Hebreos 2:1 - Nuevo Testamento Uwotjüja

¹ Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

TÄ̧DO Ä̧CUÄ̧ I̧HUȨNȨ

¹ Ja̧'hua̧nö̧ ja̧'a̧ttö̧ tä̧ju̧cui̧nö̧mä̧ yabonö tesetö'a̧nö̧ ja̧'a̧, adihuä juäi mä̧nä̧ jaroti'ö juiya pä'ö.

Hebreos 2:1 Referans Kwoze

San Lucas 8:15

Ja̧'wa̧ta̧nü̧ rȩjȩ adiwomȩ ma̧ä̧chi̧nü̧ jä̧ji̧mä̧, Dio i̧wȩnȩ tta̧mi̧so'kinä̧ adiu 'chu'ädü ä̧ju̧ku̧, ji̧yȩnä̧tä̧ ukuotü kkä̧nü̧, u̧wä̧ju̧ kku̧nä̧rä̧tü̧rü̧ wȩnȩkuä̧cha̧'a̧.

2 Pedro 3:1

Pi'tä ja̧'a̧ chi̧jä̧wa̧tü̧, jua̧u̧nü̧ o'ka'a ukuru wȩyu̧tu̧ wedä'tämä̧. Todärekue'ü jueünä̧ kuamükuädätukua pä'ü ro̧'ȩpü̧ ji̧dä̧wä̧u̧jä̧.

2 Pedro 1:15

Ja̧'wa̧nü̧ ja̧'a̧nä̧ o'kajuiyünä̧ jȩchü̧'a̧nü̧ jü̧mä̧ jȩchä̧kua̧sä̧ 'korujuodächü o'ka'a pi̧yȩ wȩnȩ tta̧mü̧kuädäkua'anü̧.

Hebreos 12:5

Ja̧'wa̧ta̧nü̧ unichi'inä̧tü̧jä̧, Dio i̧tti̧mü̧rü̧, pa̧'a̧nü̧ ro̧ȩpi̧nü̧mä̧: «Chi̧tti̧, Tu̧ru̧wa̧ ro̧ȩpo̧mȩnä̧mä̧ ya̧kuo̧kuä̧rä̧, ja̧'wa̧ta̧nü̧ suronä̧ jȩ'kui̧yä̧ku̧ jiäwomȩnä̧ kuijuiyuwächi'ä, pä'ijümä̧.

San Marcos 8:18

¿Kui'äretukumä̧ ku̧ju̧nä̧rä̧tu̧kua̧'a̧nä̧ topokotüjä̧ tä̧jí̧ ja̧'wa̧ta̧nü̧ ä̧ju̧kuä̧kuä̧wä̧'i̧nä̧ ku̧ju̧nä̧rä̧tu̧kua̧'a̧nä̧ ä̧ju̧kuo̧ko̧tü̧jä̧ tä̧jí̧? ¿Yoriso kuamükuädi'ätuku juiyünä̧ ja̧'a̧ tä̧jí̧?

San Mateo 16:9

¿Ji̧nä̧ wo̧jui̧'o̧ko̧tü̧jä̧ tä̧jí̧, ji̧mü̧tȩ jäwä trigo ire o̧si̧tä̧ jä̧ja̧'a̧ Cinco mil-nü̧ wotü ttukuinü̧mä̧? ¿ja̧'wa̧ta̧nü̧ kka̧kui̧pä̧ji̧ttü̧ rü̧ȩnä̧ o'ta jo̧mȩnä̧ ku̧ka̧ka̧ti̧nä̧tu̧ku̧mä̧?

San Lucas 9:44

Pi̧yȩ adiu 'chu'ädi'ü ä̧ju̧kuä̧tu̧kui̧: Ubó I̧tti̧rü̧mä̧ ttü̧ja̧ ttu̧mü̧nä̧ iyü tti̧kuä̧kua̧.

San Juan 8:59

Päomȩnä̧, juätü judío-mä̧ inä̧du ȩmi̧nä̧tü̧ ikuäu ttikuarü pä'ü; ja̧'wa̧nü̧ ja̧'a̧nä̧ Jesú-mä̧, ttü̧ja̧ ttü̧'kä̧tȩ jo̧mȩnä̧ dajawächü Dio-rü ukuokuäkuäwodettümä̧ rä'opächinü̧.