Hebreos 13:7 - Nuevo Testamento Uwotjüja

⁷ Amükuädätukui kuruwotü pató-tü̧, Dio i̧wȩnȩ jittäwinü̧mä̧; jȩpü̧ ttü̧jo̧mȩnä̧ tti̧rȩbȩwi̧na̧'a̧ttü̧ topü, tta̧'kua̧ ttu̧wȩnä̧ri̧nü̧'a̧kuä̧ ukutu'i̧nä̧ kua̧'kua̧ wȩnä̧rü̧ jȩpä̧tu̧kui̧.

TÄ̧DO Ä̧CUÄ̧ I̧HUȨNȨ

⁷ Ucuturu huo̧juȩtö̧ ppä'ädinätörö'inä, Dios i̧huȩnȩ ucuturu ji'ähuinätörö'inä cunichi'ätucuä'. Jahuätö ttö̧ji̧nö̧'a̧nö̧ amöcuädätucui. Ja̧'hua̧ta̧nö̧ jahuätö ttesetinö'a̧nö̧ esetö ka̧cuä̧tu̧cui̧.

Hebreos 13:7 Referans Kwoze

Hebreos 13:17

Ukuturu tta̧'a̧rä̧tü̧ pató-tü̧rü̧ ukuotü esetätukui, jua'amä̧ Dio-rü tti̧jȩpä̧kua̧'a̧ ukuturu 'kuäopünä̧ tta̧ttä̧ra̧'a̧ttü̧ kuesewätukuäkua'anü̧; surojü juiyünä̧, adiunä̧ jü̧tä̧ jȩpä̧tu̧kui̧, surojümä̧ ppädokü ja̧'a̧ttü̧.

Filipenses 3:17

Chawaruwä chi̧jä̧wa̧tü̧, ttü jȩcha̧'a̧ topü jȩpä̧tu̧kui̧ ja̧'wa̧ta̧nü̧ kkorotü ja̧'wa̧nü̧ jȩpü̧ kka̧kuä̧tü̧rü̧ topü tätukui.

Hebreos 6:12

Kutäwächätukuamä pä'okotüjä̧, pärokuänä̧ jitü Dio-rü tta̧'kua̧ wȩnä̧rä̧tü̧ tti̧'chü̧'a̧nü̧, ku̧jä̧tu̧kua̧ pä'ätüjä̧ ja̧'wa̧nü̧ jȩpü̧ ku̧jä̧tu̧ku̧ttü̧mä̧ kuȩmä̧tu̧kuao̧tü̧jä̧ Dio iya päinü̧mä̧.

1 Tesalonicenses 1:6

Ukutumä̧, ujutu jȩpü̧ tü̧ja̧kui̧nü̧ta̧'a̧nü̧'i̧nä̧, Tu̧ru̧wa̧ jȩi̧nü̧ta̧'a̧nü̧'i̧nä̧ jȩpä̧tü̧jä̧, wȩnȩ rü̧ȩnä̧ usurä kuȩmä̧wä̧tu̧kua̧'a̧nä̧'i̧nä̧, Epíritu Sa̧tu̧ kuesewätukunä̧ iyomȩnä̧.

Hechos 14:23

Ja̧'wa̧ta̧nü̧ igresia jü̧'a̧kuä̧ A̧ci̧a̧nu̧tu̧-tü̧rü̧ kku̧nä̧'chi̧nä̧tü̧; ttu̧kuȩ a̧do̧chü̧ Dio-rü ukuoku, Ttu̧ru̧wa̧ ttesetäkuru iyü ukuokuinä̧tü̧.

San Mateo 24:45

¿Tideja̧'a̧jä̧ttü̧ u̧mü̧wä̧ya̧ ttu̧'ȩpä̧rü̧nü̧ ukuotümä̧? jua̧u̧mä̧ chú jä̧kua̧'a̧, u̧ru̧wa̧ ojusodenä̧ we'ü u̧ju̧ni̧'ä̧ku̧, ttu̧kuȩ iyäwomȩ pätekuächomȩnä̧ iyiyarü pä'ü.

1 Timoteo 3:5

Isopäi'ünä̧ ya̧tȩ a̧mü̧nä̧ pa̧ja̧tü̧ ojusode'i̧nä̧ tta̧wä̧rä̧kuä̧wä̧ ieruwa'amä̧, ¿Tta̧'a̧nü̧ tta̧wä̧rä̧kua̧'a̧jä̧ttü̧ Dio i̧tti̧mü̧rü̧mä̧?

