧ jiäwomȩnä̧ ye'i'ü, Felíx-mä̧ päinä̧ku̧: —Täkü täi, pä'äjita'anü̧tä̧ wochakujä̧.

Hechos 23:6

Jua̧u̧ pä'ü kä'ädü, yotukunä̧mä̧ saduceo wotü'i̧nä̧, kkorotümä̧ Fariseo wotü'i̧nä̧ ji̧yä̧ku̧ Pauru-mä̧ pä̧i̧ku̧nä̧ pä'inü̧: —Chawaruwä chü̧jä̧wa̧tü̧, ttümä̧ fariseo wotü i̧sa̧sä̧ ja̧'wa̧ta̧nü̧ jua̧u̧ esetätütä tti̧tti̧sä̧; Ja̧'wa̧nü̧ ja̧'a̧ttü̧ wa'ü ikuinä̧tü̧mä̧ ttottächäkuotü pä'ü tta̧dä̧ro̧mȩttü̧ ro̧ttȩpa̧ pä'ü 'chuttädäjäkusä.

Hechos 17:18

Ja̧'wa̧ta̧nü̧ kkorotü, tta̧'kua̧ adiunä̧ kkä̧kuä̧wä̧tä̧ ji̧nä̧so ji̧yȩtä̧mä̧ pä'ü wo̧juȩtä̧tu̧ku̧'i̧nä̧ ukuoku kkä̧nü̧, kkorotü surojü jȩttü̧ juiya pä'ümä̧ tta̧mü̧nä̧ pa̧ja̧tü̧tä̧ jȩä̧kuä̧wa̧'a̧ pä'ü wo̧juȩtä̧tu̧ku̧'i̧nä̧ ukuokuinü̧. Ja̧'wa̧nü̧ ja̧'a̧nä̧ kkorotü pä'inä̧tü̧: —¿Däjé ukuokuttü̧ chujua, wiräkuäwä i̧sa̧mä̧? Ja̧'wa̧ta̧nü̧ kkorotümä̧ pä'inä̧tü̧: —Kko̧ro̧jä̧ttü̧ ttü̧ä̧nä̧wo̧tü̧rü̧ ji'äu ja̧'a̧, pättinä̧ku̧. Jua'amä̧ jareü wȩnȩ Jesú u̧wo̧juȩti̧nü̧'i̧nä̧ ja̧'wa̧ta̧nü̧ ttoächinü̧'i̧nä̧ jiäwiyä̧u̧.

Hechos 16:33

Jua̧u̧nu̧tä̧ yodó, o'ipächü ttüttawiyä ȩ'i̧nä̧u̧; jua̧u̧nu̧tä̧ bautizo jȩtti̧nä̧ku̧, ojusodenä̧ kka̧kuä̧tü̧rü̧'i̧nä̧ o'katoi'ünä̧.

Hechos 16:15

Juäjumä̧, kkawaruwätäku Bautizo jȩttä̧jä̧kua̧ o'kaju, jäjepinä̧u̧jä̧: —Isopäi'ünä̧ Tu̧ru̧wa̧rü̧ ukuotäju päkuätukuttümä̧, chojusodera̧'a̧ kuä'ekuätukua ichätukui. Ja̧'wa̧nü̧ pä'ü kkojusodenä̧ tü̧ja̧kui̧'a̧ pä'ü jäjepinä̧u̧jä̧.

Hechos 10:47

Ja̧'wa̧nü̧ ji̧yä̧ku̧, Peduru-mä̧ pä'inü̧: —¿Pitürümä̧, ujutu jü̧ta̧'a̧nü̧ Epíritu Sa̧tu̧ ü̧jä̧mä̧dä̧jä̧u̧ru̧mä̧, bautizo jȩttü̧ juiyü'anü̧ tä̧jí̧?

Hechos 2:41

Ja̧'wa̧nü̧ jiäu esetäjätümä̧, bautizo jȩtti̧nä̧u̧, jua̧u̧nü̧ mo̧ro̧tä̧mä̧ tres mil-nü̧ jo̧mȩnä̧ ji̧na̧'a̧, Jesucrito-rü esetätümä̧.

