Hebreos 13:4 - Nuevo Testamento Uwotjüja

⁴ O'katoi'ünä̧ tti̧rȩkua̧mü̧rü̧ kku̧nä̧rä̧tü̧rü̧mä̧ ukuotätukui ja̧'wa̧ta̧nü̧ kuirekuamü̧tu̧ku̧ku̧ ku̧ja̧kuä̧kuä̧wä̧tu̧ku̧mä̧ surojü juiyünä̧tä̧ kka̧kuä̧wä̧tu̧kui̧; jua'amä̧ ttȩmä̧kuä̧wo̧ka̧'a̧nä̧ kka̧kuä̧wä̧tü̧rü̧'i̧nä̧ ja̧'wa̧ta̧nü̧ kkorotü tti̧rȩkua̧mü̧rü̧ jȩpä̧'chä̧tü̧rü̧'i̧nä̧, Dio-mä̧ ü̧tä̧bo̧tä̧kua̧ ja̧'a̧.

TÄ̧DO Ä̧CUÄ̧ I̧HUȨNȨ

⁴ O'ca toi'önä cuirecuarö ku̧nä̧rä̧tö̧mä̧, korotö ucuturu ttucuotäcua'a̧nö̧. Karajuru suronä jȩcu̧'ä̧'chä̧tu̧cuä̧'. Ja̧'hua̧nö̧ irecuarö ku̧nä̧rö̧, nä̧tö̧rö̧ suronä jȩpä̧'chö̧rö̧'i̧nä̧, irecua to̧'a̧ nä̧tö̧rö̧ suronä jȩpä̧'chö̧rö̧'i̧nä̧ ö̧tä̧bo̧tä̧cua̧ Dios.

Hebreos 13:4 Referans Kwoze

Gálatas 5:19

Ttidepä kkü'kekunä̧ kkä̧kuä̧wä̧mä̧, tottünä̧ i̧jȩkua̧'a̧: nä̧tü̧rü̧ jȩä̧'chä̧kuä̧wä̧, surojütä jȩä̧kuä̧wä̧, pä̧wä̧rü̧jü̧nä̧ eseu kkä̧kuä̧wä̧;

Gálatas 5:21

jui'ü ra̧wä̧rä̧kuä̧wä̧'i̧nä̧; tä̧mä̧'chä̧kuä̧wä̧'i̧nä̧, abo 'kuäo'ünä̧ kuäkuäwä'i̧nä̧, ja̧'wa̧ta̧nü̧ jü̧ kkoro jȩä̧'chä̧kuä̧wä̧'i̧nä̧. Mo̧ jidäwinü̧ta'anü̧, jitä'i̧nä̧ ji'äusä, jua̧u̧ jȩpä̧tü̧mä̧ ru̧wa̧ Dio weomȩmä̧ dodettokäkuotü.

1 Corintios 6:9

¿Ukutumä̧ juiyo jerupätüjä̧ tä̧jí̧, suronä̧ jȩpä̧tü̧mä̧, ru̧wa̧ Dio weomȩmä̧ dodettokäkuotü pä'ümä̧? Kua̧mü̧nä̧mä̧ kuyapareäkuäwätukuä: nä̧tü̧rü̧ jȩpä̧'chä̧tü̧'i̧nä̧, ttü̧ä̧nä̧wo̧tü̧rü̧ kku̧nä̧rä̧'chä̧tü̧'i̧nä̧, tti̧rȩkua̧mü̧ pokotüku jȩpä̧'chä̧tü̧'i̧nä̧, u̧mä̧tü̧ nä̧tü̧ jü̧nä̧ jȩ'pä̧chä̧kuä̧wä̧tü̧'i̧nä̧, kkawaruwajuku a̧wa̧ru̧wa̧ku̧ jȩpä̧'chä̧kuä̧wä̧tü̧'i̧nä̧,

1 Corintios 5:13

Dio-tä ja̧'a̧ juätürü pä̧kua̧mä̧. Ja̧'wa̧nü̧ ja̧'a̧nä̧ ukutumä̧ igresia isotü jȩttü̧ päkuätukua pä'ü ja̧'a̧. Ja̧'wa̧nü̧ ja̧'a̧ttü̧, surojü jȩpü̧rü̧mä̧ rä'epü ikuätukuirü.