Hebreos 13:24

O'katoi'ünä̧rü̧, kuruwotuku pató-tü̧rü̧'i̧nä̧ ja̧'wa̧ta̧nü̧ o'katoi'ünä̧ esetinä̧tü̧rü̧mä̧ te'äwiyätukuittü. Ja̧'wa̧ta̧nü̧ Itaria rȩjȩ ttü̧ja̧'i̧nä̧, pottümä̧ tettäwä̧u̧jä̧.

1 Tesalonicenses 2:13

Ja̧'wa̧nü̧ ja̧'a̧ttü̧, 'kuäopünä̧ Dio-rümä̧ eseunu̧ ukuokuätüjä̧. Jua'amä̧ Dio i̧wȩnȩ jitäwomȩnä̧ ttü̧ja̧ tti̧wȩnȩ 'kua̧rü̧nä̧ kuä̧ju̧kuä̧tu̧kuo̧ka̧'a̧, Dio i̧wȩnȩ jü̧nä̧tä̧, kuesetinä̧tu̧kua̧'a̧ttü̧, iweye ja̧'wa̧nü̧ ja̧'a̧tä̧mä̧. Jua̧u̧ wȩnȩtä̧ ja̧'a̧ isopäi'ünä̧ ukutu esetätünä̧ aditümä̧.

1 Corintios 4:16

Ja̧'wa̧nü̧ ja̧'a̧ttü̧, jädepä̧u̧jä̧ ttü jȩchü̧'a̧kuä̧ topü jȩpü̧ ku̧jä̧tu̧kua̧ pä'ü.

Romanos 10:17

Ja̧'wa̧nü̧ ja̧'a̧ttü̧, tta̧'kua̧ wȩnä̧rä̧kuä̧wä̧mä̧ icha'a, ttä̧ju̧kuo̧mȩnä̧ ja̧'wa̧ta̧nü̧ ä̧ju̧kuä̧tü̧jä̧ Dio i̧wȩnȩnä̧tä̧.

Hechos 4:31

Ja̧'wa̧nü̧ pä'ü Dio-rü ukuoku kättädomȩnä̧, juȩnȩ ttü̧'ȩjo̧mȩmä̧ tti̧ȩ́'i̧na̧'a̧; ja̧'wa̧nü̧ päi'omȩnä̧ juȩnȩ kka̧kuä̧tü̧ o'katoi'ünä̧ Epíritu Sa̧tu̧ jäwä jo̧mȩnü̧ pätti'omȩnä̧, Dio i̧wȩnȩ ttujuruku ji'äwinä̧tü̧.

Apocalipsis 6:9

Ja̧'wa̧ta̧nü̧ oweja mü̧ä̧ya̧ jü̧nä̧ wa̧ ji̧mü̧tȩ jäwä sello bawepomȩnä̧, Altar pättomȩ dȩa̧'a̧ku̧ kka̧kuä̧tü̧rü̧ topinü̧sä̧, Dio i̧wȩnȩ jittäwiyä̧u̧, weinü̧nä̧ ttü̧ja̧kui̧yä̧u̧ kuä'äu ttikuinä̧u̧ru̧.

Apocalipsis 20:4

Ja̧'wa̧ta̧nü̧ topinü̧sä̧, ruwo dȩä̧ki̧yä̧nä̧, adiwomȩnä̧ ruwo wetta pä'ü weäwi̧'i̧nä̧u̧ ttü̧'ȩja̧'a̧. Ja̧'wa̧ta̧nü̧ topinü̧sä̧, jitürü'i̧nä̧, Jesú-ru ttukuotomȩnä̧, Dio i̧wȩnȩ ttukuotomȩnä̧ ttu piyä 'kui'ü tti̧kui̧nä̧u̧rü̧'i̧nä̧. Juätümä̧ i̧sa̧ büó betia a̧'kua̧juä̧ isä'kanä̧'i̧nä̧, weinü̧'a̧kuä̧; tti'änä̧'i̧nä̧, ttu̧mü̧nä̧'i̧nä̧ ttütatü pä'ü we'äwokotü pinä̧tü̧ ji̧na̧'a̧. Juätümä̧ pä'äjita'anü̧ a̧'kua̧ri̧'ä̧ja̧'kotü̧, Crito-ku mil años jo̧mȩnä̧ ruwo we'inä̧tü̧.

