Hebreos 13:22 - Nuevo Testamento Uwotjüja

²² Chawaruwä chü̧jä̧wa̧tü̧, pi̧yȩ a̧'u̧ku̧nä̧ ro̧'ȩpü̧nü̧ ukuoku chi̧wȩyu̧tä̧ji̧, kua̧mi̧ 'ki'ächi'ünü̧ kuä̧ju̧kuä̧tu̧kua̧ pä'üsä.

TÄ̧DO Ä̧CUÄ̧ I̧HUȨNȨ

²² Chö̧jä̧hua̧tö̧, pi̧yȩ ppädäcuähuä huȩnȩ topö, cuami 'quicuhuächi'ätucua pä'ösä. Pi̧yȩ ji̧'qui̧cha̧nö̧tä̧ huȩyu̧tä̧ji̧sä̧.

Hebreos 13:22 Referans Kwoze

1 Pedro 5:12

Silvano, chi̧jä̧wa̧ a̧'kua̧ wȩnä̧rü̧ pädäkunä̧ ukuturu a̧'u̧ku̧nä̧tä̧ wȩyu̧tu̧ we'üsä, ro̧'ȩpü̧ ji'äu kkä̧nü̧, ja̧'wa̧ta̧nü̧ pi̧yȩ ja̧'a̧ isopäi'ünä̧ Dio mipponä̧ iyinü̧ ukutunä̧ kkü̧mä̧ pä'ü jidäwipa pä'ümä̧.

Hebreos 3:1

Ja̧'wa̧nü̧ ji̧na̧'a̧ttü̧ chü̧jä̧wa̧tü̧, ukutu surojüttü 'kȩ'ȩpü̧ ȩmü̧ iku kkä̧nü̧, Dio i̧tti̧mü̧ päi'ünä̧ woinä̧u̧mä̧, ttu̧'ȩpä̧rü̧ adiu amükuädätukui, apóto jü̧nä̧'i̧nä̧, sacerdote-tü̧ ttu̧ru̧wa̧ jü̧nä̧'i̧nä̧ wa̧mä̧, Crito Jesú-tä ja̧'a̧ tta̧'kua̧ tu̧wȩnä̧rä̧ku̧mä̧.

Gálatas 6:11

¡Amükuädätukui! cha̧mü̧nä̧ pa̧ja̧tü̧, chu̧mü̧nä̧, wȩyu̧kuä̧mä̧ bäreunä̧ chi̧wȩyu̧tä̧u̧jä̧.

2 Corintios 6:1

Ja̧'wa̧nü̧ Dio aditäwä ppä̧dä̧rä̧kuä̧wä̧ isotü ta'attü̧, ukuturu jä'epätüjä̧, Dio rettü iyinü̧mä̧, mikuäwokü jäwä 'kua̧rü̧nä̧mä̧ kuȩmä̧tu̧ku̧ juiya pä'ü.

2 Corintios 5:20

Ja̧'wa̧nü̧ ji̧na̧'a̧ttü̧, ujutumä̧ Crito i̧mi̧nä̧ jitäwiyarü pä'ü weinä̧u̧jä̧, Dio-mä̧ jitäu kuä̧ju̧kui̧yä̧tu̧kua̧rü̧ pä'ü. Ja̧'wa̧nü̧ ja̧'a̧ttü̧ Crito i̧mi̧nä̧ jä̧tȩpä̧u̧jä̧: Dio-ku eseku kuikuätukua pä'ü.

Hebreos 4:11

Ja̧'wa̧nü̧ ja̧'a̧ttü̧, kujuruku amükuädätukui juȩnȩ 'kuä'ächi'ü kkä̧kuä̧wo̧mȩ dode'kuätukua, ya̧tȩ'i̧nä̧ ukuotokotü pinä̧tü̧ jȩtti̧nü̧nä̧ jȩpü̧ i̧'chü̧ juiyäkua'anü̧.

Hebreos 4:1

Ja̧'wa̧nü̧ ja̧'a̧ttü̧, yetekua pä'ü ja̧'a̧, 'kuä'ächi'ü kkä̧kuä̧wä̧ Dio-mä̧ iya päina̧'a̧nä̧, ttu̧'ȩpä̧rä̧kuä̧wä̧tu̧kui̧, yotukunä̧mä̧ dokuächätuku juiyü 'kua̧ra̧'a̧.

Hebreos 2:1

Ja̧'wa̧nü̧ ja̧'a̧ttü̧, tä̧ju̧kuä̧'i̧jü̧mä̧ adiu ttu̧'ȩpä̧rü̧nü̧ tä̧ju̧kua̧ pä'ü rekuä rü̧ja̧'a̧. Jueü mä̧nä̧ttü̧ 'kȩtȩkuä̧chü̧ juiyäkua'anü̧.

2 Corintios 10:1

Ttü Pauru-mä̧, Crito ukuturu eseu re ü̧ji̧nü̧nä̧ jä'epüsä, ukutuku chü̧jo̧mȩnä̧mä̧ adiwä i̧sa̧ pättä'ijäku cha'anä̧, kkara'a chü̧jo̧mȩnä̧mä̧ ujuruku pä'ü pättä'ijäku cha'attü. Jua'a ukuturu topü chichomȩnä̧, ujuturu suronä̧ pä'ä'ijätürü pä̧i̧ku̧nä̧ pädü juiyäkua'anü̧;

Hechos 13:15

Weäwä wȩnȩ'i̧nä̧, profeta-tü̧ wȩyu̧kuä̧'i̧nä̧ to̧pä̧rü̧ ttukuokuäji o'ka'a, sinagoga isode uruwotümä̧ jättepinä̧u̧: —Chawaruwä chi̧jä̧wa̧tü̧, ttü̧ja̧rü̧ jikuäwa päkuätuku kkü̧ttü̧mä̧ jitätä ji'äwätukui, pättinä̧u̧.

Efesios 3:3

Ttürümä̧ chu̧wo̧jui̧pü̧nä̧ i̧jȩkuä̧chi̧nä̧ku̧sä̧ yä̧wä̧i̧nä̧ jäwämä̧, jua̧u̧ tü'kümä̧ a̧'u̧ku̧nä̧ wȩyu̧tu̧ we'äjisä.

Hebreos 12:5

Ja̧'wa̧ta̧nü̧ unichi'inä̧tü̧jä̧, Dio i̧tti̧mü̧rü̧, pa̧'a̧nü̧ ro̧ȩpi̧nü̧mä̧: «Chi̧tti̧, Tu̧ru̧wa̧ ro̧ȩpo̧mȩnä̧mä̧ ya̧kuo̧kuä̧rä̧, ja̧'wa̧ta̧nü̧ suronä̧ jȩ'kui̧yä̧ku̧ jiäwomȩnä̧ kuijuiyuwächi'ä, pä'ijümä̧.

Hebreos 13:19

Ja̧'wa̧nü̧tä̧, yabonü̧ jȩ'kuä̧tu̧kua̧ pä'üsä; pä'äjita'anü̧, jitätä ja̧'a̧ku̧ Dio-rü pä̧wä̧rü̧jo̧mȩnä̧ tochätukuaku pä'ü.