Hebreos 2:17 - Nuevo Testamento Uwotjüja

¹⁷ Ja̧'wa̧nü̧ jȩa̧ pä'ümä̧ o'kajuiyünä̧tä̧ ü̧jä̧wa̧tü̧ ttomȩbü wa̧ pä'i'inü̧, Dio-ttü sacerdote-tü̧ ttu̧ru̧wa̧ päi'a pä'ü'i̧nä̧, re kkä̧kuä̧wä̧ i̧sa̧ päi'a pä'ü'i̧nä̧, jü̧nä̧; ja̧'wa̧ta̧nü̧ ttü̧ja̧ suronä̧ jȩttä̧'i̧jü̧ usurä ȩmä̧u̧ mitäu iku iso juo'epinü̧.

TÄ̧DO Ä̧CUÄ̧ I̧HUȨNȨ

¹⁷ Ja̧'hua̧nö̧ ja̧'a̧ttö̧ ö̧jä̧hua̧tö̧ ta'anö hua̧, adiunä ji'äu re rö̧jö̧nä̧ topö, Dios ä'ca jo̧mȩttö̧ adihuä sacerdote ru̧hua̧ päi'önä ö̧ja̧ pä'ö ichinödo. Ja̧'hua̧ta̧nö̧ ja̧u̧, ttö̧ja̧ suronä jȩtti̧nö̧ jȩpö̧ icua pä'ö jȩpö̧ sacrificio hui̧nö̧do.

Hebreos 2:17 Referans Kwoze

Hebreos 4:14

Ja̧'wa̧nü̧ ja̧'a̧ttü̧ Jesú-mä̧, ukuo i̧sa̧ sacerdote-tü̧ ttu̧ru̧wa̧ ja̧'a̧, mo̧ro̧jä̧ra̧'a̧ do'ächinü̧. Ja̧'wa̧ta̧nü̧ yabokutä tesetinü̧mä̧ tta̧'kua̧ tu̧wȩnä̧ra̧rü̧ pä'ü ja̧'a̧.

Hebreos 2:14

Ja̧'wa̧ta̧nü̧ ji̧nä̧ ya̧tȩ i̧tti̧mü̧, ttidepättü'i̧nä̧, ttukuojattü'i̧nä̧ ji̧nä̧ ji̧yȩtȩnä̧ ttä'ijüta'anü̧, Jesú'i̧nä̧ ttü̧ja̧ ttidepänä̧'i̧nä̧, ukuojanä̧'i̧nä̧ winü̧; wa'ü ikuomȩnä̧ ji̧yȩnä̧tä̧ wa'are ujuru kkȩdü̧ ikua pä'ümä̧, jua̧u̧mä̧ äwettärü ji̧na̧'a̧.

Hebreos 7:26

Ja̧'wa̧nü̧ ja̧'a̧ttü̧, ja̧'wa̧nü̧ wa̧ sacerdote-rü rekuä rü̧ji̧nä̧u̧jä̧: surojü'i̧nä̧ jui̧'a̧rü̧, idiku'i̧nä̧ jui̧'a̧rü̧, suronä̧ jȩpä̧tü̧ttü̧'i̧nä̧ otó wa̧rü̧ ja̧'wa̧ta̧nü̧, mo̧ro̧jä̧'i̧nä̧ u̧wä̧mȩnä̧ jü̧nä̧ jȩi̧nä̧ku̧ru̧.

Romanos 5:10

Isopäi'ünä̧ Dio-mä̧ aboiyotü ta'anä̧, i̧tti̧ wa'ü iku toe'ächinü̧ ji̧yȩnä̧tä̧ esekuinä̧u̧jä̧, juȩnȩ abonä̧nü̧ ja̧'a̧ esekuinü̧ o'ka'amä̧, jua̧u̧ a̧'kua̧ra̧'a̧ttü̧ surojüttümä̧ tü̧ji̧pä̧kuo̧tü̧jä̧.

Hebreos 2:11

Isopäi'ünä̧ o'katoi'ünä̧ surojüttü jȩpü̧ iku'i̧nä̧ ja̧'wa̧ta̧nü̧ surojüttü jȩpü̧ ikuinä̧u̧'i̧nä̧, o'katoi'ünä̧ ji̧nä̧ ya̧tȩtä̧ isotü wotüjä̧; ja̧'wa̧nü̧ ja̧'a̧ttü̧ chü̧jä̧wa̧tü̧ pä'ü o̧ä̧u̧jä̧, dä'ä juiyünä̧tä̧.