Hechos 2:38

Peduru-mä̧ ädätinä̧u̧: —Suronä̧ jȩ'kuä̧'i̧jä̧tu̧ku̧ttü̧ kä'ädäkuäu Jesucrito i̧mi̧nä̧ yotukunä̧ bautizo jȩpä̧kuä̧wä̧tu̧kui̧; suronä̧ jȩ'kuä̧tu̧ku̧ Dio jȩpü̧ ikuomȩnä̧, pärokuä Epíritu Sa̧tu̧ iyü kuȩmä̧tu̧kua̧ pä'ümä̧.

San Juan 1:33

Ja̧'wa̧ta̧nü̧ ttütä'i̧nä̧ chieruwinä̧ku̧; ja̧'wa̧nü̧ ja̧'a̧nä̧ ajiyanä̧ bautizo jȩcha̧ pä'ü we'inü̧mä̧, päinä̧ku̧sä̧: «Epíritu mȩyȩwi̧'ü̧ ü̧jä̧mä̧da̧'a̧ to'kuäku jä̧kua̧'a̧, Epíritu Sa̧tu̧nä̧ bautizo jȩä̧kua̧mä̧.»

San Marcos 16:16

Esetürü, bautizo jȩttä̧ku̧mä̧ ra̧wä̧pi̧jü̧ttü̧ ü̧ji̧pä̧kua̧; ja̧'wa̧nü̧ ja̧'a̧nä̧, esetokürümä̧ usurä ȩmä̧wa̧ pä'ütä pätetü kku̧nä̧wä̧kua̧'a̧.

San Mateo 28:19

Ja̧'wa̧nü̧ ja̧'a̧ttü̧ pi̧jä̧ o'kajuiyünä̧ 'chä̧nü̧ ttü̧ja̧rü̧ chu̧wo̧juȩtä̧u̧ jü̧nä̧; Jä'o i̧mi̧nä̧, i̧tti̧ i̧mi̧nä̧ ja̧'wa̧ta̧nü̧ Epíritu Sa̧tu̧ i̧mi̧nä̧ bautizo jȩpä̧tu̧kui̧,

2 Pedro 3:7

Ja̧'wa̧nü̧ ja̧'a̧nä̧ mo̧ro̧jä̧'i̧nä̧, rȩjȩ'i̧nä̧ jitä kkä̧jä̧mä̧, i̧wȩnȩnä̧ okuränä̧ kkuwü ttikua pä'ütä jȩpü̧ kku̧nä̧wa̧'a̧. Jȩtti̧nü̧'a̧kuä̧ pojokuä mo̧ro̧ päi'omȩnä̧ ja̧'wa̧ta̧nü̧ suropätü totte'ächü mo̧ro̧ juarä okurämä̧ kkuwü ikuäkua'a.

Hebreos 11:35

Kkorotü nä̧tü̧mä̧ ttawaruwä 'korujuo'ächinä̧tü̧rü̧mä̧, pä'äjita'anü̧ tta̧'kua̧ri̧'i̧ni̧yä̧u̧. Kkorotümä̧ ubara ttu'utä 'korujuo'ächinä̧tü̧, ppättädatü pättoka'atä, jua'amä̧ rü̧ȩnä̧ adiwäjuei kkä̧kuä̧wä̧nä̧ ttottächa pä'ü.

Hebreos 9:10

Suro kuäkuäwätä, awäwätä, ttütükäwinü̧tä̧, jȩta̧jä̧ pä'ü rütäwä ji̧na̧'a̧ wä̧mȩnä̧ jäwätä, Dio kkoronä̧ ü'ärotomebütä päi'ünä̧ rü̧ȩnä̧ adiu mikuäu jäwänä̧.

2 Timoteo 2:18

juätümä̧ pä'ätü täkü tto'ächinä̧tü̧jä̧, ja̧'wa̧nü̧ pätta'anä̧ ja̧u̧mä̧ isopäi'ünä̧mä̧ jo̧ka̧'a̧, ja̧'wa̧nü̧ jȩpü̧ tti̧rȩbȩu̧mä̧ ji̧yȩtȩtä̧ ja̧'a̧, ttü̧ja̧rü̧ re'tetü ttikutä.

