Hebreos 5:1 - Nuevo Testamento Uwotjüja

¹ O'katoi'ünä̧ sacerdote-tü̧ tturuwotümä̧ ttü̧ja̧ ttü̧'kä̧tȩttü̧ pojopü ȩmä̧wo̧tü̧ ja̧'a̧, Dio ä'ka jo̧mȩ ttü̧ja̧ tti̧mi̧nä̧ ttukuokua pä'ü ja̧'wa̧ta̧nü̧ ofrenda jȩtta̧ pä'ü'i̧nä̧, suronä̧ jȩttä̧'i̧ja̧'a̧ sacrificio pättü jȩtta̧ pä'ü'i̧nä̧, jü̧nä̧.

TÄ̧DO Ä̧CUÄ̧ I̧HUȨNȨ

¹ Pi̧jä̧ttö̧ sacerdote ru̧hua̧mä̧, pi̧jä̧ ttö̧ja̧ttö̧ pojopö topö ku̧nä̧hua̧, Diosrö jä'epö ucuocua pä'ö, Dios pi̧jä̧ ttö̧ja̧rö̧ ppäda pä'ö. Ja̧'hua̧ta̧nö̧ pi̧jä̧ ttö̧ja̧ suronä jȩtto̧mȩnä̧, sacrificios jȩpö̧ Diosrö jä'epö ucuocu.

Hebreos 5:1 Referans Kwoze

Hebreos 8:3

O'katoi'ünä̧ pi̧jä̧ttü̧ sacerdote-tü̧ tturuwotü päi'ünä̧ kku̧nä̧wo̧tü̧mä̧ eseu ttiya pä'ü ja̧'wa̧ta̧nü̧ ttü̧ja̧ suronä̧ jȩtta̧'a̧ mikuäwächü sacrificio'i̧nä̧ jȩpi̧nä̧tü̧ ja̧'wa̧nü̧ ji̧na̧'a̧ttü̧ Jesucrito'i̧nä̧ ji̧yȩtȩ Dio-rü iya pä'ü ja̧'a̧.

Hebreos 10:11

Isopäi'ünä̧ sacerdote-tü̧ judío-mä̧ mo̧ro̧ ji̧nü̧ a̧'u̧kuä̧ sacrificio pättü jȩpi̧nä̧tü̧, suronä̧ jȩttü̧mä̧ jȩpü̧ ikuokü ja̧'a̧nä̧.

Hebreos 11:4

A̧'kua̧ u̧wȩnä̧ro̧mȩttü̧, Abel-mä̧ Caín iyinü̧ttü̧'i̧nä̧ abonä̧nü̧ adiu sacrificio pättü Dio-rü iyinü ja̧'wa̧nü̧ jȩo̧mȩttü̧ Dio-mä̧ üäre ofrenda eseu ȩmi̧ni̧yä̧ku̧, churutämä̧ surojü jui̧'a̧ jü̧nä̧tä̧ jȩpü̧ iku; ja̧'wa̧nü̧ ja̧'a̧ttü̧ Abelmä̧ 'korujuoächina̧'a̧nä̧'i̧nä̧, jitä'i̧nä̧ jua̧u̧ jȩi̧nü̧nä̧tä̧ tu̧wo̧jui̧pü̧nä̧ ukuokuä̧u̧jä̧.

Hebreos 9:9

Ja̧'wa̧nü̧ ja̧'a̧ jua̧u̧mä̧ jitä mo̧ro̧ wȩnȩkuä̧cha̧ pä'ütä ji̧na̧'a̧; ja̧'wa̧nü̧ jȩpü̧ ofrenda pättü'i̧nä̧, sacrificio pättü'i̧nä̧ iyinä̧tü̧ ja̧'wa̧nü̧ ja̧'a̧nä̧ tta̧mü̧kuädü jakuänämä̧ aditü ikuokü ji̧na̧'a̧ ja̧'wa̧nü̧ jȩpü̧tä̧ Dio-rü esewätürümä̧.

Hebreos 7:27

Pide sacerdote-mä̧ rekuä rü̧jo̧ko̧ku̧, sacerdote-tü̧ tturuwotü ji̧nü̧'a̧nü̧ mo̧ro̧ ji̧nü̧ a̧kuä̧, tta̧mü̧nä̧ suronä̧ jȩttä̧'i̧ja̧'a̧ mikuäwächünä̧ sacrificio pättü jȩpä̧kuä̧wi̧'ü̧'ka̧, juȩnȩ o'komȩnä̧ ttü̧ja̧ suronä̧ jȩttä̧'i̧jü̧ mikuäwächünä̧ sacrificio jȩa̧ pä'ümä̧; Jesú-mä̧ ya'utenä̧tä̧ jȩpi̧nü̧, sacrificio-mä̧ 'kuäopünä̧tä̧ mikuäunä̧, a̧mü̧nä̧ pa̧ja̧tü̧ iyäkuäwomȩnä̧mä̧.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Romanos 15:17

Jesucrito ttürü Dio aditäwä chaditünä̧ jȩi̧nü̧mä̧ juiyo eseusä.

1 Corintios 15:3

Ä̧kuo̧mȩnä̧mä̧, ttü chȩmi̧nü̧'a̧kuä̧tä̧, chu̧wo̧juȩtinä̧u̧jä̧: Crito-mä̧ 'korujuo'ächinü̧, ujutu suronä̧ jȩtä̧'i̧jü̧ mikuäwächünä̧ pä'ü, wȩyu̧kuä̧ wȩnȩ päü'a̧kuä̧;

Hebreos 8:4

Ja̧'wa̧nü̧ ja̧'a̧ttü̧, pi̧jä̧nä̧tä̧ ü̧ji̧nü̧ttü̧mä̧ sacerdote jü̧ juiyü'anü̧ ja̧'a̧, täkü sacerdote-tü̧ Moisé weäwä wȩnȩnä̧ wea'aku ofrenda iyü jȩpä̧tü̧ ttü̧ja̧kua̧'a̧ttü̧.

Hebreos 10:12

Ja̧'wa̧nü̧ ji̧na̧'a̧nä̧, Jesucrito-mä̧, suronä̧ jȩttä̧'i̧jü̧ jȩpü̧ ikunä̧mä̧, suro ya'utenä̧tä̧ jȩpi̧nü̧, sacrificio pättümä̧ 'kuäopünä̧tä̧ mikuäunä̧; ja̧'wa̧nü̧ jȩpü̧ Dio u̧wo̧jua̧'a̧ku̧nä̧ pä̧mä̧di̧nü̧.