Hebreos 4:14 - Nuevo Testamento Uwotjüja

¹⁴ Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

TÄ̧DO Ä̧CUÄ̧ I̧HUȨNȨ

¹⁴ Jesús, Dios I̧tti̧, do'ächinödo Dios ö̧jo̧mȩ. Ja̧u̧ ji̧nä̧ isocu sacerdote ru̧hua̧ päi'önä kö̧do ujuturu. Ja̧'hua̧nö̧ ja̧'a̧ttö̧ adiunätä esetö tö̧jö̧'a̧nö̧ huotöjä.

Hebreos 4:14 Referans Kwoze

Hebreos 9:24

Isopäi'ünä̧ Crito-mä̧, Dio-rü ukuokuäkuäwode pi̧jä̧ ttü̧ja̧ adikuode, mo̧ro̧jä̧ttü̧ a̧'kua̧juä̧ kkodenä̧mä̧ do'ächokü pinü̧, ji̧nä̧so yodenä̧tä̧ mo̧ro̧jä̧ isodenä̧, Dio ä'ka jo̧mȩ ujutu jäwänä̧mä̧ do'ächinü̧.

Hebreos 12:2

Jesú-ru to̧pä̧rü̧tä̧ jotätukua, jua̧u̧tä̧ ja̧'a̧ tta̧'kua̧ wȩnä̧rä̧kuä̧wä̧ kkada'kamä̧, jo̧mȩnü̧ kä'ädinü̧mä̧. Jua̧u̧tä̧ ja̧'a̧ eseäkuäwätä ä'ka ja̧'a̧nä̧ kku̧nä̧wi̧'ü̧, ü̧jo̧kä̧nü̧ jäinä̧ usurä ȩmä̧wi̧'i̧pü̧, suronä̧ jȩttü̧ yekuoka'attü̧ Dio uruwo deäkä u̧wo̧jua̧'a̧ku̧nä̧ pä̧mä̧di̧nü̧mä̧.

Hebreos 10:23

Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.

Hebreos 9:12

Ja̧'wa̧ta̧nü̧ cabrío pä̧ttä̧u̧, pä̧kä̧yü̧ ppo̧'ä̧tü̧ ttukuoja'i̧nä̧ ttȩpa̧jü̧ jueimä̧ Chutä a̧mü̧nä̧ pa̧ja̧tü̧ ukuoja ȩpi̧nü̧, I̧so̧ka̧ Rü̧ȩnä̧ Ro̧ka̧nä̧, ya'utenä̧tä̧ do'ächinü̧ 'kuäopünä̧tä̧ mikuäwa pä'ü, surojü mikuäwächünä̧ mitäu kä'ädäji̧'ka̧mä̧.

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

Efesios 4:10

Jua̧u̧ mȩyȩwi̧nü̧mä̧, jua̧u̧tä̧ ja̧'a̧ mo̧ro̧jä̧ttü̧ o'kajuiyünä̧ wä̧mȩnä̧ 'cha'ächi'inü̧mä̧, o'kajuiyünä̧ su̧'pȩnü̧ päi'ünä̧ jȩa̧ pä'ü.

Romanos 8:34

¿Ditä jä̧kua̧'a̧jä̧ttü̧ ubara ttuttunä̧ ro̧ȩpä̧kua̧mä̧? Crito ya̧tȩtä̧ ja̧'a̧ 'korujuo'ächinü̧'ka̧, tto'ächinü̧mä̧ ja̧'wa̧ta̧nü̧ Dio u̧wo̧jua̧'a̧ku̧nä̧ pä̧nü̧, ujutu tütü'kü ppä'ädü jä'epümä̧ 'kuäopünä̧.

Hebreos 3:14

Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.

Hebreos 2:17

Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

Hebreos 10:12

Ja̧'wa̧nü̧ ji̧na̧'a̧nä̧, Jesucrito-mä̧, suronä̧ jȩttä̧'i̧jü̧ jȩpü̧ ikunä̧mä̧, suro ya'utenä̧tä̧ jȩpi̧nü̧, sacrificio pättümä̧ 'kuäopünä̧tä̧ mikuäunä̧; ja̧'wa̧nü̧ jȩpü̧ Dio u̧wo̧jua̧'a̧ku̧nä̧ pä̧mä̧di̧nü̧.

Hebreos 8:1

Ja̧'wa̧nü̧ ji̧na̧'a̧ ji̧nä̧so ji̧yȩtä̧ ukuo jäwä pätümä̧ pi̧yȩ ja̧'a̧, sacerdote-tü̧ ttu̧ru̧wa̧mä̧ mo̧ro̧jä̧nä̧ kkü̧ Dio i̧dȩä̧kä̧ u̧wo̧jua̧'a̧ku̧nä̧ pä̧mä̧di̧nü̧ pä'ätüjä̧.

Hechos 1:11

Pättinä̧u̧: —Galirea ttü̧ja̧, ¿tta̧'a̧nü̧ pä'ü mo̧ro̧jä̧ra̧'a̧ to̧pä̧rü̧ ku̧ja̧kuä̧tu̧kua̧'a̧jä̧ttü̧? Pide Jesú, ukutu ku'kä̧tȩtu̧ku̧ttü̧ mo̧ro̧jä̧ra̧'a̧ ȩmä̧wi̧'ä̧jä̧ku̧mä̧, käekuächa'a to'kuäjätukuta'anü̧, pä'äjita'anü̧'i̧nä̧ ja̧'wa̧nü̧tä̧ i̧chä̧kua̧.