Efesios 5:5

Ja̧'wa̧ta̧nü̧ wo̧juä̧tü̧jä̧, ya̧tȩ ü'käwoka'a jȩpä̧'chü̧'i̧nä̧, surojünä̧ kkü̧'i̧nä̧, kkorojuei yaboku u̧ju̧nä̧ra̧ pä'ü'i̧nä̧, ttü̧ä̧nä̧wo̧tü̧rü̧ tätäwa'a esetü'i̧nä̧, Dio weomȩmä̧, Crito weomȩmä̧ do'ächokü jä̧kua̧.

1 Timoteo 3:12

Ya̧tȩ Diákunu̧mä̧ irekuarümä̧ yajuterutä ü̧ja̧ pä'ü ja̧'a̧, ja̧'wa̧ta̧nü̧ i̧tti̧mü̧rü̧'i̧nä̧, chutä a̧mü̧nä̧ ojusode'i̧nä̧ weäwä wo̧jua̧.

1 Timoteo 3:4

Ojusode'i̧nä̧ adiu tta̧wä̧rä̧kuä̧wä̧ u̧wo̧jua̧'a̧nü̧ ja̧'a̧ ja̧'wa̧ta̧nü̧ i̧tti̧mü̧rü̧'i̧nä̧ ttukuotäkua'anü̧ u̧wo̧juȩtü̧'a̧nü̧ ja̧'a̧;

1 Corintios 7:38

Ja̧'wa̧nü̧ ja̧'a̧ttü̧ kkirekuorü ȩma̧ju̧ pä'ü weüttümä̧, adiu jȩpü̧; ja̧'wa̧nü̧ ja̧'a̧nä̧, kkirekuorü kkȩma̧ päü juiyüttümä̧, juȩnȩ abonä̧nü̧ adiu jȩpü̧.

Apocalipsis 22:15

Ja̧'wa̧nü̧ ja̧'a̧nä̧ suropätü'i̧nä̧, märipä jȩpä̧'chä̧tü̧'i̧nä̧, nä̧tü̧rü̧ u̧mä̧tü̧rü̧ jȩpä̧'chä̧ttü̧'i̧nä̧, ttü̧ja̧rü̧ kuä'äwätü'i̧nä̧, tätäwä'kiyu esetätü'i̧nä̧ ja̧'wa̧ta̧nü̧ o'katoi'ünä̧ eseu, yapareäkuäwänä̧ kka̧kuä̧tü̧'i̧nä̧ u̧mi̧nä̧tä̧ ttü̧ja̧kui̧'ä̧kuo̧tü̧.

Tito 1:6

Igresia-rü juȩ'ȩpä̧rü̧mä̧ ya̧tȩ yoriso suronä̧ jȩpä̧'i̧jü̧ pä'äwokü ja̧'a̧, irekuarü'i̧nä̧ yajuterütä kkü̧rü̧, ja̧'wa̧ta̧nü̧ i̧tti̧mü̧mä̧ Jesucrito-rü esetü ukuotü ttü̧ja̧kua̧ pä'ü wa̧ ja̧'a̧.

1 Timoteo 5:14

Ja̧'wa̧nü̧ ja̧'a̧ttü̧ mü̧ä̧yotü rȩkua̧mü̧mä̧ ttirekuorü ȩmü̧ i̧tti̧ku̧ ttojusode tta̧'a̧rü̧ ttü̧ja̧kua̧ pä̧wä̧rü̧jä̧ku̧sä̧, ja̧'wa̧nü̧ jü̧ttü̧tä̧ Jesucrito-rü esetokotümä̧ ppättä'choko̧u̧ ttäkuotü.

1 Timoteo 4:3

Juätü ttü̧ja̧mä̧, ttirekuarü ttȩma̧ pä'ü'i̧nä̧ we'okotü ja̧'wa̧ta̧nü̧ Crito-rü esetätü isopäi'ünä̧ wȩnȩ wo̧juȩtä̧tü̧ Dio kuäkuäwä uwäbe'inü̧rü̧ eseu ttukua pä'ü'i̧nä̧ we'okotü ttäkuotü.

