Hebreos 3:12 - Nuevo Testamento Uwotjüja

¹² Chawaruwä chü̧jä̧wa̧tü̧, to̧pä̧rä̧kuä̧wä̧tu̧kui̧ kua̧mi̧so'kitukunä̧, surojünä̧ amükuädü, a̧'kua̧rä̧kuä̧wä̧ i̧sa̧ Dio-ttü 'kȩkui̧pä̧chä̧tu̧ku̧ juiyäkua'anü̧.

TÄ̧DO Ä̧CUÄ̧ I̧HUȨNȨ

¹² Chö̧jä̧hua̧tö̧, tta̧'ä̧rä̧cuä̧u̧ ka̧cuä̧tu̧cui̧, ucututä cuami iso'quitucu surojo'quitucunä kä̧nö̧, Dios kö̧rö̧ jarocuhui'ätucu juiya pä'ö, ja̧u̧ru̧ cuesetätucuoca'attö.

Hebreos 3:12 Referans Kwoze

Hebreos 12:25

Ja̧'wa̧nü̧ ja̧'a̧ttü̧, ttu̧'ȩpä̧rü̧nü̧ esetätukui Dio ukuokuomȩnä̧mä̧. Isopäi'ünä̧ pi̧jä̧nä̧ttü̧ ro̧ȩpi̧nü̧ jarodinä̧tü̧mä̧ to'e'ächinä̧tü̧. Juȩnȩ abonä̧nü̧ tü̧ja̧kui̧'ü̧ juiyü'anü̧ ja̧'a̧ mo̧ro̧jä̧ra̧'a̧ttü̧ ro̧ȩpo̧mȩnä̧mä̧.

1 Corintios 10:12

Ja̧'wa̧nü̧ ja̧'a̧ttü̧, ttümä̧ 'kiyünä̧ kkü̧sä̧ pä'ü amükuädümä̧, ma̧kuä̧chü̧ juiya pä'ütä amükuädü kkä̧wi̧.

Hebreos 10:38

Ja̧'wa̧nü̧ ja̧'a̧ttü̧, adiwä jueinä̧ jȩpü̧ kkü̧mä̧, tta̧'kua̧ wȩnä̧rä̧kuä̧wä̧nä̧tä̧ ü̧jä̧kua̧; ja̧'wa̧nü̧ ja̧'a̧nä̧ o'ka'aku ppa̧'a̧chä̧chü̧rü̧mä̧, cha̧'kua̧rü̧ esewoka'a jä̧kua̧'a̧.

Hebreos 12:15

Adiu topäkuäu kka̧kuä̧tu̧kui̧, Dio rettü iyümä̧ ya̧tȩ'i̧nä̧ ku̧ja̧kui̧'ä̧tu̧kuo̧ka̧'a̧ kuȩmä̧tu̧kuä̧kua̧'a̧nü̧; pä̧i̧ jakuänä̧ ȩki̧pa̧'a̧ püttächi'ü ttoepomȩnä̧, rekuätürü surojuoepü juiyäkua'anü̧.

Hebreos 3:10

Ja̧'wa̧nü̧ ji̧yä̧ku̧ juätü isotürümä̧ chüjü'kü juiyünä̧ päi'äku, pä'inü̧sä̧: 'Kuäopünä̧tä̧ tta̧mi̧so'ki wea'akutä jȩpü̧ kka̧ku̧ to'e'ächinä̧tü̧, Ttü chu̧mä̧nä̧ ttu̧wo̧jua̧ pättoka'atä.

San Marcos 13:33

Ja̧'wa̧nü̧ ja̧'a̧ttü̧, ukutumä̧ tta̧'a̧rä̧kuä̧u̧ topärä̧kuä̧wä̧tu̧kui̧, isopäi'ünä̧ jä̧kuȩ mo̧ro̧mä̧ kuieruwätukua'attü̧.

San Mateo 24:4

Jesú-mä̧ ädätinä̧u̧: —Yapareu jittäwe'ünä̧mä̧, kuesetätukuä.

San Marcos 13:9

Ja̧'wa̧nü̧ ukututä'i̧nä̧, tta̧'a̧rä̧kuä̧u̧ kka̧kuä̧tu̧kui̧; isopäi'ünä̧, ruwotürü iyü ttikuäkuä̧u̧jä̧ ja̧'wa̧ta̧nü̧ sinagoga odewiyättü kuäkuättäkuä̧u̧jä̧. Ttü jäwänä̧mä̧, gobernador ruwotü ttä'ka jo̧mȩ'i̧nä̧, rȩjȩ ruwotü ttä'ka jo̧mȩ'i̧nä̧ ttȩpä̧kuä̧u̧jä̧; ttü chütü'kü juätürü jikuäwätukua pä'ü.

