Hebreos 5:12 - Nuevo Testamento Uwotjüja

¹² Jua'amä̧, täkü wo̧juȩkuä̧ isotü kuajatukua'anä̧, rekuo mo̧ro̧ 'kuäopina̧'a̧nä̧, rekuä rü̧jä̧u̧jä̧ ä̧kuo̧mȩnä̧ jäwä, Dio i̧wȩnȩ ttu̧wo̧juȩtä̧tu̧kua̧ku̧ pä'ütä; 'kiyümä̧ kukuätuku juiyünä̧tä̧, rechi kuawätukua pä'ütä juiyupächinä̧tü̧jä̧.

TÄ̧DO Ä̧CUÄ̧ I̧HUȨNȨ

¹² Recuo cuesetinätucua'attö, huo̧juȩcuä̧ ttö̧ja̧ cu'ätucu'a̧nö̧ ja̧'a̧. Ja̧'hua̧nö̧ ja̧'a̧nä̧ Dios i̧huȩnȩ äcuomenä cuä̧ju̧cui̧nä̧tu̧cu̧ huȩnȩ, pä'äji ta'anö jittähua'a jä̧u̧jä̧. Cuijuiyuhuätucua'attö, lechetä ahuätöjä. Adihuä juäi cuäcuähuämä ji̧nä̧ cuocotöjä.

Hebreos 5:12 Referans Kwoze

Hebreos 6:1

Ja̧'wa̧nü̧ ja̧'a̧ttü̧, ä̧kuo̧mȩnä̧ Crito ütü'kü ku̧wo̧jui̧'i̧nä̧tu̧ku̧mä̧ pporädo'ü kku̧nu̧, yabokutä adiwä jueinä̧ jo̧mȩnü̧ juokuätukunä̧ päi'ünä̧ ti̧'chä̧tu̧kua̧; pä'äji ji̧nü̧ta'anü̧mä̧, ppa̧'a̧dü̧mä̧ surojüttü räopächäkuäwämä̧, Dio-rü tta̧'kua̧ wȩnä̧rä̧kuä̧wä̧mä̧ kukuokuätukuä, wa'ü tiku juiyäkua'anü̧, täkü jua̧u̧mä̧ kukuokuätukuä, jua'amä̧ yabonü̧ Dio-rümä̧ ta̧'kua̧ tu̧wȩnä̧ra̧'a̧ttü̧,

1 Pedro 2:2

Ji̧'chi̧cha̧wa̧ jareünä̧ uwäpächü atate isoya päkuoya pä̧wä̧rü̧jü̧nä̧ usa'a jä̧'i̧nü̧'a̧nü̧ Epíritu jäwä usätukui, ja̧u̧nä̧tä̧ büó juokuätukuomȩnä̧ ra̧wä̧pi̧jü̧ttü̧ kki̧'i̧kuä̧mä̧ ku̧ju̧nä̧rä̧tu̧kua̧,

Hebreos 5:13

Ja̧'wa̧nü̧ ja̧'a̧ttü̧, rechi aumä̧ adiwä kkä̧kuä̧wä̧ wȩnȩ jȩru̧pa̧, jua'amä̧ ji̧'ki̧cha̧wa̧ ja̧'a̧ttü̧.

Colosenses 3:16

Adiwäjuei Crito u̧wo̧juȩti̧nü̧mä̧ ku̧ni̧chi'ätukuä. Yotukunä̧ wo̧juȩtü̧'i̧nä̧, ro̧'ȩku̧'i̧nä̧ jȩ'kuä̧tu̧kuo̧mȩnä̧mä̧, wo̧juȩku̧nä̧ jȩpä̧tu̧kui̧. Dio-rü eseu ra̧'ä̧tu̧kui̧ kua̧mi̧'iso'kitukunä̧, salmos'i̧nä̧, ra̧wä̧wä̧ otoü'i̧nä̧, epíritu-nä̧ ra̧wä̧wä̧'i̧nä̧, jü̧nä̧.