Colosenses 2:12

Bautizo jȩ'kuä̧kuä̧wä̧tu̧kuo̧mȩnä̧, ukutumä̧ Crito-ku 'korujuo'ächinä̧tü̧jä̧, ja̧'wa̧ta̧nü̧ wa'arettü'i̧nä̧ jua̧u̧tä̧ku̧ tto'ächinä̧tü̧jä̧, isopäi'ünä̧ Dio ujuru kku̧nä̧rü̧rü̧ wa'arettü'i̧nä̧ tto'ächinü̧rü̧ kuesetinä̧tu̧kua̧'a̧ttü̧.

Filipenses 3:21

Jua̧u̧tä̧tä̧ jä̧kua̧'a̧ tidepä wa'are jäwä jä̧'i̧jü̧mä̧, Chutä ü̧jü̧ beipokü jäwänä̧ pärotü i̧kuä̧kua̧mä̧. Chutä ujurunä̧ pi̧jä̧ o'kajuiyünä̧ wea pä'ü iyäwi'inä̧ku̧ ja̧'a̧ttü̧.

1 Corintios 12:13

Ujututtümä̧ judío'i̧nä̧, judío pokotü'i̧nä̧, Grecia ttü̧ja̧'i̧nä̧, esclavo jü̧nä̧ ttumüwäyotü'i̧nä̧, esclavo jü̧nä̧ ttu̧wo̧juȩtä̧u̧ pokotü'i̧nä̧ ji̧nä̧ yotütetä päti'ünä̧, Epíritu-nä̧ bautizo jȩpä̧kuä̧wi̧nä̧tü̧jä̧, ji̧yȩtȩ igresia päti'ünä̧, ji̧nä̧ yotüte wotütä, ji̧nä̧ ya̧tȩ Epíritu Sa̧tu̧rü̧ iyinä̧u̧jä̧ Dio-mä̧.

1 Corintios 10:2

Ja̧'wa̧nü̧tä̧, Moisé-ku o'katoi'ünä̧ rü̧ä̧ duborattü'i̧nä̧, ajiya isoppattü'i̧nä̧ bautizo päwi'inä̧u̧.

Romanos 2:16

Dio ro̧ȩpü̧ mo̧ro̧ rȩbȩä̧kuä̧wä̧kua̧'a̧, ttü̧ja̧ ttü̧dä̧pä̧rȩ, ttü jidäu Jesucrito i̧wȩnȩ jareü wȩnȩnä̧.

Hechos 26:8

¡Jua̧u̧nu̧mä̧! ¿Dio wa'arettü ttoädomȩnä̧mä̧, ya̧tȩ'i̧nä̧ ttesetoka'a tä̧jí̧, ukutu isotümä̧?

Hechos 24:21

Ja̧'wa̧nü̧ ja̧'a̧nä̧, juorümä̧ ji̧yȩtȩtä̧ wopi'äjisä pä̧i̧ku̧nä̧: «wa'ü ikuinä̧tü̧rü̧, juätümä̧ ttottächäkuotü pä'ü chesetomȩttü̧ jȩ'kuä̧tu̧kuä̧ku̧sä̧,» jü̧nä̧.

Hechos 24:15

Ja̧'wa̧ta̧nü̧ Dio-nä̧mä̧ tta̧'ä̧rü̧sä̧, adiu jȩpä̧tü̧'i̧nä̧, suronä̧ jȩpä̧tü̧'i̧nä̧ yodojimä̧ ttottächäkuotü pä'ü.

Hechos 4:2

Rü̧ȩnä̧ tta̧mi̧surinä̧u̧, Jesú wa'arettü ttoächäja'a ttü̧ja̧rü̧ jittäwiyä̧u̧.

San Juan 5:29

Ja̧'wa̧nü̧ ja̧'a̧ttü̧, adiu jȩpi̧nä̧tü̧'i̧nä̧, kkä̧kuä̧wä̧ i'ko ttu̧ju̧nä̧ra̧ pä'ü ttottächäkuotü; ja̧'wa̧ta̧nü̧ suronä̧ jȩpi̧nä̧tü̧'i̧nä̧, ro̧ȩkuä̧ usurä ttȩmä̧wa̧ pä'ü ttottächäkuotü.