Apocalipsis 1:9

Ttü, Ju̧a̧, Crito-nä̧ ku̧jä̧wa̧tu̧ku̧ wa̧, ukutu jü̧ta̧'a̧nü̧ Dio weü jäwänä̧ usurä ȩmä̧kuä̧wä̧ i̧sa̧, Jesucrito a̧mi̧ 'ki'ächi'ü jäwänä̧ wa̧sä̧. Pamo pä̧ttä̧sa̧ kkä'ko i̧sä̧sa̧nä̧; Dio i̧wȩnȩ jäwänä̧ ja̧'wa̧ta̧nü̧ Jesucrito jäwänä̧ ttȩpi̧nä̧ku̧ kkä̧nü̧,

2 Tesalonicenses 3:9

Isopäi'ünä̧ ukutu ppäkuädätukua pä'ümä̧ jätepü'anü̧ ja̧'a̧nä̧, ujutumä̧ aditinä̧tü̧jä̧, ukutu'i̧nä̧ taditüta'anü̧ aditü weyejuokuätukua pä'ü tu̧wo̧juȩta̧'a̧ttü.

1 Corintios 11:1

Ttü jȩchü̧ jȩpä̧tu̧kui̧, ttü'i̧nä̧ Crito jȩü̧ jȩchü̧ta̧'a̧nü̧.

San Lucas 12:42

Päiyäku Jesú-mä̧ ädätinä̧ku̧: ¿Dí ja̧'a̧jä̧ttü̧ ukututtü u̧ru̧wa̧ iäre adiu wo̧juȩku̧nä̧ tta̧wä̧ra̧ pä'ü u̧ju̧nä̧kua̧mä̧, jua̧u̧ ichomȩnä̧ aditäwä jä̧jí̧ i̧mi̧tarü pä'ü?

San Lucas 8:11

Wȩnȩtü̧ jidäwäjimä̧, pi̧yȩ ja̧'a̧: U̧wä̧ju̧ jä̧ji̧mä̧, Dio i̧wȩnȩ ja̧'a̧;

2 Tesalonicenses 3:7

Isopäi'ünä̧ ukutumä̧ wo̧juä̧tü̧jä̧ ujutu to'ka'anä̧ tti̧'cha̧ pä'ü kkä̧kuä̧wä̧mä̧: ujutumä̧ ukutu ku̧'kä̧tȩtu̧ku̧ttu̧mä̧ ütäwe'ä'chü taditoka'amä̧ kko̧ko̧tü̧ pinä̧tü̧jä̧,

1 Corintios 10:13

Ukutumä̧ kkorotü ttü̧ja̧ usurä ttȩmä̧wä̧'i̧jü̧ jueitä 'kuäopä̧u̧jä̧; ja̧'wa̧nü̧ ja̧'a̧nä̧ Dio-rümä̧ kua̧'kua̧ wȩnä̧rä̧tu̧kui̧, kua̧mi̧ 'kikuächi'ätuku juiyünä̧ jü̧ 'kuäkuopätukua'anä̧ ja̧'a̧tä̧mä̧ tooko̧u̧ kuäkuotüjä̧. Jua̧u̧ yabonä̧, usurä kuȩmä̧wä̧tu̧ku̧ ichomȩnä̧mä̧, ji̧yȩtä̧ku̧ yo̧mȩtȩnä̧, jua̧u̧ttü̧ räkuopächätuku'i̧nä̧ iyü kkä̧nü̧, kua̧mi̧'kikuächi'ätukumä̧ iyäkuä̧u̧jä̧.

Hechos 13:46

Ja̧'wa̧nü̧ pä̧tti̧yä̧u̧, Pauru-mä̧, Bernawé-ku pä̧i̧ku̧nä̧ pättinä̧u̧: —Isopäi'ünä̧, ä̧kuo̧mȩnä̧mä̧ ukutu judío-rü, Dio i̧wȩnȩ jitäwa pä'ü ji̧na̧'a̧nä̧; kkü'kü jui'ü ya'oku kkä̧kuä̧wä̧ i'ko'i̧nä̧ kuȩma̧ päkuätukuoka'attü̧, judío pokotürütä ji'äu 'chä̧tü̧jä̧.

San Lucas 5:1

Ya'utenä̧ Jesú-mä̧ Genesaret rü̧ä̧ dubora jäyora ü̧ja̧'a̧, Dio i̧wȩnȩ ttä̧ju̧kua̧ pä'ü ttü̧ja̧mä̧ rü̧ȩnä̧ ttü̧ka̧ka̧kuo̧mȩnä̧ ppi̧ä̧chä̧rü̧nä̧ ja̧'a̧,

1 Pedro 4:11

Ya̧tȩ ukuokuttümä̧, Dio i̧wȩnȩ päü'anü̧ ukuoku. Ya̧tȩ ji̧yȩtȩ aditüttümä̧ Dio ujuru iyü'akuä̧ aditü, o'kajuiyünä̧ jȩ'ku̧mä̧, Dio-rü Jesucrito-nä̧ tteseunä̧ jȩpi̧, eseäkuäwä'i̧nä̧, ttujuru'i̧nä̧ 'kuäopünä̧ u̧ru̧wa̧rü̧tä̧. Amȩ́.