Hebreos 4:12 - Nuevo Testamento Uwotjüja

¹² Isopäi'ünä̧ Dio i̧wȩnȩmä̧, a̧'kua̧rä̧kuä̧wä̧'i̧nä̧, ujuru'i̧nä̧ kkü̧ ja̧'a̧. Kurodä pätekunä̧ so̧ȩkuodättü'i̧nä̧ abonä̧nü̧ 'kuiokuächa'a ja̧'wa̧ta̧nü̧ ttü̧ja̧sa̧ a̧'kua̧rü̧nä̧'i̧nä̧, a̧'kua̧rü̧ i̧sa̧nä̧'i̧nä̧ jakuära̧'a̧ doächi'ünä̧; ja̧'wa̧ta̧nü̧ tta̧mü̧kuädünä̧'i̧nä̧, tta̧mi̧'iso'kinä̧'i̧nä̧ adiu'i̧nä̧, surojü'i̧nä̧ ttu̧wo̧jui̧pü̧nä̧ ja̧'a̧.

TÄ̧DO Ä̧CUÄ̧ I̧HUȨNȨ

¹² Dios i̧huȩnȩmä̧ 'cuäopönä kö̧do. Ja̧'hua̧ta̧nö̧ 'cuäopönä juruhua'ado. Curodä pätecu sa̧huȩcuodättö'inä abonänö so̧a̧'a̧do Dios i̧huȩnȩ. Dios i̧huȩnȩmä̧ curodä so̧odänä idepä ttihue'cattö quichö tticua'a jä̧'i̧nö̧'a̧nö̧ jö̧. Dios i̧huȩnȩ ja̧'hua̧nö̧ jä̧'i̧nö̧'a̧nö̧ ja̧'a̧nä̧, jiähua'a ujutu ta̧'cua̧nä̧ tamöcuädömä.

Hebreos 4:12 Referans Kwoze

Efesios 6:17

Ja̧'wa̧ta̧nü̧ ȩmä̧tu̧kui̧, surojüttü kki̧'ä̧kuä̧wä̧mä̧ ttünä̧ 'kiyäba ttu̧ju̧nä̧wa̧'a̧ jä̧'i̧nü̧'a̧nü̧ ja̧'wa̧ta̧nü̧ ȩmä̧tu̧kui̧ Dio i̧wȩnȩtä̧, jua̧u̧mä̧ Epíritu Sa̧tu̧ ukurodä jü̧nä̧.

1 Pedro 1:23

Ja̧'wa̧nü̧ ja̧'a̧ttü̧ ukutumä̧ pä'äjita'anü̧ uwäpächinä̧tü̧jä̧, pi̧yȩnä̧mä̧ kuä̧o̧tu̧ku̧ pi̧jä̧ ttü̧ja̧ 'korujuo'ächätüttümä̧ uwäpächokotüjä̧, ja̧'wa̧nü̧ ja̧jü̧jueimä̧ Dio i̧wȩnȩ toe'ächokü 'kuäopünä̧ kkü̧nä̧tä̧.

Apocalipsis 1:16

U̧mü̧ u̧wo̧jua̧'a̧ku̧ i̧sä̧mü̧nä̧mä̧ si̧ri̧'kü̧ kko̧ro̧mü̧ttü̧nü̧ ta̧ju̧ wotürü 'chu̧'ä̧ri̧nü̧ ja̧'wa̧ta̧nü̧ ättümä̧ kurodä päteku so̧dä tä̧o̧dä räopina̧'a̧. Ja̧'wa̧ta̧nü̧ ü'ämä̧ kkä̧wa̧ rü̧ȩnä̧ kkȩdȩpo̧mȩnä̧ kkä̧dȩpa̧'a̧ jä̧'i̧nü̧'a̧nü̧ kkä̧dȩpi̧na̧'a̧.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

Romanos 1:16

Isopäi'ünä̧ jareü wȩnȩ ji'äumä̧ dä'ä ttu'oküsä, jua̧u̧mä̧ surojüttü kki̧'ä̧kuä̧wä̧ Dio ujuru ja̧'a̧ttü̧ esetätürümä̧, ä̧kuo̧mȩnä̧mä̧ judío-rü'i̧nä̧, judío pokotürü'i̧nä̧, jü̧nä̧.

