Hebreos 4:16 - Nuevo Testamento Uwotjüja

¹⁶ Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.

TÄ̧DO Ä̧CUÄ̧ I̧HUȨNȨ

¹⁶ Ja̧'hua̧nö̧ ja̧'a̧ttö̧ adihuä Dios ö̧jo̧mȩ, eseunu tötö'cöhuächö'a̧nö̧ ja̧'a̧, ja̧u̧ re rö̧jö̧nä̧ toäcua'a̧nö̧ ujuturu. Ja̧'hua̧ta̧nö̧ ujuturu suronä 'cuäopomenä, adiu ppädäcua'a̧nö̧.

Hebreos 4:16 Referans Kwoze

Efesios 3:12

Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.

Hebreos 7:25

Ja̧'wa̧nü̧ ja̧'a̧ttü̧, jua̧u̧nä̧tä̧ Dio-rü tü'küpächätürümä̧ surojüttü ttü̧ji̧pü̧nä̧ ppä'ädü, 'kuäopünä̧tä̧ kkä̧nü̧, juätürü ppädünä̧, Dio-rü jäepa'attü.

Hebreos 13:6

Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧nü̧ pä'ätüjä̧: «Chu̧ru̧wa̧mä̧ ttürü ppä'ädü; ja̧'wa̧nü̧ ja̧'a̧ttü̧ ye'ekuoküsä. Ttü̧ja̧sa̧ jȩa̧ päümä̧», jü̧nä̧.

1 Pedro 2:10

Ä'kojimä̧ yoriso ukutumä̧ awaruwä jü̧nä̧mä̧ wokotü pinä̧tü̧jä̧, ja̧'wa̧nü̧ ja̧'a̧nä̧ jitämä̧ Dio a̧wa̧ru̧wä̧jä̧; ä'kojimä̧ Dio rȩrü̧jü̧ tooko̧u̧ pinä̧tü̧jä̧, ja̧'wa̧nü̧ ja̧'a̧nä̧ jitämä̧ rȩrü̧jü̧ to̧ä̧u̧jä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

Hebreos 7:19

Isopäi'ünä̧ Moisé weäwä wȩnȩnä̧mä̧ ya̧tȩrü̧'i̧nä̧ jo̧mȩnü̧ juoächünä̧ ppädokü ji̧na̧'a̧, jitämä̧, jareünä̧ adiwä juei tta̧'kua̧ wȩnä̧rä̧kuä̧wä̧ tta̧'a̧rä̧tü̧jä̧, jitämä̧ jua̧u̧nä̧tä̧ Dio-rü tü'küpächätüjä̧.

Hebreos 9:5

Ji̧nä̧so ji̧ka̧tä̧ wä̧mȩmä̧ kki̧na̧'a̧: Ttujuabiyä kkä̧u̧, juo̧ka̧ tta̧'a̧rä̧tü̧ «Querubines» pä̧ttä̧u̧, Dio ü̧ja̧'a̧ wȩnȩkuä̧chü̧nä̧ kka̧kuä̧tü̧. Ja̧'wa̧nü̧ ja̧'a̧nä̧, jua̧u̧ o'kajuiyünä̧ jua̧u̧ tukuokua pä'ümä̧ juiya'a jitämä̧.

Hebreos 3:6

Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.