Hebreos 5:9 - Nuevo Testamento Uwotjüja

⁹ ja̧'wa̧nü̧ adiunä̧ jue'ekuächü, ra̧wä̧pi̧jü̧ttü̧ kki̧'ä̧kuä̧wä̧ ba'epü kku̧ni̧nü̧, o'katoi'ünä̧ jua̧u̧ru̧ esetü ukuotätürümä̧.

TÄ̧DO Ä̧CUÄ̧ I̧HUȨNȨ

⁹ Ja̧'hua̧nö̧ huo̧jui̧pö̧, yoröiso adihuä i̧sa̧ pä'i'inödo. Jitämä chutä kä̧cuä̧huä̧ i'co iyödo, o'ca toi'önä ja̧u̧ru̧ esetätörö.

Hebreos 5:9 Referans Kwoze

Hebreos 9:15

Ja̧'wa̧nü̧ ja̧'a̧ttü̧, Jesucrito-nä̧mä̧ jitä jareünä̧ esekuinü̧nä̧ dodepätüjä̧. Jua'amä̧ wa'arenä̧ 'korujuoächomȩnä̧ ä̧kuo̧mȩnä̧ esekuinü̧ jäwänä̧ kkä̧nü̧ suronä̧ jȩtti̧nü̧ttü̧mä̧ rä'epü ikuäu̧jä̧. Ja̧'wa̧nü̧tä̧ Dio woinä̧u̧mä̧ isopäi'ünä̧tä̧ ttȩmä̧kuo̧tü̧jä̧, i'ko iyatü päinü̧mä̧.

Hebreos 2:10

Isopäi'ünä̧ rekuä rü̧ji̧na̧'a̧ o'kajuiyünä̧ aditinü̧tä̧ ja̧'wa̧ta̧nü̧ o'kajuiyünä̧ a̧'kua̧rü̧nä̧ wa̧tä̧ i̧tti̧mü̧ rekuätürü Dio ä'ka jo̧mȩku̧ ȩpa̧ pä'ümä̧; surojüttü ttü̧ji̧pü̧nä̧ rä'epü ikuäwä u̧ru̧wa̧tä̧, usurä ȩmä̧wi̧nü̧nä̧tä̧ jo̧mȩnü̧ päi'ünä̧, surojüttü ttü̧ji̧pü̧nä̧ ppädina̧'a̧ttü̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

Hechos 5:32

Pi̧yȩ topinä̧tü̧mä̧ ujututäjä̧ ja̧'wa̧ta̧nü̧ Dio, churutä ukuotätürü iyinä̧ku̧ Epíritu Sa̧tu̧'i̧nä̧ wo̧jua̧.

1 Pedro 1:22

Jitä ukutumä̧ isopäi'ünä̧ wȩnȩ kukuotätukuomȩttü̧, kuawaruwärü kua̧'kua̧pü̧nü̧ kuesewätukua pä'ü tükü i̧kui̧nä̧u̧jä̧. Ja̧'wa̧nü̧ jo̧mȩttü̧ ukutumä̧ kkorotüku kua̧mi̧'iso'kituku surojü juiyünä̧, kujurutuku'i̧nä̧ o'kajuiyünä̧ kuesewätuku'anü̧ ja̧'a̧.

Hebreos 11:8

A̧'kua̧ u̧wȩnä̧ro̧mȩttü̧, Abraha̧-mä̧ Dio woäkumä̧ ukuotü, rä'opinü̧ kui̧rȩjä̧ chi̧yä̧kua̧jä̧ päjäkumä̧. Ja̧'wa̧nü̧ ja̧'a̧ttü̧ i̧rȩjä̧ttü̧mä̧ rä'opinü̧, ieruwa'a päte'ü.

2 Tesalonicenses 1:8

Ro̧ȩpa̧ pä'ü i̧chä̧kua̧, Dio-rü ttu̧wo̧jui̧pa̧ pä'okotürü, ja̧'wa̧ta̧nü̧ ukuotokotürü adiwäjuei wȩnȩ Tu̧ru̧wa̧ Jesucrito ütü'kü.

Romanos 2:8

Ja̧'wa̧nü̧ ja̧'a̧nä̧ jarodi'ü, tturuwonä̧ ukuo te'äkuäu, jueü wȩnȩ ukuotü jui'ü, suronä̧ jȩä̧kuä̧wä̧tä̧ ukuotätürümä̧ Dio-mä̧ rü̧ȩnä̧ ra̧wä̧rü̧ ro̧ȩpä̧kuä̧u̧.

