Biblia Todo Logo
Bib sou entènèt

- Piblisite -




Hebreos 3:6 - Nuevo Testamento Uwotjüja

6 Ja̧'wa̧nü̧ ja̧'a̧nä̧ Crito-mä̧, Dio I̧tti̧ ja̧'a̧, Chutä ojusode tta̧wä̧rä̧kuä̧wä̧ i̧sa̧, juodemä̧ ujututä ja̧'a̧. Ja̧'wa̧ta̧nü̧ ujutumä̧ juätütä isotüjä̧ isopäi'ünä̧ eseunu̧ ta̧mi̧ 'ki'ächi'ü ti̧'chü̧ttü̧mä̧, surojüttü kki̧'ä̧kuä̧wä̧ tȩmä̧kuo̧tü̧jä̧.

Gade chapit la Kopi

TÄ̧DO Ä̧CUÄ̧ I̧HUȨNȨ

6 Ja̧'hua̧nö̧ ja̧'a̧nä̧ ya̧tȩ i̧tti̧ ahuaruhuärö adiu jȩö̧'a̧nö̧, adiu jȩpö̧ Cristomä Dios i̧tti̧mö̧rö̧. Adiunä röji mo̧ro̧ päi'ome jubö cä'ädö, eseunu tami 'qui'ächi'önö churutä tta̧tä̧rö̧ttö̧mä̧, Dios i̧tti̧mö̧ päti'äcuotöjä.

Gade chapit la Kopi




Hebreos 3:6
46 Referans Kwoze  

Ja̧'wa̧ta̧nü̧ ukutumä̧ Dio ü̧jo̧de (templo) pättodejä̧; ja̧'wa̧nü̧ ja̧'a̧ttü̧ ttü̧ä̧nä̧wo̧tü̧rü̧ esetätukumä̧ wokotüjä̧. Dio-mä̧ pä'inü̧: «juätü chȩmi̧nä̧u̧ku̧ ttü̧'kä̧tȩnä̧ kkä̧nü̧, kuȩdä̧chä̧kua̧sä̧, ja̧'wa̧ta̧nü̧ juätümä̧ Ttü̧ä̧nä̧wa̧ Dio chä̧kua̧sä̧, jitütämä̧ chumüwäyotü ttäkuotü»


¿Ukutumä̧, Dio ojusode jü̧nä̧ kuätukua'amä̧ ja̧'wa̧ta̧nü̧ Dio i̧sa̧ Epíritu ukutunä̧ ü̧ja̧'a̧mä̧ kuieruwätukua'a tä̧jí̧?


Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.


Ja̧'wa̧nü̧ ja̧'a̧ttü̧, Dio-rü kua̧'kua̧ ku̧wȩnä̧rä̧tu̧ku̧mä̧ käkuädi'ätukuä, jua̧u̧ mikuämä̧ kuȩmä̧kuo̧tü̧jä̧.


Ja̧'wa̧nü̧ ja̧'a̧nä̧ ukutu yotukunä̧ jua̧u̧ kuesewätukumä̧ rüjibü päi'ünä̧ tottünä̧ jȩpü̧ ku̧jä̧tu̧kua̧ pä̧wä̧rü̧jä̧u̧jä̧ ujutumä̧, tta̧'a̧rü̧ ku̧jä̧'i̧jä̧tu̧ku̧ jo̧mȩnü̧ jä̧kua̧'a̧nü̧.


¿Ja̧'wa̧ta̧nü̧ jerupätüjä̧ tä̧jí̧, ukutu kuidepätuku jättäjimä̧ Epíritu Sa̧tu̧ ü̧jo̧de pä'ümä̧, ukutunä̧ kkü̧, Dio iyinä̧ku̧ pä'ümä̧ ja̧'wa̧nü̧ ja̧'a̧ttü̧ ujutu tidepämä̧kü̧ ja̧'a̧ pä'ümä̧?


Käkuädi'ätukuoka'a kka̧kuä̧tu̧kui̧ kua̧'kua̧ wȩnä̧rü̧nü̧ Tesetinü̧ pätünä̧mä̧, isopäi'ünä̧ Dio ujuturu iya päinü̧mä̧, i̧yä̧kua̧.


Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.


Isopäi'ünä̧ ujutumä̧ Crito-ku ji̧nä̧ ji̧yȩtȩnä̧ juo'ächinä̧tü̧jä̧, ä̧kuo̧mȩnä̧ ji̧nü̧ta'anü̧ ta̧mi̧ 'ki'ächi'ü ti̧'chü̧ttü̧mä̧ adiwäkua'a.


Jitätä ja̧'a̧ku̧ chi̧chä̧kua̧sä̧; ku̧ju̧nä̧rü̧mä̧ tta̧'ä̧rä̧kuä̧u̧ kku̧nä̧ri̧, ya̧tȩ'i̧nä̧ kuiäre premio pättü 'chottipü juiyäkua'anü̧.


Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.


Jitä rüjí mo̧ro̧mä̧, Dio-mä̧ I̧tti̧nä̧tä̧ ukuokuinä̧u̧jä̧. Jua'amä̧ o'kajuiyünä̧tä̧ jua̧u̧ I̧tti̧nä̧tä̧ aditina̧'a̧ttü̧; o'kajuiyünä̧ u̧ru̧wa̧ päi'ünä̧ jȩpü̧ kku̧nu̧, Jua̧u̧ru̧mä̧.


Rekuo mo̧ro̧ todeputtü'i̧nä̧, Dio 'kuäopünä̧ kkü̧ umüwäyotü igresia wotürü adiu juekuȩpä̧rä̧kua̧'a̧nü̧. 'Chu̧'ä̧rä̧kuä̧u̧ ja̧'wa̧ta̧nü̧ isopäi'ünä̧ wȩnȩ ja̧'a̧ pä'ätümä̧.


Jua'a'i̧nä̧, 'kiyünä̧ 'chu̧ä̧rü̧nä̧ ma̧kuä̧chä̧tu̧kuo̧ka̧'a̧, kua̧'kua̧ ku̧wȩnä̧rä̧tu̧ku̧ttü̧tä̧ jareü wȩnȩ kuäju̧kui̧nä̧tu̧ku̧nä̧. Jua̧u̧mä̧ wȩnȩmä̧ pi̧jä̧ o'kajuiyünä̧ jiäkuäwi'a'a, ja̧'wa̧ta̧nü̧, ttü Pauru'i̧nä̧ jua̧u̧tä̧ jiäkuäwä i̧sa̧ jü̧nä̧ juo'ächinü̧sä̧.


Ttü chi̧mi̧ jäwänä̧mä̧, o'katoi'ünä̧tä̧ tta̧mi̧suru tottäkuä̧u̧jä̧; ja̧'wa̧nü̧ ja̧'a̧nä̧ rüjí mo̧ro̧bü päi'ünä̧ a̧mi̧ 'ki'ächi'ü ü̧jü̧ttü̧mä̧, jua̧u̧tä̧tä̧ jä̧kua̧'a̧ ü̧ji̧pä̧kua̧mä̧.


'Kuäopünä̧ eseutä kka̧kuä̧tu̧kui̧.


Ja̧'wa̧nü̧ ja̧'a̧ttü̧ Dio tta̧wä̧rä̧kuä̧wä̧ iyütä, jo̧mȩnü̧ kuesewätukunä̧, wȩnȩ juiyünä̧ kua̧'kua̧ wȩnä̧rä̧tü̧rü̧mä̧ iyätukuäku pä'üsä, Epíritu Sa̧tu̧ ujurunä̧tä̧.


Ja̧'wa̧nü̧ ja̧'a̧nä̧ pi̧jä̧ beipächomȩbü päi'ünä̧, a̧mi̧ 'ki'ächi'ü kkü̧mä̧ ra̧wä̧pi̧jü̧ttü̧mä̧ ü̧ji̧pä̧kua̧,


Tesetinü̧nä̧mä̧ yabonü̧tä̧, 'kiyünä̧ 'chu̧'ä̧rä̧kuä̧u̧ tti̧'cha̧ pä'ü, ttü chichomebü päi'ünä̧.


