Hebreos 5:5 - Nuevo Testamento Uwotjüja

⁵ Ja̧'wa̧nü̧ ji̧nü̧ta'anü̧, Crito'i̧nä̧, a̧mü̧nä̧ pa̧ja̧tü̧mä̧ sacerdote-tü̧ ttu̧ru̧wa̧ päi'ünä̧mä̧ rütäwokü pinü̧, suro Chutä, Dio-tä iyinä̧ku̧, jua̧u̧ uruwomä̧, pa̧'a̧nü̧ pä'ü: «Ukumä̧ chi̧tti̧jä̧; pi̧yȩ mo̧ro̧ chuwäbe'äkujä̧.»

TÄ̧DO Ä̧CUÄ̧ I̧HUȨNȨ

⁵ Ja̧'hua̧ta̧nö̧ 'cuäopa'a Cristorö'inä. Chutä amöcuädömä sacerdote ru̧hua̧ päi'önä ku̧nä̧huo̧cö̧ pi̧nö̧. Dios hueinäcu ja̧'hua̧nö̧ ö̧ja̧ pä'ö i̧huȩnȩ päinö ta'anö: Ucutä ttö chi̧tti̧jä̧. Jitä mo̧ro̧ ttömä ucu cuä'osä.

Hebreos 5:5 Referans Kwoze

San Juan 8:54

Jesú ädätinä̧u̧: —Ttütä cha̧mü̧nä̧ churuwo chi̧jȩku̧ttü̧mä̧, ttü churuwomä̧ mikuäwokü ja̧'a̧; ja̧'wa̧nü̧ ja̧'a̧nä̧, ttürü churuwo jȩpü̧mä̧ Chä'o ja̧'a̧, jua̧u̧tä̧ ukutu chä'o Dio päkuätukuäku.

Hebreos 1:5

Isopäi'ünä̧, Dio jua̧u̧ru̧ päinü̧'a̧nü̧ á̧gȩrȩ-ttü̧ päinä̧ku̧mä̧ ¿Ditä jä̧ttü̧?, Jua̧u̧ru̧mä̧ pä'inü̧: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.» Ja̧'wa̧nü̧ pä'ü kkä̧nü̧ päinä̧ku̧: «Ttümä̧, jua̧u̧mä̧ Jä'o chä̧kua̧sä̧, ja̧'wa̧ta̧nü̧ jua̧u̧mä̧ ttü chi̧tti̧ jä̧kua̧», jü̧nä̧.

San Juan 7:18

Ya̧tȩ chutä a̧mü̧nä̧ pa̧ja̧tü̧ amükuädäkuäu ukuokumä̧, churutä tesewarü pä'ü usú ja̧'wa̧nü̧ ja̧'a̧nä̧, churutä we'inü̧rü̧ ttesewiyarü pä'ü usomȩnä̧mä̧, jueü wȩnȩtä̧ ukuoku, surojü jui'attü.

Hechos 13:33

jua̧u̧ ji̧nü̧mä̧, ujutu tti̧tti̧mü̧ o'kotürü iyinü̧. Ja̧'wa̧nü̧ jȩpü̧mä̧, Jesú-ru tto'ädinü̧, salmo-ttü̧ capíturu 2-nä̧ pa̧'a̧nü̧ pä'ijü'akuä: «Ukumä̧ ttü chi̧tti̧jä̧; jitä mo̧ro̧ chuwäbe'äkujä̧.»

Romanos 8:3

Isopäi'ünä̧ weäwä wȩnȩnä̧mä̧ weyekuina̧'a̧, ttü̧ja̧ ta̧mi̧ 'kuättomȩttü̧ ja̧'wa̧nü̧ ji̧yä̧ku̧ Dio-mä̧, Chutä I̧tti̧rü̧ we'inü̧ ujutu jü̧ta̧'a̧nü̧ idepänä̧ kkü̧rü̧, ja̧'wa̧nü̧ ja̧'a̧ttü̧ jua̧u̧nä̧tä̧ kkä̧nü̧ ukuotäkuäwokü weä'ijümä̧ usurä ȩmä̧u̧nä̧ ro̧'ȩpü̧ üta pä'ü amükuädinü̧.

Hebreos 1:1

Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

San Juan 3:16

Isopäi'ünä̧ Dio-mä̧ pi̧jä̧ ttü̧ja̧rü̧ rü̧ȩnä̧ repea'attü̧; Ttü i̧tti̧ chu̧'ä̧kua̧rü̧ iyinä̧u̧jä̧. O'katoi'ünä̧ Ttürü esetätümä̧ 'korujuottächü juiyäkua'anü̧; pärokuä kkä̧kuä̧wä̧ i'kotä ttu̧ju̧nä̧rä̧kua̧'a̧nü̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 5:10

Ja̧'wa̧nü̧ jo̧mȩnä̧ Dio-mä̧ sacerdote-tü̧ ttu̧ru̧wa̧ päi'ünä̧ jȩi̧nä̧ku̧, Mequisede-rü ji̧nü̧ta'anü̧.