2 Corintios 5:10

Isopäi'ünä̧ o'katoi'ünä̧tä̧ ujutumä̧ Crito ä'ka jo̧mȩ (tribunal) pättomȩ ti̧'chi̧'ä̧kuo̧tü̧jä̧; pi̧jä̧ttü̧ ttidepänä̧ ttü̧jä̧i̧ adiunä̧ jȩti̧na̧ja̧ pä'ü'i̧nä̧, surojü jȩti̧na̧ja̧ pä'ü'i̧nä̧, jua̧u̧ mikuä tȩma̧ pä'ü iyomȩ.

1 Corintios 9:5

ja̧'wa̧ta̧nü̧ kkorotü apótore jü̧ta̧'a̧nü̧, Tu̧ru̧wa̧ ü̧jä̧wa̧tü̧ jü̧ta̧'a̧nü̧, Cefa jü̧'a̧nü̧mä̧, Crito-rü esetäjuru tirekua päi'ünä̧ tȩpa̧ pä'ümä̧ jui'ätüjä̧ tä̧jí̧?

1 Timoteo 3:2

Ja̧'wa̧nü̧ ja̧'a̧ttü̧, pi̧yȩ aditäwä kku̧nä̧rü̧mä̧, surojü jȩpä̧'i̧jü̧ jü̧nä̧mä̧ pä'äwokü ja̧'a̧. Irekuarümä̧ yajuterütä u̧ju̧nä̧ra̧ pä'ü ja̧'a̧, idepä kkü'kekumä̧ o'kajuiyünä̧tä̧ tta̧wä̧rä̧kuä̧wa̧ pä'ü wa̧, ja̧'wa̧ta̧nü̧ jȩä̧kuȩ'i̧nä̧ todärenä̧ amükuäda pä'ü ja̧'a̧. Ojusodenä̧ ttü̧ja̧rü̧ doäda pä'ümä̧ 'kuäopünä̧tä̧ jo̧mȩnü̧ ü̧ja̧ pä'ü ja̧'a̧; ja̧'wa̧ta̧nü̧ u̧wo̧juȩta̧ pä'ü'i̧nä̧ jo̧mȩnü̧ wa̧;

Hebreos 12:16

Ya̧tȩ'i̧nä̧ kui̧rȩkua̧mü̧ pokotüku jȩpä̧'chä̧kuä̧u̧ jȩpü̧, Dio jäwä'i̧nä̧ surojuokuepätukuä; ja̧'wa̧nü̧ jȩpi̧nü̧ Esaú-mä̧, ä̧kuo̧mȩnä̧ i̧sa̧ jü̧nä̧ uruwo jä̧ji̧mä̧, kuäkuäwänä̧ mikuä pä'ü iyü ikuinü̧.

1 Corintios 6:18

Ja̧'wa̧nü̧ ja̧'a̧ttü̧ nä̧tü̧rü̧'i̧nä̧, u̧mä̧tü̧rü̧'i̧nä̧ jȩä̧'chä̧kuä̧wä̧ttü̧mä̧ dü'ekuächätukui. Ya̧tȩ kkoro suronä̧ jȩü̧mä̧, jättäpäya̧rü̧mä̧ surojuoepokü; ja̧'wa̧nü̧ ja̧'a̧nä̧ nä̧tü̧rü̧, u̧mä̧tü̧rü̧ jȩä̧'chä̧kuä̧wä̧nä̧ iyäurumä̧, a̧mü̧nä̧ pa̧ja̧tü̧ jä̧ttä̧pä̧ya̧ surojuo'eku.

1 Tesalonicenses 4:6

Kuawaruwä kui̧jä̧wa̧tü̧rü̧mä̧ kuyaparewätukuä; jitäwä'ijüta'anü̧ Tu̧ru̧wa̧ Dio-mä̧ rü̧ȩnä̧ usurä ttȩmä̧u̧nä̧ ro̧ȩpä̧kua̧ ja̧'wa̧nü̧ jȩpä̧tü̧rü̧mä̧.