1 Tesalonicenses 1:9

Isopäi'ünä̧ o'katoi'ünä̧ ukuokuätü, ujuturu tichäja'a adiu jȩ'kui̧nä̧tu̧ku̧mä̧, ja̧'wa̧ta̧nü̧ ji'äwätü ku̧ä̧nä̧wa̧tu̧ku̧ tta̧'kua̧juä̧ tätäwä'karü kuesetinä̧tu̧kua̧'a̧, jaropi'ü Dio a̧'kua̧rü̧rü̧, jueü wȩnȩ i̧sa̧rü̧ kuesetinä̧tu̧kua̧'a̧'i̧nä̧.

Romanos 11:21

Isopäi'ünä̧ Dio-mä̧ ji̧nä̧so ji̧yȩtä̧ ä̧na̧jui̧yä̧'i̧nä̧ ukuotoka'a 'kui'opü ikuina̧'a̧mä̧, juȩnȩ yabonä̧ ukurumä̧ ya'utekutä jȩpü̧ ikuäku.

San Lucas 21:8

Ädätinä̧u̧: Yapareu jittäu kuesetätukuoka'a ttu̧'ȩpä̧rü̧nü̧ kka̧kuä̧tu̧kui̧. Isopäi'ünä̧ rekuätü ttü chi̧mi̧nä̧ ttichäkuotü. Pa̧'a̧nü̧ pä'ätü: «Ttütäsä Crito-mä̧, täkü jitä mo̧ro̧ pätekuächa'a» pätta'anä̧ kuesetätukuä.

San Marcos 13:23

Ja̧'wa̧nü̧ ja̧'a̧ttü̧ ttu̧'ȩpä̧rä̧kuä̧u̧ kka̧kuä̧tu̧kui̧; täkü ä'kanä̧ jidäwä̧u̧jä̧.

San Mateo 16:16

Päomȩnä̧, Simón Peduru-mä̧ päinä̧ku̧: —Ukumä̧, Crito-jä̧, a̧'kua̧rü̧ kkä̧ku̧ Dio weinä̧ku̧.

Colosenses 2:8

Ttu̧'ȩpä̧rü̧nü̧ to̧pä̧rä̧kuä̧wä̧tu̧kui̧ yapare wȩnȩ ttü̧ja̧ tamükuädünä̧ kuesetätuku juiyäkua'anü̧. Juätü ttü̧ja̧mä̧ Crito-rü ttukuota jueimä̧, pi̧jä̧nä̧ttü̧ we'ätü ttujuru kku̧nä̧rä̧tü̧rü̧tä̧ ukuotätü.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 3:19

Ja̧'wa̧nü̧ ji̧na̧'a̧mä̧ topätüjä̧; ttesetokomȩnä̧mä̧, dodepokotü pinä̧tü̧ pä'ü.

Hebreos 9:14

Ja̧'wa̧nü̧ ji̧na̧'a̧nä̧, juȩnȩ abonä̧nü̧ ujuru kka̧'a̧ Jesucrito ukuojamä̧. Jua'amä̧ Epíritu 'kuäopünä̧ kkü̧ jäwänä̧, chutä a̧mü̧nä̧ pa̧ja̧tü̧, surojü jui̧'a̧tä̧ iyäwina̧'a̧ttü̧ Dio ä'ka jo̧mȩ; ja̧'wa̧nü̧ jȩpü̧ wa'are jäwä tamükuädinü̧mä̧ tükü ikuinü̧, Dio a̧'kua̧rü̧rü̧ ukuotü tü̧ji̧ya̧rü̧ pä'ümä̧.

Hebreos 10:31

¡Rü̧ȩnä̧ ra̧wä̧pi̧ja̧'a̧, a̧'kua̧rü̧ Dio u̧mü̧nä̧ ma̧ttä̧mo̧mȩnä̧!

Hebreos 12:22

Ja̧'wa̧nü̧ ji̧nü̧ juei ukutumä̧, tü'küpächi'inä̧tü̧jä̧, Sión mü̧ä̧'kanä̧, Dio wa'okü ü̧jo̧mȩ ütawiyänä̧, mo̧ro̧jä̧ra̧'a̧ttü̧ Jerusarȩ́-nä̧ ja̧'wa̧ta̧nü̧ rekuätü á̧gȩrȩ, Dio-rü eseäkuäu ttü̧ka̧ka̧kuo̧mȩku̧,