Apocalipsis 19:15

Ättümä̧ kurodä so̧o̧dä räopinä̧ku̧, juodänä̧ o'katoi'ünä̧ pi̧jä̧ ttü̧ja̧rü̧ ȩma̧ pä'ü ji̧na̧'a̧. Jua̧u̧mä̧ rü̧ȩnä̧ ujuruku wȩä̧kua̧. Ja̧'wa̧ta̧nü̧ jua̧u̧tä̧ jä̧kua̧'a̧ uwa i̧'kuȩ'kuä̧kua̧mä̧ uwa isoya räopächünä̧, Dio o'kajuiyünä̧ ju̧ru̧wa̧ rü̧ȩnä̧ ü̧ra̧wä̧ro̧ya räopächü wȩnȩkuä̧cha̧'a̧ jua̧u̧mä̧.

Efesios 5:13

Ja̧'wa̧nü̧ ja̧'a̧nä̧, tȩya̧u̧ i̧jȩpü̧ ikuomȩnä̧mä̧ o'kajuiyünä̧tä̧ i̧jȩkuä̧cha̧'a̧, isopäi'ünä̧ tȩya̧u̧tä̧ ja̧'a̧ o'kajuiyünä̧ i̧jȩpü̧mä̧.

San Lucas 8:11

Wȩnȩtü̧ jidäwäjimä̧, pi̧yȩ ja̧'a̧: U̧wä̧ju̧ jä̧ji̧mä̧, Dio i̧wȩnȩ ja̧'a̧;

San Juan 6:51

Jua̧u̧ kuäkuäwä a̧'kua̧rü̧mä̧, mo̧ro̧jä̧ra̧'a̧ttü̧ mȩyȩwi̧nü̧mä̧ Ttütäsä; jua̧u̧ kuäkuäwättü kumä̧, 'kuäopünä̧tä̧ ü̧jä̧kua̧. Jua̧u̧ kuäkuäwä chi̧yä̧kuȩmä̧, ttütä chidepä jä̧kua̧'a̧. Jua̧u̧mä̧ pi̧jä̧ ttü̧ja̧ tta̧'kua̧rü̧ kka̧ pä'ü chi̧yä̧kua̧sä̧.

Apocalipsis 19:21

Ja̧'wa̧ta̧nü̧ kkorotümä̧ to'e'ächinä̧tü̧, cabayu-nä̧ wuö̧ ättü räopodä kurodänä̧tä̧ ja̧'wa̧ta̧nü̧ o'katoi'ünä̧ ppi̧yu̧mä̧, juätü ttidepä kuä̧nü̧ eseäkuäwinä̧tü̧.

Apocalipsis 2:16

Ja̧'wa̧nü̧ ja̧'a̧ttü̧, jua̧u̧ttü̧ kä'ädi'i; ja̧'wa̧nü̧ kä'ädi'ü ppa̧kuä̧chü̧ juiyüttümä̧, jitätä ja̧'a̧ chi̧chä̧kua̧sä̧, juätuku churowäwa pä'ü, chänä̧ kko̧dä kurodänä̧.

Hebreos 13:7

Amükuädätukui kuruwotü pató-tü̧, Dio i̧wȩnȩ jittäwinü̧mä̧; jȩpü̧ ttü̧jo̧mȩnä̧ tti̧rȩbȩwi̧na̧'a̧ttü̧ topü, tta̧'kua̧ ttu̧wȩnä̧ri̧nü̧'a̧kuä̧ ukutu'i̧nä̧ kua̧'kua̧ wȩnä̧rü̧ jȩpä̧tu̧kui̧.

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Hechos 2:37

Ja̧'wa̧nü̧ jiäwa'a ä̧ju̧ku̧, tta̧'kua̧tta̧ pä̧'i̧'ä̧u̧, Peduru-rü'i̧nä̧ ja̧'wa̧ta̧nü̧ kkorotü apótore-rü'i̧nä̧ jä'epü ä̧ju̧kui̧nä̧tü̧: —Chawaruwä chi̧jä̧wa̧tü̧ ¿däjé jȩtü̧'a̧nü̧ttü̧ ujutumä̧?