Romanos 1:5

Ja̧'wa̧nü̧ ja̧'a̧ttü̧, jua̧u̧ Jesucrito-nä̧ re ü̧ja̧'a̧ttü̧ apótore päi'ünä̧ jȩi̧nä̧u̧jä̧; Jua̧u̧ru̧ esetü o'katoi'ünä̧ tta̧'kua̧ wȩnä̧rü̧ ttü̧ja̧ pä'ü.

2 Corintios 10:5

ttü̧ja̧ ttu̧wo̧juö̧'i̧nä̧, Dio-rü wo̧jui̧'ü̧ jui'ü rowäwäkuäwä'i̧nä̧ o'kajuiyütä si'epü iku, 'chu'ädü rütü yaboku 'chä̧tü̧jä̧ Crito-rü ukuotümä̧,

Romanos 15:18

Ja̧'wa̧nü̧ ja̧'a̧ttü̧ kkoromä̧ chukuokuoka'a, Crito ttünä̧ judío pokotürü, Dio-rü ttukuotächünä̧ jidäwa pä'ü jȩi̧nü̧tä̧ ji'äusä. Jua̧u̧mä̧ chi̧wȩnȩnä̧'i̧nä̧, tottünä̧'i̧nä̧ jȩpä'ijüsä.

2 Timoteo 2:10

Ja̧'wa̧nü̧ jo̧mȩttü̧ o'kajuiyünä̧ usurä chȩmä̧u̧nä̧ Dio pojopü ȩmi̧nä̧u̧rü̧ adiwomȩnä̧ cha̧mi̧ 'ki'ächi'üsä, juätü'i̧nä̧ surojüttü kki̧'i̧kuä̧ra̧'a̧ rȩbȩu̧ Crito-nä̧ kkä̧kuä̧wä̧ i'ko ttȩmä̧kua̧'a̧nü̧.

Romanos 10:16

Ja̧'wa̧nü̧ ja̧'a̧nä̧, o'katoi'ünä̧mä̧ esetokotü pinä̧tü̧ jareü wȩnȩmä̧; Isaía-mä̧ pä'inü̧: Chu̧ru̧wa̧ ¿Ditäjä̧ttü̧ jitäu esetäkua̧mä̧?

Romanos 6:17

Ja̧'wa̧nü̧ ja̧'a̧nä̧ Dio-rü esewätüjä̧, ä'kojimä̧ surojü jȩä̧kuä̧wä̧tä̧ umüwäyotü kuinä̧tu̧kua̧'a̧mä̧, kua̧mi̧'iso'kituku o'kajuiyünä̧ kukuotätukua'attü̧, kkä̧kuä̧wä̧ kuesetinä̧tu̧ku̧nä̧.

Hebreos 2:3

Rü̧ȩnä̧ jü̧ ra̧wä̧pi̧jü̧ttü̧ kki̧'i̧kuä̧'i̧nä̧ ja̧'a̧tä̧ tota'amä̧ ¿toku tü̧ja̧kui̧'ä̧kua̧'a̧jä̧ttü̧? Jua̧u̧mä̧ Chutä Tu̧ru̧wa̧ jiäwinü̧ o'ka'a, Jua̧u̧ru̧ ä̧ju̧kui̧nä̧tü̧'i̧nä̧ ji'äwinä̧tü̧.

San Juan 19:30

Bettepäku, vino isoya a̧'toya au kä'ädü pä'inü̧: —O'kajuiyünä̧tä̧ jo̧mȩnü̧ päia'a. Pä'ü kä'ädü, U ja̧rȩyu̧nu̧ pä'i'ü, a̧'kua̧ru̧wa̧rü̧ iyü 'korupä'i'inü̧.

San Mateo 17:5

Peduru-mä̧ ji̧nä̧ ukuoku ü̧ja̧'a̧nä̧, ajiya isoppa kkȩdȩpoppa juätü ttu̧wä̧mȩ jo̧mȩ mȩyȩwi̧a̧'a̧ttü̧, juoppattü ya̧tȩ i̧wȩnȩ rȩmi̧pi̧na̧'a̧: «Pidemä̧ ttü chi̧tti̧ rü̧ȩnä̧ eseu repedäku: Jua̧u̧ru̧mä̧ ä̧ju̧kuä̧tu̧kui̧», jü̧nä̧.

Judas 1:21

Dio eseu repeünä̧ kua̧'kua̧ wȩnä̧rü̧ kkä̧nü̧ tu̧ru̧wa̧ Jesucrito re ü̧jü̧nä̧ kkä̧kuä̧wä̧ i'ko i̧yä̧kuȩ päinü̧ mo̧ro̧ tta̧'a̧rä̧tu̧kui̧.