San Lucas 14:14

Ja̧'wa̧nü̧ jȩ'kuo̧mȩnä̧ rü̧ȩnä̧ eseäkuäwä kkä̧kua̧'a̧ ukuru; juätümä̧ mikuä jȩttü̧ juiyünä̧ ja̧'a̧ttü̧ ja̧'wa̧nü̧ ja̧'a̧nä̧ adiu jȩpi̧nä̧tü̧ ttottächomȩnä̧, jua̧u̧nü̧ kuȩmä̧kua̧jä̧ jua̧u̧ mikuämä̧.

San Lucas 12:50

Ji̧yȩtȩ usurä ȩmä̧kuä̧wä̧nä̧ 'kuädopa pä'ü rekuä rü̧ja̧'a̧. ¡Jua̧u̧ 'kuäopomȩbü päi'ünä̧ cha̧ja̧wä̧rü̧nä̧ jä̧ku̧sä̧!

San Lucas 11:38

Ü̧'ä̧mä̧da̧'a̧ toomȩnä̧, u̧kuȩ ukuäkua'a ä'kanä̧ u̧mü̧ ütükäwoka'a jä̧ja̧'a̧ ji̧yä̧ku̧, isoo pä'ü amükuädinü̧ fariseo wa̧mä̧.

San Lucas 3:16

Jua̧u̧ topü Ju̧a̧-mä̧ päinä̧u̧: Ttümä̧, isopäi'ünä̧ ukuturumä̧ ajiyanä̧tä̧ bautizo jȩpü̧sä̧; ja̧'wa̧nü̧ ja̧'a̧nä̧, ttüttü'i̧nä̧ abonä̧nü̧ ujuru kku̧nä̧rü̧ ichü; jua̧u̧ ü̧jä̧pü̧ isäya isappä chejädü juiyü'anü̧ wa̧sä̧. Jua̧u̧tä̧tä̧ jä̧kua̧'a̧ ukuturu Epíritu Sa̧tu̧nä̧'i̧nä̧, okuränä̧'i̧nä̧ bautizo jȩä̧kuä̧mä̧.

San Marcos 7:8

Ukutumä̧, Dio weäwä wȩnȩmä̧ kä'ädi'ü, pärokuä pi̧jä̧ ttü̧ja̧ weäwätä ukuotätüjä̧.

San Marcos 7:4

Ja̧'wa̧ta̧nü̧, ttu̧kuȩ ȩmä̧wo̧mȩttü̧ ȩmü̧ 'chi̧'ü̧'kotü ppa̧ttä̧cho̧mȩnä̧mä̧, ttu̧mü̧ ttütükäwoka'amä̧ kuokotü pinä̧tü̧. Suro jua̧u̧tä̧mä̧kü̧ kkoro'i̧nä̧ jȩpi̧nä̧tü̧; vaso o̧'ta̧wi̧yä̧'i̧nä̧, 'kä̧nä̧ri o̧yu̧'i̧nä̧, kuoräu o̧'ta̧wi̧yä̧'i̧nä̧, camiyü̧'i̧nä̧ tükü iku kku̧ni̧pü̧tä̧ ttukuä'ija'a jä̧u̧.

San Mateo 3:14

Ja̧'wa̧nü̧ ja̧'a̧nä̧ Ju̧a̧-mä̧, jarodünü̧ päinä̧ku̧: —Ukutäjä̧ ttürü bautizo jȩ'ku̧'a̧nü̧ wa̧mä̧, ttürümä̧ wekuäu juiyü'anü̧ wa̧jä̧,

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

Hechos 13:3

Ja̧'wa̧nü̧ ja̧'a̧ttü̧, Dio-rü ttukuokuäji'i̧nä̧, ttu̧kuȩ tta̧do̧chä̧ji̧'i̧nä̧ kä'ädäkuäumä̧; ttu̧mü̧ mȩ'ü̧ Dio-rü ukuoku we'ü tti̧kui̧nä̧u̧.