Hebreos 3:5 - Nuevo Testamento Uwotjüja

⁵ Ja̧'wa̧ta̧nü̧, Moisé-mä̧, Dio u̧mü̧wä̧ya̧ jü̧nä̧mä̧ adiu ukuotinü̧; ja̧'wa̧ta̧nü̧ Dio ȩmi̧nä̧u̧ru̧ tta̧'ä̧ri̧nü̧ weäwi'inü̧'a̧kuä̧mä̧; ja̧'wa̧ta̧nü̧ ji'äwinü̧ juätürü 'kuäopä̧kuȩ wȩnȩ'i̧nä̧.

TÄ̧DO Ä̧CUÄ̧ I̧HUȨNȨ

⁵ Moisés adicuä i̧sa̧ ta'anö adiunätä jȩpi̧nö̧do Dios umöhuäyotörö. Chutä aditähuä päi'önä ucuocuinödo Dios jiähuä̧cuȩtä̧.

Hebreos 3:5 Referans Kwoze

Hebreos 3:2

Isopäi'ünä̧ Jesú-mä̧, Dio Moisé-rü weinüta'anü̧; Dio ȩmi̧nä̧u̧ru̧ tta̧wä̧ra̧ pä'ü weinä̧ku̧.

Hechos 28:23

Ja̧'wa̧nü̧ ja̧'a̧ttü̧, ji̧yȩtȩ mo̧ro̧ ttü̧ka̧ka̧kua̧ pä'ü, pätetü ttu̧ju̧nä̧ja̧'a̧ rekuätü ichinä̧tü̧ Pauru ü̧jodenä̧. Juodettü jiäwinä̧u̧ ru̧wa̧ Dio weü wȩnȩ yo̧ä̧i̧ ü̧jä̧mä̧dä̧ja̧'a̧mä̧ ni̧pä̧ro̧mȩbü päi'ünä̧. Pauru-mä̧ jiäwinä̧u̧ Moisé weäwä wȩnȩnä̧'i̧nä̧ ja̧'wa̧ta̧nü̧ profeta-tü̧ ttukuokuinü̧nä̧'i̧nä̧, jü̧nä̧; Jesú-ru tesetiyarü pä'ümä̧.

Hebreos 8:5

Juätü sacerdote-tü̧ ttaditäwämä̧ mo̧ro̧jä̧nä̧ kkü̧ a̧'kua̧juä̧tä̧ aditätü, jua'amä̧ Moisé-rü Tabenákuro pättomȩ aditäkua'a jiäwino̧mȩttü̧ topü pä'ätüjä̧: «Ttu̧'ȩpä̧rü̧nü̧ topü aditijó, mü̧ä̧'kattü tabenákuro a̧'kua̧juä̧ to'kunä̧ chi̧jȩpi̧nä̧'a̧ku̧tä̧,» päinä̧ku̧.

1 Timoteo 1:12

Chujuru iyinü̧ chu̧ru̧wa̧ Jesucrito-rü eseusä, jua'amä̧ aditäwänä̧ chadita pä'ü a̧'kua̧ i̧wȩnä̧ri̧no̧mȩttü̧,

Hebreos 9:24

Isopäi'ünä̧ Crito-mä̧, Dio-rü ukuokuäkuäwode pi̧jä̧ ttü̧ja̧ adikuode, mo̧ro̧jä̧ttü̧ a̧'kua̧juä̧ kkodenä̧mä̧ do'ächokü pinü̧, ji̧nä̧so yodenä̧tä̧ mo̧ro̧jä̧ isodenä̧, Dio ä'ka jo̧mȩ ujutu jäwänä̧mä̧ do'ächinü̧.

Romanos 3:21

Ja̧'wa̧nü̧ ji̧na̧'a̧nä̧ jitämä̧, weäwä wȩnȩ ttukuotoka'anä̧'i̧nä̧, Dio adiu jȩi̧nü̧ jiäwa'a, jua̧u̧mä̧ jiäwa'a weäwä wȩnȩnä̧'i̧nä̧, profeta-tü̧ tti̧wȩyu̧ti̧nü̧nä̧'i̧nä̧, jü̧nä̧;

San Juan 5:39

Wȩyu̧kuä̧ wȩnȩ adiu topü ukuokuätukui; jua̧u̧nä̧tä̧ kka̧'a̧ 'kua̧'ra̧'a̧, ukutu ku̧jä̧tu̧kuä̧kuȩ kkä̧kuä̧wä̧ i'komä̧; jua̧u̧tä̧tä̧ ja̧'a̧ ttü chütü'kü jiäumä̧.

