Hebreos 5:10 - Nuevo Testamento Uwotjüja

¹⁰ Ja̧'wa̧nü̧ jo̧mȩnä̧ Dio-mä̧ sacerdote-tü̧ ttu̧ru̧wa̧ päi'ünä̧ jȩi̧nä̧ku̧, Mequisede-rü ji̧nü̧ta'anü̧.

TÄ̧DO Ä̧CUÄ̧ I̧HUȨNȨ

¹⁰ Ja̧'hua̧ta̧nö̧ Dios hueinäcudo sacerdote hua̧ päi'önä ö̧ja̧ pä'ö, Melquisedec ö̧ji̧nö̧ ta'anö.

Hebreos 5:10 Referans Kwoze

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 5:11

Pi̧yȩ tü'kümä̧ rü̧ȩnä̧ jitäwa pä'ü ja̧'a̧nä̧, jiäkuäwänä̧ jeruwuö tü'kü ja̧'a̧, adiu kuä̧ju̧kuä̧tu̧kua̧ päkuätukuoka'attü̧.