Hebreos 3:5

Ja̧'wa̧ta̧nü̧, Moisé-mä̧, Dio u̧mü̧wä̧ya̧ jü̧nä̧mä̧ adiu ukuotinü̧; ja̧'wa̧ta̧nü̧ Dio ȩmi̧nä̧u̧ru̧ tta̧'ä̧ri̧nü̧ weäwi'inü̧'a̧kuä̧mä̧; ja̧'wa̧ta̧nü̧ ji'äwinü̧ juätürü 'kuäopä̧kuȩ wȩnȩ'i̧nä̧.

Colosenses 1:21

Ja̧'wa̧ta̧nü̧, ukutu'i̧nä̧, ji̧yȩnü̧ mo̧ro̧mä̧ kko̧ro̧jä̧ ttü̧ja̧ winä̧tü̧rü̧, kuamükuädätuku'i̧nä̧ aboiyotütä winä̧tü̧rü̧, surojütä jȩpü̧ kka̧kui̧nä̧tü̧rü̧ jitämä̧ eseku ikuinä̧u̧jä̧,

Hebreos 7:28

Moisé weäwä wȩnȩnä̧mä̧ sacerdote-tü̧ tturuwotü päi'ünä̧ jȩpi̧nä̧tü̧, adiwä juei jo̧mȩnü̧mä̧ jȩttü̧ juiyünä̧ wotürü; ja̧'wa̧nü̧ ja̧'a̧nä̧, jua̧u̧ o'ka'a juramento pättünä̧, Dio jȩpi̧nü̧ I̧tti̧rü̧, sacerdote-tü̧ ttu̧ru̧wa̧ päi'ünä̧, 'kuäopünä̧tä̧ adiwä juei kku̧nä̧rü̧rü̧.

Efesios 2:16

Ja̧'wa̧nü̧ jȩpü̧ tosare isotürümä̧, idepänä̧ ü̧jo̧kä̧nü̧ to'e'ü Dio-rü eseku iyinü, ja̧'wa̧nü̧ ja̧'a̧ttü̧ ttürowäwä'ijümä̧ wa'ü ikunä̧ jȩpi̧nü̧.

Romanos 15:17

Jesucrito ttürü Dio aditäwä chaditünä̧ jȩi̧nü̧mä̧ juiyo eseusä.

Hebreos 3:2

Isopäi'ünä̧ Jesú-mä̧, Dio Moisé-rü weinüta'anü̧; Dio ȩmi̧nä̧u̧ru̧ tta̧wä̧ra̧ pä'ü weinä̧ku̧.

Hebreos 2:16

Isopäi'ünä̧ á̧gȩrȩ-rü ppäda pä'ümä̧ ichokü pinü̧, ji̧nä̧somä̧ Abraha̧ i̧tti̧mü̧ o'kotürü ppäda pä'ü ichinü̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Hebreos 4:15

Isopäi'ünä̧ ujutu tijuiyüwa'a rettü ppädü'anü̧ wa̧mä̧ to'ätüjä̧ ukuo i̧sa̧ sacerdote-tü̧ ttu̧ru̧wa̧mä̧. Ja̧'wa̧nü̧ ja̧'a̧nä̧, Jua̧u̧tä̧tä̧ ja̧'a̧, ujutu ta̧'a̧nü̧ wa̧rü̧ kka̧kuä̧mȩ'ü̧ toinä̧ku̧mä̧; ja̧'wa̧nü̧ ja̧'a̧nä̧ yoriso surojümä̧ jȩpo̧kü̧ pinü̧.

Hebreos 5:1

O'katoi'ünä̧ sacerdote-tü̧ tturuwotümä̧ ttü̧ja̧ ttü̧'kä̧tȩttü̧ pojopü ȩmä̧wo̧tü̧ ja̧'a̧, Dio ä'ka jo̧mȩ ttü̧ja̧ tti̧mi̧nä̧ ttukuokua pä'ü ja̧'wa̧ta̧nü̧ ofrenda jȩtta̧ pä'ü'i̧nä̧, suronä̧ jȩttä̧'i̧ja̧'a̧ sacrificio pättü jȩtta̧ pä'ü'i̧nä̧, jü̧nä̧.

