Hebreos 13:5 - Nuevo Testamento Uwotjüja

⁵ Pärätänä̧mä̧, juiyomä̧ kua̧'kua̧ rokuekuätukuä; ku̧ju̧nä̧rä̧tu̧ku̧tä̧ esewätukui, Dio-mä̧ pä'inü̧: «usurä kuȩmä̧u̧nä̧mä̧ chikuipokoku jä̧kua̧jä̧»;

TÄ̧DO Ä̧CUÄ̧ I̧HUȨNȨ

⁵ Pärätä'inä repecuhuätucuä'. Cu̧ju̧nä̧rä̧tu̧cu̧ amöcuädö, esehuätucui. Dios pa̧'a̧nö̧ pä'inödo: “Yoröiso jarochi'ococujä. Yoröiso chicuipococujä.”

Hebreos 13:5 Referans Kwoze

San Mateo 6:25

Ja̧'wa̧nü̧ ja̧'a̧ttü̧ ukuturu pä'üsä: Pi̧jä̧ttü̧ kua̧'kua̧rä̧tu̧ku̧mä̧ kua̧'kua̧ rokuekuätukuä, ¿däjé tukuäkua'a jä̧ttü̧, däjé tawäkua'a jä̧ttü̧ ja̧'wa̧ta̧nü̧ däjé tu̧'ka̧tä̧wä̧kua̧'a̧ jä̧ttü̧? pä'ümä̧. Isopäi'ünä̧ a̧'kua̧rä̧kuä̧wä̧mä̧, ¿ttu̧kuȩttü̧'i̧nä̧ u̧wä̧mȩnä̧mä̧ mikuäwokü ja̧'a̧ tä̧jí̧? ja̧'wa̧ta̧nü̧ ttidepä jättäjimä̧ ¿ttü̧'ka̧tä̧ü̧ttü̧'i̧nä̧ u̧wä̧mȩnä̧ mikuäwokü ja̧'a̧ tä̧jí̧?

San Mateo 6:34

Ja̧'wa̧nü̧ ja̧'a̧ttü̧ yo̧i̧mo̧ro̧ 'kuäopäkuȩmä̧ kua̧'kua̧ rokuekuätukuä, suro ji̧yȩ mo̧ro̧tä̧'i̧nä̧ surojü tta̧'kua̧ roekuäkuäwämä̧ kka̧'a̧.

Colosenses 3:5

Ja̧'wa̧nü̧ ja̧'a̧ttü̧, pi̧jä̧ jäwä surojü ukutunä̧ kka̧ku̧mä̧ o'kajuiyünä̧ wa'ü ikunä̧ jȩpä̧tu̧kui̧: irekua wokojuku jȩä̧'chä̧kuä̧wä̧'i̧nä̧, surojütä jȩä̧'chä̧kuä̧wä̧'i̧nä̧, kuidepä kkü'keku kkä̧kuä̧wä̧'i̧nä̧, surojütä kkü'käwä'i̧nä̧, o'kajuiyünä̧ obonä̧nü̧ ttu̧ju̧nä̧ra̧ pä'ü tta̧'kua̧ roekuäkuä'i̧nä̧ juiyünä̧ (ttü̧ä̧nä̧wa̧rü̧ ttukuota'a 'kua̧rü̧nä̧mä̧) jȩ'kuä̧.

San Lucas 3:14

Ja̧'wa̧ta̧nü̧ su̧ro̧do̧u̧ttü̧'i̧nä̧ yotüte jä'epü ttä̧ju̧kui̧nä̧ku̧: —Ujutu'i̧nä̧ ¿däjetä jȩtü̧'a̧nü̧jä̧ttü̧? Jättepäku ädätinä̧u̧: —Ya̧tȩrü̧'i̧nä̧ ye'epä'chü jȩ'kuä̧tu̧kuä̧, jȩtto̧ka̧'a̧nä̧mä̧ yapareu kärenä̧ ttütünä̧mä̧ jȩ'kuä̧'chä̧tu̧kuä̧: —Kuäditäwätuku ttimi̧tünä̧tä̧ esewätukui.

2 Pedro 2:14

Isajuru ttüjü'kokokua jü̧nä̧mä̧ topokotü; surojü jü̧ttü̧'i̧nä̧ 'kuä'ächi'okotü. Tta̧'kua̧rü̧nä̧ jiyupätürü yaparewä'chätü; ruwotü juoäwätä wo̧juä̧tü̧; juätü ttü̧ja̧mä̧ kueyowächi̧nä̧tü̧.

1 Timoteo 3:3

Tä̧'ä̧mä̧'chü̧'i̧nä̧, rowäwä'chü'i̧nä̧ jȩü̧ juiyü'anü̧ ja̧'a̧, ja̧'wa̧nü̧ ja̧jü̧ jueimä̧ re kkä̧kuä̧wä̧ i̧sa̧tä̧, unichä̧rü̧ kkä̧nü̧tä̧ ja̧'wa̧ta̧nü̧ pärätä'i̧nä̧ a̧'kua̧ roeku juiyü'anü̧ ja̧'a̧.

Efesios 5:5

Ja̧'wa̧ta̧nü̧ wo̧juä̧tü̧jä̧, ya̧tȩ ü'käwoka'a jȩpä̧'chü̧'i̧nä̧, surojünä̧ kkü̧'i̧nä̧, kkorojuei yaboku u̧ju̧nä̧ra̧ pä'ü'i̧nä̧, ttü̧ä̧nä̧wo̧tü̧rü̧ tätäwa'a esetü'i̧nä̧, Dio weomȩmä̧, Crito weomȩmä̧ do'ächokü jä̧kua̧.

