Hebreos 6:12 - Nuevo Testamento Uwotjüja

¹² Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

TÄ̧DO Ä̧CUÄ̧ I̧HUȨNȨ

¹² Kö'cocotöjä cutähuätucuttumä. Dios adihuä juäi iya päinö Diosrö esetö ttami 'qui'ächi'önö ȩmö̧ jȩttö̧'a̧nö̧, ucutu'inä jȩcu̧'ä̧tu̧cua̧ pä'ätöjä.

Hebreos 6:12 Referans Kwoze

Hebreos 13:7

Amükuädätukui kuruwotü pató-tü̧, Dio i̧wȩnȩ jittäwinü̧mä̧; jȩpü̧ ttü̧jo̧mȩnä̧ tti̧rȩbȩwi̧na̧'a̧ttü̧ topü, tta̧'kua̧ ttu̧wȩnä̧ri̧nü̧'a̧kuä̧ ukutu'i̧nä̧ kua̧'kua̧ wȩnä̧rü̧ jȩpä̧tu̧kui̧.

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

1 Juan 2:25

Ja̧'wa̧nü̧ jo̧mȩttü̧, pi̧yȩ ja̧'a̧ ujuturu, chi̧yä̧kuä̧u̧jä̧ päinü̧mä̧: kkä̧kuä̧wä̧ i'ko.

Romanos 12:11

Kuaditätukua pä'ü jü̧mä̧, ü̧tä̧rü̧jo̧ka̧'a̧ aditätukui; eseunü̧tä̧ aditätukui, Tu̧ru̧wa̧ jäwämä̧.

Hebreos 5:11

Pi̧yȩ tü'kümä̧ rü̧ȩnä̧ jitäwa pä'ü ja̧'a̧nä̧, jiäkuäwänä̧ jeruwuö tü'kü ja̧'a̧, adiu kuä̧ju̧kuä̧tu̧kua̧ päkuätukuoka'attü̧.

2 Pedro 1:10

Ja̧'wa̧nü̧ ja̧'a̧ttü̧, chi̧jä̧wa̧tü̧, täkü Dio-mä̧ wopü pojopü ȩmi̧nä̧u̧jä̧ aditü 'kiyünä̧ kka̧kuä̧tu̧kui̧, ja̧'wa̧nü̧ jȩ'kuä̧tu̧ku̧ttü̧mä̧ yoriso ma̧'ä̧cho̧ko̧tü̧ kuäkuotüjä̧.

Santiago 1:3

Ja̧'wa̧ta̧nü̧ täkü wo̧juä̧tü̧jä̧ kua̧'kua̧ ku̧wȩnä̧rä̧tu̧ku̧nä̧ pi̧jä̧ jäwä kka̧kuä̧mȩ'ü̧ toomȩnä̧mä̧ usurä ȩmä̧u̧ ttujuruku tta̧mi̧ 'kiächi'äkuäwä pä'ümä̧.

Hebreos 12:1

Ja̧'wa̧nü̧ ji̧nü̧ta'anü̧, ujutu'i̧nä̧, tta̧'kua̧ wȩnä̧ri̧nä̧tü̧rü̧ rekuätürü tippeyänä tu̧ju̧nä̧ra̧'a̧ttü̧, o'kajuiyünä̧ tto̧ȩpä̧rü̧mä̧, suronä̧ jȩä̧kuä̧wä̧'i̧nä̧ kä'ädi'ü, joäkuäwämä̧, tujuruku ta̧mi̧ 'ki'ächi'ü jotätukua.

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Romanos 4:12

Ja̧'wa̧ta̧nü̧ Abraha̧-mä̧ circuncisión jȩpä̧kuä̧wo̧tü̧'i̧nä̧ ttä'o ja̧'a̧nä̧, jua̧u̧ ji̧nü̧ta'anü̧ circuncisión jȩpä̧kuä̧wo̧ko̧tü̧ tta'anä̧ tta̧'kua̧ wȩnä̧rä̧tü̧mä̧ ttä'o ja̧'a̧.

Romanos 2:7

Tturuwo, wa'ü ikuäwokü, ukuo jäwä Dio iyatü pä'ü tta̧'ä̧rü̧nü̧ adiwä juei jȩpü̧ kki̧nä̧tü̧rü̧mä̧, Dio-mä̧ kkä̧kuä̧wä̧ i̧yä̧kuä̧u̧.