Apocalipsis 2:23

Ja̧'wa̧ta̧nü̧ kki̧tti̧mü̧rü̧mä̧ wa'ü ttikunä̧ jȩchä̧kua̧sä̧. Ja̧'wa̧nü̧ jo̧mȩnä̧ igresia wotümä̧ o'katoi'ünä̧ ttu̧wo̧juä̧kuo̧tü̧, tta̧mü̧kuädü'i̧nä̧, tta̧mi̧ iso'kinä̧ kka̧ku̧'i̧nä̧ chu̧wo̧juö̧mä̧; ja̧'wa̧nü̧ ja̧'a̧ttü̧ yotukunä̧rü̧ chi̧yä̧'chä̧kua̧sä̧ jȩpü̧ ttü̧ji̧nü̧'a̧kuä̧.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

2 Corintios 4:2

Ja̧'wa̧nü̧ jä̧u̧, da̧ja̧wä̧rä̧kuä̧wä̧mä̧, dä'ä ttuwä'chäkuäwämä̧ jui'ätüjä̧; yaparewä'chü'i̧nä̧ jȩto̧ka̧'a̧, Dio i̧wȩnȩ'i̧nä̧ pärotokotüjä̧. Pärokua'aku, Dio-mä̧ wo̧jua̧ jueünä̧ tukuokua'amä̧. Ja̧'wa̧nü̧ jo̧mȩnä̧ o'katoi'ünä̧ ujuturu tta̧'kua̧ ttu̧wȩnä̧rü̧nä̧ ja̧'a̧.

Santiago 1:18

Chutämä̧, ja̧'wa̧nü̧tä̧ pä̧wä̧rü̧ji̧nä̧ku̧, isopäi'ünä̧ wȩnȩnä̧tä̧ kkä̧kuä̧wä̧ i'komä̧ iyinä̧u̧jä̧, uwäbe'inä̧u̧ttü̧ ä̧kuo̧mȩnä̧ u̧wä̧ju̧ wotüta pä'ümä̧.

2 Corintios 2:17

Ujutumä̧ rekuätü jȩttü̧'a̧nü̧mä̧, Dio i̧wȩnȩnä̧mä̧ mikuä pä'ä'chümä̧ aditokotüjä̧, jueünä̧tä̧, Dio weina̧'a̧ku̧tä̧, Dio ä'kattümä̧ Crito-nä̧ ji'äwätüjä̧.

1 Corintios 1:24

Ja̧'wa̧nü̧ ja̧'a̧nä̧, Dio woinä̧u̧ru̧mä̧, judío já̧ pä'ü'i̧nä̧ ja̧'wa̧ta̧nü̧ grecia ttü̧ja̧ já̧ pä'ü'i̧nä̧, Crito-mä̧ Dio ujurutä, Dio u̧wo̧juö̧tä̧ wa̧ ja̧'a̧.

Hechos 5:33

Ja̧'wa̧nü̧ pätta'a ä̧ju̧ku̧, tta̧mi̧ su̧rä̧chi̧'ä̧u̧, kuä'ü ttikua pättinä̧u̧.

San Juan 12:48

Ttürü kkü'kü jui'ü, chi̧wȩnȩ esetokürü, usurä ȩmä̧u̧nä̧ ro̧ȩpä̧kuȩmä̧ täkü kka̧'a̧: Ji̧yȩtä̧ chi̧wȩnȩ chukuokutä jä̧kua̧'a̧, usurä ttȩmä̧u̧nä̧ ro̧ȩpä̧kuȩmä̧, rüjí mo̧ro̧ päi'omȩnä̧.

Hechos 7:38

Ja̧'wa̧ta̧nü̧, jua̧u̧ Moisé-tä ji̧na̧'a̧, irae ttü̧ja̧ ka̧ka̧kui̧nä̧tü̧ tü̧tä̧mü̧ mi̧nä̧rü̧, kkä̧kuä̧wä̧ wȩnȩ jua'a yabo 'kuä'epäjipü iku ji'äwinü̧mä̧, Sinaí mü̧ä̧'kattü á̧gȩ ukuoku wȩnȩ.

Efesios 5:26

Surojü juiyünä̧tä̧ 'kȩ'ȩpü̧ kku̧ni̧nü̧ igresia-rü, ajiyanä̧ aje i'ü tükü iku, chutä i̧wȩnȩ päomȩnä̧.

Hebreos 6:5

ja̧'wa̧ta̧nü̧ Dio i̧wȩnȩ kkü'kekunä̧ ȩmi̧nä̧tü̧'i̧nä̧, yodoji kkä̧kuä̧wä̧kuȩ ujuru ȩmi̧nä̧tü̧rü̧mä̧ weyekua'a,