2 Pedro 2:3

Pärätä tta̧'kua̧ ro'ekumä̧, ukuturu kuesetipätukunä̧ ttu̧wo̧juȩtä̧kuo̧tü̧jä̧; ja̧'wa̧nü̧ ja̧'a̧nä̧ usurä ttȩmä̧u̧nä̧ päwi'ino̧mȩ tta̧wä̧rä̧u̧, ja̧'wa̧nü̧ ja̧'a̧ttü̧ mo̧tä̧ päi'ünä̧ usurä ttȩmä̧wä̧kuo̧tü̧ pä'ü kku̧nä̧wo̧tü̧.

Efesios 5:3

Ja̧'wa̧nü̧ ja̧'a̧nä̧, nä̧tü̧rü̧ jȩä̧'chä̧kuä̧wä̧mä̧, surojümä̧, o'kajuiyütä kkü'käwämä̧, ukutu jȩ'kuä̧tu̧kua̧'a̧ ukuowa pä'ümä̧ juiya'a, surojü jui'ätü kuätukua'attü.

1 Corintios 5:11

Ja̧'wa̧ta̧nü̧ pä'üsä, wȩyu̧tu̧ we'inü̧sä̧ Crito-nä̧ chi̧jä̧wa̧tü̧ tta'anä̧, tti̧rȩkua̧mü̧ wokotüku jȩä̧'chä̧kuä̧wä̧nä̧'i̧nä̧, ruwotü juotta pä'ü tta̧'kua̧ roekuäkuäwänä'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧kuä̧wä̧nä̧'i̧nä̧; surojuo'epü pä'chäkuäwänä̧'i̧nä̧, tä̧mä̧'chä̧kuä̧wä̧nä̧'i̧nä̧, nä̧u̧kuä̧rä̧kuä̧wä̧nä̧'i̧nä̧ kka̧kuä̧tü̧rü̧. Ja̧'wa̧nü̧ wa̧ku̧mä̧ ttu̧kuȩ'i̧nä̧, ttüku juiya pä'ü.

San Lucas 8:14

Ja̧'wa̧ta̧nü̧ so̧ä̧'kua 'kä̧tȩ jo̧mȩ ma̧ä̧chi̧nü̧ jä̧ji̧mä̧, Dio i̧wȩnȩmä̧ ttä̧ju̧kua̧'a̧nä̧, ji̧yȩnä̧tä̧ ttü̧jo̧mȩnä̧, 'kuo̧pa̧ja̧'a̧nä̧ tta̧'kua̧ roekuäkuäwänä̧, pärätänä̧, pi̧jä̧ üadiwänä̧, u̧wä̧ju̧ ttiyü juiyünä̧tä̧ ma̧'ä̧mä̧tü̧rü̧ wȩnȩkuä̧cha̧'a̧.

San Marcos 7:22

o'kajuiyünä̧ ttu̧ju̧nä̧ra̧ pä'ü kkü'käwämä̧, yapareäkuäwämä̧, tta̧mü̧nä̧ ukuo teäkuäwämä̧ ja̧'wa̧ta̧nü̧ wo̧juȩku̧nä̧ amükuädäkuäwokümä̧.

Judas 1:11

¡Juätüwe!, juätümä̧ Caín ji̧nü̧ta'anü̧ jȩpü̧ kka̧kuä̧tü̧. Balaam ji̧nü̧ta̧'a̧nü̧tä̧, pärätä amükuä̧rü̧tä̧ jȩpä̧tü̧. Coré pä'ü mi̧kua̧ ji̧nü̧ta̧'a̧nü̧tä̧, jarode'ü pä̧i̧nä̧tä̧ totte'ächäkuotü.

1 Corintios 6:10

nä̧u̧kuä̧rä̧tü̧'i̧nä̧, ruwoku tta̧'kua̧ ro'ekuätü'i̧nä̧, tä̧'ä̧mä̧'chä̧tü̧'i̧nä̧, suronä̧ pä'ä'chätü'i̧nä̧, nä̧u̧kuä̧rä̧tü̧'i̧nä̧ dodettokäkuotü ru̧wa̧ Dio weomȩmä̧.

Romanos 1:29

Ja̧'wa̧nü̧ jo̧mȩnä̧ surojü o'kajuiyütä jȩpä̧tü̧, tti̧rȩkua̧mü̧ pokotüku ä'ä'chäkuäwätä, surojuoächäkuäwätä, kkorojuei kkü'käwätä, surojü jȩä̧kuä̧wä̧tä̧; ttawaruwärü kkü'käwokütä, kuäwätä, rowäkuäwätä, yapare wȩnȩtä̧, ma̧ttä̧chü̧nä̧ tto̧ȩpä̧rä̧kuä̧wä̧tä̧.

San Mateo 6:19

Kuiäretuku rü̧ȩnä̧ mikuäumä̧ pi̧jä̧nä̧mä̧ ku̧ka̧ka̧tä̧tu̧kuä̧, ju̧wi̧tü̧ ttu̧kui̧'ä̧jä̧nä̧mä̧, toe'ächä̧jä̧nä̧mä̧ ja̧'wa̧ta̧nü̧ nä̧u̧kuä̧rä̧tü̧ ttü̧nä̧u̧kuä̧rä̧jä̧nä̧mä̧.

2 Corintios 4:9

Suronä̧ jȩtta̧tü̧ pä'ü ttusa'anä̧, Dio-mä̧ tta̧wä̧rä̧u̧jä̧. Tijuiyuwächi'ünä̧ jȩtta̧'a̧nä̧, si'epümä̧ tti̧kuo̧ko̧u̧jä̧.