Apocalipsis 13:10

«Kärenä̧ra̧'a̧ ttȩpä̧u̧ru̧mä̧, kärenä̧ra̧'a̧ ttȩpä̧kuä̧u̧; kurodiyänä̧ kuä'äu tti̧kuä̧u̧ru̧mä̧, kuä'äu ttikuäkuä̧u̧ Jua̧u̧ pä̧nä̧ jä̧kua̧'a̧, Dio i̧tti̧mü̧ tta̧mi̧ 'kittächi'ü'i̧nä̧, tta̧'kua̧ ttu̧wȩnä̧rü̧'i̧nä̧ i̧jȩkuä̧chä̧kua̧'a̧mä̧.»

Hebreos 11:33

Tta̧'kua̧ wȩnä̧rä̧tü̧mä̧, kkorotü tti̧rȩji̧yä'i̧nä̧ 'cho'ipinä̧tü̧, adiwäjuei'i̧nä̧ jȩpü̧ ppä'ädinä̧tü̧, Dio chi̧yä̧kua̧sä̧ päinü̧'i̧nä̧ ȩmi̧nä̧tü̧, jojochäyu̧tu̧ ttä'i̧nä̧ mü̧'ȩpi̧nä̧tü̧,

Hebreos 6:15

Ja̧'wa̧nü̧ ji̧nü̧ o'ka'a, a̧mi̧ 'ki'ächi'ü tta̧wä̧ri̧na̧'a̧mä̧, Abraha̧-mä̧ Dio iya päinü̧mä̧ iyinä̧ku̧.

2 Tesalonicenses 1:4

Ja̧'wa̧nü̧ ja̧'a̧ttü̧ ukutu kutü'kütukumä̧ Dio-rü esetinä̧tü̧rü̧mä̧ eseunu̧ ji'äwätüjä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧ wȩnȩtä̧ i̧jȩpä̧tü̧jä̧ kua̧mi̧ 'ki'ächi'ü kua̧'kua̧ wȩnä̧rü̧ ku̧ja̧kuä̧tu̧ku̧tä̧ suronä̧ jȩtta̧ pä'ü tta̧mü̧kuäda'anä̧'i̧nä̧, usurä kuȩmä̧wä̧tu̧kua̧'a̧nä̧'i̧nä̧.

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

San Mateo 22:32

Ttümä̧ Abraha̧'i̧nä̧, Isaa'i̧nä̧ ja̧'wa̧ta̧nü̧ Jaco'inä̧ ttü̧ä̧nä̧wa̧ Dio-sä? ¡Ja̧'wa̧nü̧ ja̧'a̧ttü̧ Dio-mä̧ wa'ü ikuinä̧tü̧ ttü̧ä̧nä̧wa̧mä̧kü̧ pärokua'aku a̧'kua̧rä̧tü̧tä̧ ttü̧ä̧nä̧wa̧ ja̧'a̧!

1 Tesalonicenses 1:3

Tä'o Dio ä'ka jo̧mȩ tukuokuomȩnä̧mä̧ amükuädätü̧jä̧, kua̧'kua̧ wȩnä̧rü̧ kuaditä'ijätuku'i̧nä̧, eseu kuaditä'ijätuku'i̧nä̧ ja̧'wa̧ta̧nü̧ 'kiyünä̧, Tu̧ru̧wa̧ Jesucrito surojüttü kki̧'ä̧kuä̧wä̧ i̧yä̧kuȩ tta̧kuä̧rä̧tu̧ku̧'i̧nä̧, jü̧nä̧.

San Lucas 16:22

Ja̧'wa̧nü̧ jä̧'i̧ja̧'a̧, usurä i̧sa̧ pä'ijümä̧ 'korupäi'äja'a, á̧gȩrȩ ttȩpi̧nä̧ku̧ Abraha̧ ippeyänä̧ pä̧mä̧dü̧ ukua pä'ü. Ja̧'wa̧ta̧nü̧ ru̧wa̧'i̧nä̧ 'korupäi'äja'a rȩjȩ 'turu ttikuinä̧ku̧.

San Mateo 25:26

Ja̧'wa̧nü̧ päiyäku, u̧ru̧wa̧mä̧ päinä̧ku̧: Ukumä̧ adikuä i̧sa̧ kua'anä̧, ü̧tä̧wa̧jä̧, su̧ro̧pa̧jä̧. Chaditokomȩ ji̧no̧mȩttü̧'i̧nä̧ u̧wä̧ju̧ jäekuä i̧sa̧ cha'amä̧ ja̧'wa̧ta̧nü̧ ririchokome ji̧no̧mȩttü̧'i̧nä̧ ka̧ka̧kuä̧ i̧sa̧ cha'amä̧ wo̧jui̧nü̧jä̧,