San Mateo 17:17

Päku, Jesú-mä̧ ädätinü̧: —¡Isoo ukutumä̧ esetokotü, suropätü ttü̧ja̧jä̧! ¿Ti̧yȩnü̧bü päi'ünä̧ ukutukumä̧ chü̧jä̧kua̧'a̧jä̧ttü̧? ¿Ti̧yȩnü̧bütä kuesetätukuoka'amä̧ cha̧mi̧'kidächi'äkua'ajä̧ttü̧? Poku i'chächirü.

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.

1 Corintios 14:19

Ja̧'wa̧nü̧ ja̧'a̧nä̧, igresia-nä̧mä̧ ji̧mü̧tȩ jäwätä chukuokua pä'üsä, wäjuönä̧ cha̧ju̧ku̧tä̧, diez mil-nü̧ jo̧mȩnä̧ chi̧wȩnȩmä̧ pädaja pä'ü'i̧nä̧, ttieruwa'attü̧.

Romanos 3:2

O'kajuiyünä̧tä̧ pa̧ja̧kuä̧chü̧nä̧. Ä̧kuo̧mȩnä̧mä̧, isopäi'ünä̧ Dio i̧wȩnȩmä̧, judío-rü iyäwi'ina̧'a̧.

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

San Marcos 9:19

Ja̧'wa̧nü̧ päku, Jesú-mä̧ ädätinü̧: —¡Tta̧'kua̧ wȩnä̧rä̧kuä̧wä̧ jui'ätü ttü̧ja̧jä̧! ¿Ti̧yȩnü̧bü päi'ünä̧ ukutumä̧ chü̧jä̧kua̧'a̧jä̧ttü̧? ¿Ti̧yȩnü̧bü ukuturumä̧ cha̧mi̧ 'kidächi'äkua'ajä̧ttü̧? poku i'kächirü.

Filipenses 3:1

Chawaruwä chi̧jä̧wa̧tü̧, kkoro päi'ünä̧mä̧, Tu̧ru̧wa̧nä̧ eseäkuäu ku̧jä̧tu̧kua̧ pä'üsä. Ukuturu chi̧wȩyu̧ti̧nü̧ pä'äjita'anü̧ chi̧wȩyu̧ta̧ pä'ü'i̧nä̧ ü̧tä̧ri̧jo̧ko̧ku̧sä̧, jua̧u̧mä̧ ukuturu ppädü ja̧'a̧ttü̧.

1 Corintios 14:20

Chawaruwä chi̧jä̧wa̧tü̧, ppo̧'ä̧tü̧ jä̧'i̧nü̧'a̧nü̧ amükuädätukui surojünä̧mä̧; ja̧'wa̧nü̧ ja̧'a̧nä̧ kuamükuädätukunä̧mä̧ tä̧mü̧ 'kua̧rü̧nä̧ amükuädätukui.

Gálatas 4:3

Ja̧'wa̧nü̧ jü̧ta̧'a̧nü̧ 'kuäopa'a ujuturu'i̧nä̧: ji̧nä̧ ta̧'u̧kuä̧i̧mä̧, pi̧jä̧nä̧ weünä̧tä̧ kka̧kui̧nä̧tü̧jä̧.

Hebreos 5:11

Pi̧yȩ tü'kümä̧ rü̧ȩnä̧ jitäwa pä'ü ja̧'a̧nä̧, jiäkuäwänä̧ jeruwuö tü'kü ja̧'a̧, adiu kuä̧ju̧kuä̧tu̧kua̧ päkuätukuoka'attü̧.

Hebreos 10:32

Ja̧'wa̧nü̧ ja̧'a̧nä̧, ukutumä̧ amükuädätukui ji̧yȩnü̧ mo̧ro̧, tȩya̧u̧ ȩmä̧jä̧'kotümä̧ rü̧ȩnä̧ usurä kuȩmä̧wä̧tu̧kua̧'a̧nä̧ kujuruku 'kuä'opinä̧tü̧jä̧.