Hebreos 5:2

Jua'amä̧ sacerdote'i̧nä̧ ttü̧ja̧ i̧sa̧ ja̧'a̧ttü̧ a̧mi̧ 'kuä'ü, re ü̧ja̧ pä'ü ja̧'a̧ jerupü surojuo'ächinä̧tü̧rü̧;

Hebreos 5:5

Ja̧'wa̧nü̧ ji̧nü̧ta'anü̧, Crito'i̧nä̧, a̧mü̧nä̧ pa̧ja̧tü̧mä̧ sacerdote-tü̧ ttu̧ru̧wa̧ päi'ünä̧mä̧ rütäwokü pinü̧, suro Chutä, Dio-tä iyinä̧ku̧, jua̧u̧ uruwomä̧, pa̧'a̧nü̧ pä'ü: «Ukumä̧ chi̧tti̧jä̧; pi̧yȩ mo̧ro̧ chuwäbe'äkujä̧.»

Hebreos 5:10

Ja̧'wa̧nü̧ jo̧mȩnä̧ Dio-mä̧ sacerdote-tü̧ ttu̧ru̧wa̧ päi'ünä̧ jȩi̧nä̧ku̧, Mequisede-rü ji̧nü̧ta'anü̧.

Hebreos 6:20

Jua'a Jesú ä̧kuo̧mȩnä̧ doächi'omȩnä̧mä̧, tu̧mä̧nä̧ ba'epinü̧, 'kuäopünä̧tä̧ sacerdote-tü̧ ttu̧ru̧wa̧ päinü̧nä̧tä̧ jü̧nä̧, Mequisede aditäwänä̧ winä̧tü̧ ji̧nü̧ta'anü̧.

Hebreos 8:1

Ja̧'wa̧nü̧ ji̧na̧'a̧ ji̧nä̧so ji̧yȩtä̧ ukuo jäwä pätümä̧ pi̧yȩ ja̧'a̧, sacerdote-tü̧ ttu̧ru̧wa̧mä̧ mo̧ro̧jä̧nä̧ kkü̧ Dio i̧dȩä̧kä̧ u̧wo̧jua̧'a̧ku̧nä̧ pä̧mä̧di̧nü̧ pä'ätüjä̧.

Hebreos 8:3

O'katoi'ünä̧ pi̧jä̧ttü̧ sacerdote-tü̧ tturuwotü päi'ünä̧ kku̧nä̧wo̧tü̧mä̧ eseu ttiya pä'ü ja̧'wa̧ta̧nü̧ ttü̧ja̧ suronä̧ jȩtta̧'a̧ mikuäwächü sacrificio'i̧nä̧ jȩpi̧nä̧tü̧ ja̧'wa̧nü̧ ji̧na̧'a̧ttü̧ Jesucrito'i̧nä̧ ji̧yȩtȩ Dio-rü iya pä'ü ja̧'a̧.

Hebreos 9:11

Ja̧'wa̧nü̧ ja̧'a̧nä̧ jitämä̧ Crito ja̧'a̧ i̧jȩkui̧nü̧mä̧ sacerdote-tü̧ ttu̧ru̧wa̧, adiwä juei tta̧wä̧rä̧kuä̧wä̧ i̧sa̧ jü̧nä̧. Dio-rü ukuokuäkuäwomȩ «Tabenákuro» pättomȩ, juȩnȩmä̧ rü̧o̧mȩ, surojü'i̧nä̧ juiyomȩ ja̧'a̧nä̧ ttu̧mü̧nä̧'i̧nä̧ adikuokomȩ, ja̧'wa̧nü̧ ja̧'a̧ttü̧ pi̧jä̧ ttü̧ja̧'i̧nä̧ adikuokomȩ ja̧'a̧.

Hebreos 10:21

Ja̧'wa̧nü̧ ji̧na̧'a̧ttü̧ sacerdote-tü̧ ttu̧ru̧wa̧ ukuo i̧sa̧rü̧ kku̧nä̧rä̧tü̧jä̧, Dio ojusodenä̧mä̧.