1 Juan 5:20

Ja̧'wa̧ta̧nü̧ wo̧juä̧tü̧jä̧ Dio I̧tti̧ ichinü̧'ka̧, ji̧nä̧so Chutä Dio-rü jo̧mȩnü̧ tu̧wo̧jua̧ pä'ü u̧wo̧juȩti̧na̧'a̧mä̧. Ujutumä̧ I̧tti̧ Jesucrito-nä̧ ji̧nä̧ ji̧yȩtȩ wotüjä̧; jua̧u̧tä̧ ja̧'a̧ ji̧nä̧so Chutä Dio-mä̧, jua̧u̧nä̧ kka̧'a̧ kkä̧kuä̧wä̧ i'komä̧.

Hebreos 11:40

jua'amä̧ Dio-mä̧, abonä̧nü̧ adiwä juei ujuturu iya pä'ü jȩpü̧ u̧ju̧ni̧na̧'a̧ttü̧, ujututäkutä yo̧mȩtȩnä̧ surojü jui'ätü päi'ünä̧ jo̧mȩnü̧tä̧ jȩa̧tü̧ pä'ü.

2 Tesalonicenses 2:16

Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,

Hechos 3:15

Ja̧'wa̧nü̧ jȩpü̧, tta̧'kua̧rü̧ iyäwä i̧sa̧rü̧mä̧ kuä'ü ikuinä̧tü̧jä̧ ja̧'wa̧nü̧ ja̧'a̧nä̧ Dio-mä̧ wa'arettü ttoädinä̧ku̧ ja̧'wa̧nü̧ 'kuäopa'a topinä̧tü̧mä̧ ujutujä̧.

San Lucas 13:32

Pättäku Jesú-mä̧ ädätinä̧u̧: Jua̧u̧ awarirümä̧ ji'äwäjätukui: —Jitä mo̧ro̧'i̧nä̧, yo̧i̧mo̧ro̧'i̧nä̧ epíritu-tu̧ suropätürü rä'epe'ü iku kkä̧nü̧, na̧nȩpä̧tü̧rü̧'i̧nä̧ aditü ikusä, ja̧'wa̧nü̧ ja̧'a̧nä̧ wäbodäkuä mo̧ro̧ päi'omȩnä̧ kädädäkua̧sä̧.

Hechos 4:12

Ya̧tȩtä̧ Jesú-tä ja̧'a̧ surojüttü kki̧'ä̧kuä̧wä̧ ujuru kku̧nä̧rü̧mä̧; pi̧jä̧ra̧'a̧ mo̧ro̧jä̧ra̧'a̧ttü̧ weinä̧ku̧ kka̧ra̧mä̧ toa'a; Jua̧u̧tä̧tä̧ ja̧'a̧ i̧mi̧nä̧ ra̧wä̧pi̧jü̧ttü̧ ttü̧ja̧ kki̧'ä̧kuä̧wa̧mä̧.

Filipenses 2:12

Ja̧'wa̧nü̧ ja̧'a̧ttü̧, chawaruwä chi̧jä̧wa̧tü̧ 'kuäopünä̧ kukuotä'ijätukuta'anü̧ ukuotätukui, suro ttü ukutuku chü̧jo̧mȩnä̧tä̧mä̧kü̧, ttü otó chü̧jo̧mȩnä̧'i̧nä̧. Ye'ekunü̧, ukuotü aditätukui ra̧wä̧pi̧jü̧ttü̧ kki̧'ä̧kuä̧wä̧ ku̧ji̧pä̧tu̧kuä̧kuȩnä̧mä̧;

Hebreos 1:14

Isopäi'ünä̧ A̧gȩrȩ-mä̧ o'katoi'ünä̧tä̧ Dio umüwäyotü uwäpokotü ja̧'a̧, surojü ra̧wä̧pi̧jü̧ttü̧ kki̧'ä̧tü̧ o'katoi'ünä̧rü̧ ppättäda pä'ü Dio wȩä̧u̧.

Hebreos 9:28

Ja̧'wa̧ta̧nü̧ Crito'i̧nä̧ ya'utenä̧tä̧ usurä ȩmä̧u̧ iyäwinü̧, rekuätü suronä̧ jȩttü̧ jȩpü̧ ikua pä'ümä̧. Juȩnȩ o'komȩnä̧mä̧ i̧chä̧kua̧, täkü surojü jȩpü̧ ikumä̧kü̧, Churutä tta̧'a̧rä̧tü̧rü̧ rä'epü iku ichütä.