Hebreos 1:8

Ja̧'wa̧nü̧ ja̧'a̧nä̧ I̧tti̧ ütü'kümä̧ pä'inü̧: «Uku kuruwomä̧ beipokü jä̧kuȩ, ja̧'wa̧ta̧nü̧ kujurumä̧ adiwomȩnä̧tä̧ wȩkuä̧kua̧jä̧.»

Hechos 3:21

Jitämä̧ mo̧ro̧jä̧ra̧'a̧tä̧ ü̧ja̧ pä'ü ja̧'a̧ Jesú-mä̧, Dio aditü ikuomȩbü päi'ünä̧, täbokü kka̧kui̧nä̧tü̧ profeta-nä̧ ukuokuinü̧ ji̧nü̧ ta̧'a̧nü̧.

San Lucas 24:51

Ja̧'wa̧nü̧ ukuokua'a jakuänä̧, juätüttü 'kȩi̧pä̧cha̧'a̧ttü̧, mo̧ro̧jä̧ra̧'a̧ ȩmi̧po̧mȩnä̧ kä'ekuächinü̧.

San Marcos 16:19

Juätürü ji'äu käda'a, Tu̧ru̧wa̧ Jesú-mä̧ mo̧ro̧jä̧ra̧'a̧ kä'ekuächü, Tü̧ä̧nä̧wa̧ Dio u̧wo̧jua̧'a̧ku̧nä̧ pä̧mä̧di̧nü̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

San Marcos 1:1

Tü̧ä̧nä̧wa̧ Dio I̧tti̧, i̧chä̧kua̧ pä'ü ukuowinü̧, Jesú ütü'kü jäwä, jareü wȩnȩmä̧, pa̧'a̧nü̧ kkä̧mä̧di̧na̧'a̧.

San Mateo 4:3

Ja̧'wa̧nü̧ ja̧'a̧ Äwettämä̧ kka̧kuä̧mü̧ toa pä'ü, Jesú ü̧jo̧mȩku̧ ichi'ü päinä̧ku̧: —Isopäi'ünä̧ Dio I̧tti̧ kuttümä̧, pi̧yȩ inä̧du kuäkuäwä päi'ünä̧ pärowächünä̧, pä'i.

2 Corintios 9:13

Pi̧yȩ kuiyätukua'a topü, Dio-rü tteseäkuäwäkuotü, Crito weinü̧nä̧ kukuotätukua'attü̧ ja̧'wa̧ta̧nü̧ ppäkuätukua'attü jitürütä'i̧nä̧, kkorotü o'katoi'ünä̧rü̧'i̧nä̧, jü̧nä̧;

2 Corintios 12:2

Ya̧tȩ Crito-rü esetürü wo̧jua̧sä̧, täkü catoce años jo̧mȩnä̧ ja̧'a̧ (a̧'kua̧ra̧'a̧nä̧ ji̧na̧'a̧ kkü̧, a̧'kua̧ru̧wa̧nä̧tä̧ ji̧na̧'a̧kü̧; jȩru̧pa̧sä̧ jua'amä̧ Dio-tä wo̧jua̧) mo̧ro̧ji̧yä̧ wäbodäkuä jo̧mȩbü päi'ünä̧ ȩpi̧nä̧ku̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 6:6

pä'äjita'anü̧ ma̧'ä̧cha̧ pä'ümä̧, ¿Toku ppa̧wä̧cha̧, Dio jäwä u̧wo̧jui̧pi̧na̧'a̧mä̧? Pä'äjita'anü̧ Crito Dio i̧tti̧rü̧ ü̧jo̧kä̧nü̧ ü̧jü̧nä̧ ttu̧ju̧na̧'a̧ jä̧'i̧nü̧'a̧nü̧ ja̧'a̧, o'katoi'ünä̧ topü ya̧ttä̧wä̧'chü̧nä̧.

Hebreos 7:3

Jua̧u̧ awaruwä ttütü'kümä̧ yoriso jeruwäkuäwa'a, jä'orü'i̧nä̧, ja̧ju̧ru̧'i̧nä̧, ü̧tä̧mü̧mi̧nä̧rü'i̧nä̧ jü̧nä̧; ja̧'wa̧ta̧nü̧ uwäpächinomȩ'i̧nä̧, 'korujuoächinü̧'i̧nä̧ jeruwäkuäwa'a ja̧'wa̧nü̧ ja̧'a̧ttü̧mä̧ Dio I̧tti̧ 'kua̧rü̧nä̧tä̧ wa̧, 'kuäopünä̧ sacerdote jü̧nä̧tä̧ wa̧ ja̧'a̧.

Hebreos 10:29

Juȩnȩ abonä̧nü̧ ¿tta̧'a̧nü̧ rü̧ȩnä̧ ro̧ȩkuä̧kua̧'a̧ päkuätukua'ajä̧ttü̧ Dio I̧tti̧ ukuoja kkü'kü jui'ü 'kuȩ'ku̧ru̧mä̧ ja̧'wa̧ta̧nü̧ Dio i̧sa̧ Epíritu repeäkuru suronä̧ pä'ürümä̧?

1 Pedro 3:22

mo̧ro̧jä̧ra̧'a̧ kä'ekuächü Dio u̧wo̧jua̧'a̧ku̧nä̧ pä̧mä̧di̧nü̧nä̧tä̧, ja̧'wa̧ta̧nü̧ á̧gȩrȩ ttukuo'i̧nä̧ ttujuru'i̧nä̧ kku̧nä̧rä̧tü̧tä̧ tta̧ttä̧rä̧ku̧nä̧tä̧.