Tiatira-ra̧'a̧ igresia wotürü tta̧wä̧rä̧kuä̧wä̧ i̧sa̧ á̧gȩ-rü̧ wȩyu̧tu̧ we'i: ü'äriyä'i̧nä̧ okurä jä̧'i̧nü̧'a̧nü̧ wa̧mä̧, ü̧jä̧pi̧yä'i̧nä̧ bro̧ce pättü säruwächi'ünä̧ jȩpü̧ ikuäwa'a jä̧'i̧nü̧'a̧nü̧ wa̧, Dio i̧tti̧mä̧, pa̧'a̧nü̧ pä'ü:


Tä'o Dio-mä̧ adiwä i̧sa̧; ja̧'wa̧nü̧ ja̧'a̧ttü̧ ujuturumä̧ eseunu̧ repe'ü ja̧'wa̧ta̧nü̧ a̧'u̧ri̧jo̧mȩnä̧ tta̧'kua̧ ȩmä̧wä̧ beipächokü, ja̧'wa̧ta̧nü̧ ra̧wä̧pi̧jü̧ttü̧ tü̧ji̧pä̧kuȩ jueünä̧ wo̧juä̧wä̧'i̧nä̧ iyinä̧u̧jä̧. Jä'o Dio-rü'i̧nä̧ tu̧ru̧wa̧ Jesucrito'i̧nä̧ jä'epüsä,


Jua̧u̧ Jesucrito-nä̧tä̧, ta̧'kua̧ tu̧wȩnä̧ro̧mȩnä̧, re ü̧ji̧nü̧nä̧ dodepinä̧tü̧jä̧, jitä ta̧mi̧ 'ki'ächi'ü tü̧ja̧ku̧nä̧mä̧, ja̧'wa̧nü̧ jo̧mȩttü̧ eseäkuäwätüjä̧, ujutu'i̧nä̧ Dio ukuo jäwänä̧ päti'äkuotüjä̧ pä'ü, tta̧'ä̧rü̧ kkä̧nü̧.


Ukutumä̧ Jesucrito-rü to'kuätukuoka'a jä̧'i̧ja̧'a̧nä̧ eseu repe'ätüjä̧; ja̧'wa̧ta̧nü̧ to'kuätukuokoku ja̧'a̧nä̧ esetü, rü̧ä̧nä̧ eseäkuäwänä̧ esewätüjä̧ tti̧wȩnȩnä̧'i̧nä̧ jittäu juiyünä̧ jü̧nä̧.


Ja̧'wa̧nü̧ ja̧'a̧ttü̧ adiwä juei jȩpü̧mä̧ 'kuäkuächi'ätukuä; isopäi'ünä̧ tijuiyuwächi'oka'a jü̧ttü̧mä̧, ji̧yȩtä̧ mo̧ro̧ päi'omȩnä̧ u̧wä̧ju̧ tȩmä̧kuo̧tü̧jä̧.


Ja̧'wa̧nü̧ ja̧'a̧ttü̧, topi, Dio ya'utekutä pä̧i̧ku̧nä̧ päü'i̧nä̧; ja̧'wa̧nü̧ ja̧'a̧nä̧ adiu re ü̧jü̧'i̧nä̧ topi, ja̧'wa̧nü̧ jü̧ juiyüttümä̧ ukuru'i̧nä̧ do'opü ikuäwäkua'a.


Ukuru'i̧nä̧ pärokua'aku pä'üsä: Ukumä̧ Peduru-jä̧, jü̧nä̧, piwä i̧nä̧wänä̧ chiäre igresia-mä̧ cha̧di̧tä̧kua̧sä̧; ja̧'wa̧nü̧ ja̧'a̧ttü̧ wa'are äpatiyämä̧ kkȩdü̧ ikuokü jä̧kuȩ.


Tta̧'a̧rü̧ kkä̧kuä̧wä̧nä̧ kkä̧nü̧ eseäkuäwätukui; usurä ȩmä̧wä̧kuä̧wä̧ yekuekuätukuä; yaboku 'kuäopünä̧ Dio-rü ukuokutä tätukui.