San Lucas 24:44

Ja̧'wa̧ta̧nü̧ päinä̧u̧: —Pi̧yȩ ukuokuinü̧sä̧ ukutuku kue'ächümä̧: Ttü chütü'kümä̧, Moisé i̧wȩyu̧ti̧nü̧'i̧nä̧, profeta tti̧wȩyu̧ti̧nü̧'i̧nä̧ ja̧'wa̧ta̧nü̧ Salmos-nä̧ wȩyu̧kuä̧'i̧nä̧ o'kajuiyünä̧tä̧ 'kuäopäkua'a pädinü̧mä̧.

San Lucas 24:27

Jua̧u̧ pä'ü kä'ädü, Moisé i̧wȩyu̧ti̧nü̧ttü̧ kkä̧mä̧dü̧, profeta tti̧wȩyu̧ti̧nü̧'i̧nä̧ ukuokuinä̧u̧, wȩyu̧kuä̧ wȩnȩ chutä ütü'kü ukuokumä̧ o'kajuiyünä̧tä̧.

1 Corintios 4:2

Ja̧'wa̧nü̧ ja̧'a̧ttü̧, adikuä 'chu̧'ä̧rä̧tü̧rü̧mä̧, ttaditäwä jȩpü̧ ttü̧ja̧ pä'ütä ja̧'a̧.

Hechos 7:37

Ja̧'wa̧ta̧nü̧, jua̧u̧ Moisé-tä ji̧na̧'a̧ Irae ttü̧ja̧rü̧ pä'inü̧mä̧: Dio-mä̧ ttü ta̧'a̧nü̧ profeta-rü ukututtü ya̧tȩrü̧ rä̧ȩpä̧kua̧, jua̧u̧ru̧ kuä̧ju̧kuä̧tu̧kua̧jä̧, jü̧nä̧.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Mateo 25:21

Jua̧u̧ru̧ u̧ru̧wa̧mä̧ pä'inü̧: Juiyo adiwa'a, adiu adikuä i̧sa̧jä̧; a̧'u̧ku̧nä̧tä̧'i̧nä̧ adiu kuaditina̧'a̧ttü̧, rü̧ȩnä̧ chiyäkujä̧ kuadita pä'ümä̧. Do'ächi ttüku kuesewa.

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

Hebreos 1:1

Mo̧ täbokütä päi'ünä̧ Dio-mä̧ tü̧tä̧mü̧ mi̧nä̧rü̧mä̧, profeta-nä̧'i̧nä̧, kkoro jueinä̧'i̧nä̧, rü̧ȩnä̧ ukuokuinü̧'ka̧.

Hebreos 3:4

O'kajuiyünä̧tä̧ kka̧ku̧mä̧ ya̧tȩ aditü u̧ju̧ni̧nü̧ ja̧'a̧; ja̧'wa̧nü̧ ja̧'a̧nä̧ o'kajuiyünä̧ aditinü̧mä̧ Dio-tä ja̧'a̧.

Apocalipsis 15:3

Ja̧'wa̧nü̧ ja̧'a̧, jua̧u̧nä̧tä̧ 'porü ra̧'i̧nä̧tü̧, Dio u̧mü̧wä̧ya̧ Moisé Dio-rü ra̧wi̧nü̧'i̧nä̧ ja̧'wa̧ta̧nü̧ oweja mü̧ä̧ya̧ jü̧nä̧ wa̧rü̧ ra̧wi̧nü̧mä̧, pa̧'a̧nü̧ o'ä'chü: «Tu̧ru̧wa̧ Dio o'kajuiyünä̧ kkujuru kku̧nä̧rü̧ kuaditäwämä̧, adiwä juei, rü̧ȩnä̧ jü̧tä̧ ja̧'a̧; ku̧mä̧nä̧mä̧ isopäi'ünä̧tä̧, jueünä̧tä̧ jä̧mä̧ ja̧'a̧, surojü jui'ätü ttu̧ru̧wa̧ Rey-jä̧ ukumä̧.