Ja̧'wa̧nü̧ ja̧'a̧ttü̧, o'katoi'ünä̧rü̧ adiu jȩtü̧'a̧nü̧ jü̧ttü̧mä̧, adiu jȩta̧ pä'ü ja̧'a̧, ja̧'wa̧nü̧ ja̧'a̧nä̧ ji̧nä̧somä̧ tawaruwä ti̧jä̧wa̧tü̧ Crito esetärütä.


Ja̧'wa̧ta̧nü̧ jua̧u̧nä̧tä̧ ta̧'kua̧ wȩnä̧rü̧ Dio-rümä̧ wäjuönä̧ dodetünä̧ ja̧'a̧.


Ja̧'wa̧nü̧ ja̧'a̧ttü̧, ta̧'kua̧ wȩnä̧rü̧ kkä̧nü̧, Dio rettü weomȩku̧ tütü'küwächa pä'ätukui. Rȩrü̧jü̧ toatü pä'ümä̧, ujuturu rekuä rü̧jü̧ mo̧ro̧ ja̧'a̧ttü̧.


Ja̧'wa̧nü̧ Dio yaparewokü ja̧'a̧mä̧; juramento pättünä̧ iya päinü̧'i̧nä̧, wȩnȩtü̧ i̧mi̧nä̧ päinü̧'i̧nä̧ yoriso pärowächoka'a. Ja̧'wa̧nü̧ jo̧mȩttü̧ eseu ta̧'kua̧ wȩnä̧rä̧tü̧jä̧ Chutä ujuturu tta̧wä̧rü̧'i̧nä̧ ja̧'wa̧ta̧nü̧ ujuturu i̧yä̧kuȩ'i̧nä̧, jü̧nä̧.


Isopäi'ünä̧ Moisé weäwä wȩnȩnä̧mä̧ ya̧tȩrü̧'i̧nä̧ jo̧mȩnü̧ juoächünä̧ ppädokü ji̧na̧'a̧, jitämä̧, jareünä̧ adiwä juei tta̧'kua̧ wȩnä̧rä̧kuä̧wä̧ tta̧'a̧rä̧tü̧jä̧, jitämä̧ jua̧u̧nä̧tä̧ Dio-rü tü'küpächätüjä̧.


Ja̧'wa̧nü̧ ji̧na̧'a̧ttü̧, chawaruwä chü̧jä̧wa̧tü̧, Surojü Juiyomȩ pättomȩ dotächa pä'ü jo̧mȩnü̧ wotüjä̧, Jesucrito ukuoja jinoyanä̧mä̧.


Ja̧'wa̧nü̧ ji̧na̧'a̧ttü̧ sacerdote-tü̧ ttu̧ru̧wa̧ ukuo i̧sa̧rü̧ kku̧nä̧rä̧tü̧jä̧, Dio ojusodenä̧mä̧.


Isopäi'ünä̧ tta̧'kua̧ wȩnä̧rä̧kuä̧wä̧mä̧, tta̧dä̧rü̧mä̧ chȩmä̧kua̧sä̧ pä'ü jo̧mȩnü̧ wo̧juä̧wä̧ ja̧'a̧; kkoro juei totokü'i̧nä̧ isopäi'ünä̧ jä̧kua̧'a̧ pä'ü wo̧juä̧wä̧ ja̧'a̧.


Täkü rȩbȩwä̧ja̧'a̧ pojokuä mo̧ro̧mä̧ chutä Dio i̧tti̧mü̧ttü̧ kkä̧mä̧dü̧, ja̧'wa̧nü̧ pojokuä ujutunä̧ kkä̧mä̧da̧'a̧mä̧ ¿Toku jä̧kua̧'a̧jä̧ttü̧ rüjí mo̧ro̧mä̧, jareü Dio i̧wȩnȩ ukuotokotürümä̧?


Ja̧'wa̧nü̧ ja̧'a̧ttü̧ surojü abo 'kuä'o'ü rüjí mo̧ro̧bü päi'ünä̧ ttü chaditäwä 'chu̧'ä̧rä̧kuä̧u̧ru̧mä̧, ttü̧ja̧ tti̧rȩji̧yä̧ o'kajuiyünä̧ wettünä̧ ttukuo chi̧yä̧kuä̧u̧,


Swiv nou:

Piblisite


Piblisite