Hebreos 13:21 - Nuevo Testamento Uwotjüja

²¹ surojü juikuätukunä̧, adiwotü kuätukunä̧tä̧ pärotü ikuätukuäku, Churutä pä̧wä̧rü̧jü̧tä̧ adiu o'kajuiyünä̧ jȩ'kuä̧tu̧kuä̧kua̧'a̧nü̧ Jesucrito-nä̧; ¡Jua̧u̧ Crito-rütä gloria pättümä̧, 'kuäopünä̧tä̧ iyäwäkua'a! Amȩ́.

Hebreos 13:21 Referans Kwoze

Filipenses 2:13

Isopäi'ünä̧ Dio-tä ja̧'a̧, ukuturu adiu jȩ'kuä̧tu̧kua̧ pä'ü kuju'kätukunä̧'i̧nä̧, adiu jȩ'kuä̧tu̧ku̧nä̧'i̧nä̧ jȩpü̧mä̧.

2 Tesalonicenses 2:17

'kuäkuächi'ätuku juiyünä̧ kujurutuku ttiyätukuaku pä'ü 'kuäopünä̧ adiwäjueitä kukuokuätukuä ja̧'wa̧ta̧nü̧ adiwäjueitä jȩ'kuä̧tu̧kua̧.

Filipenses 4:13

Crito-nä̧mä̧ o'kajuiyünä̧tä̧ iso juo'epüsä, chujuru iya'attü.

1 Pedro 2:5

Pa̧'a̧nü̧ jo̧mȩttü̧, Dio-mä̧ i̧no̧'kiyä wa'ü ikuoko'ki jä̧'i̧nü̧'a̧nü̧ jü̧nä̧ jȩä̧kuä̧u̧jä̧, Epíritu jäwä ojusode jü̧nä̧'i̧nä̧, ja̧'wa̧ta̧nü̧ ya̧tȩ sacerdote surojü jui̧'a̧ jü̧nä̧'i̧nä̧, Epíritu jäwänä̧ sacrificio jü̧nä̧ Jesucrito-nä̧ iyätukuaku pä'ü Dio esewomȩnä̧.

2 Timoteo 4:18

Ja̧'wa̧ta̧nü̧ Chu̧ru̧wa̧mä̧ surojü aditäwättümä̧ rä'epü ikuinä̧ku̧sä̧ Dio Ru̧wa̧ weomȩ ȩpo̧mȩbü päi'ünä̧. ¡Jua̧u̧mä̧ 'kuäopünä̧tä̧ tesewarü pä̧wä̧rü̧jä̧ku̧!

Filipenses 1:11

Isopäi'ünä̧ Jesucrito ppäda'anä̧tä̧, adiwäjueimä̧ jȩ'kuä̧kuo̧tü̧jä̧ ttü̧ja̧ Dio-rü ukuotü tteseäkuäwarü pä'ümä̧.

2 Corintios 9:8

Ja̧'wa̧ta̧nü̧ Dio-mä̧ o'kajuiyünä̧ ujuru kku̧nä̧rü̧ ja̧'a̧ttü̧, ukuturu rü̧ä̧chü̧nä̧ iyä̧u̧jä̧; kkorotürü ppäkuädätukua pä'ümä̧;

1 Pedro 4:2

Dio-rü pä̧wä̧rü̧jo̧mȩnä̧ tokue'ächomȩbü̧ päi'ünä̧ ü̧jä̧kua̧'a̧nü̧ ttü̧ja̧rü̧ pä̧wä̧rü̧ja̧'a̧ku̧mä̧kü̧.

Hebreos 10:36

Isopäi'ünä̧ rekuo ja̧'a̧nä̧ kua̧mi̧ 'ki'ächi'ü tta̧'a̧rä̧tu̧kui̧, Dio-rü pä̧wä̧rü̧jü̧ jȩpü̧ kä'ädi'ü'kotü, iya päinü̧ kuȩmä̧tu̧kuä̧kua̧'a̧nü̧.

1 Tesalonicenses 5:23

Chutä Dio-tätä, wȩnȩ juiyünä̧ kkä̧kuä̧wä̧ iyütä, jo̧mȩnü̧ surojümä̧ jȩpü̧ ikuätukuäku; ja̧'wa̧ta̧nü̧ o'kajuiyütä kua̧'kua̧rä̧tu̧ku̧mä̧, kua̧'kua̧ru̧wa̧tu̧ku̧'i̧nä̧, kuidepä jättäji'i̧nä̧ Tu̧ru̧wa̧ Jesucrito ichomȩbü päi'ünä̧ surojümä̧ juiyünä̧ tta̧'ä̧rä̧kuä̧wä̧tu̧kui̧.

Judas 1:25

Chutä, Dio ya̧tȩrü̧tä̧, Jesucrito-nä̧ ujuturu surojüttü rä'epü ikuinü̧rü̧, eseäkuäu tiyätukua gloria pättü'i̧nä̧, Chutä ukuo jäwä'i̧nä̧, mo̧ro̧ kki̧ä̧mü̧nä̧. Amȩ́.

1 Juan 2:17

Isopäi'ünä̧ pi̧jä̧mä̧ ja̧'wa̧ta̧nü̧ pi̧jä̧ttü̧ kkü'kekumä̧ o'kajuiyütä beipächa'anä̧; Dio-rü pä̧wä̧rü̧jo̧mȩnä̧ kkü̧mä̧, 'kuäopünä̧tä̧ ü̧jä̧kua̧.

1 Timoteo 1:17

¡'Kuäopünä̧tä̧ kkü̧ Ru̧wa̧rü̧, topäkuäwokü ya̧tȩtä̧ Dio-rü ukuotü tesewätukua! Amȩ́.

Efesios 2:10

Ja̧'wa̧nü̧ ja̧'a̧ttü̧ Dio-tä aditinä̧u̧jä̧: Crito-nä̧tä̧ aditinä̧u̧jä̧ adiwä juei jȩpü̧ tü̧ja̧kua̧ pä'ü, ä'kojitä päi'ünä̧ amükuädü kku̧ni̧nü̧ jua̧u̧ jȩpü̧ tü̧ja̧kuä̧kuȩmä̧.

Apocalipsis 5:9

Ja̧'wa̧nü̧ ja̧'a̧, juätümä̧ ji̧yȩtȩ jareü ra̧wä̧wä̧ ra̧'i̧nä̧tü̧: «Ukutäjä̧, juä'tä kuyäru'tä 'chukuädu'anü̧ wa̧mä̧ ja̧'wa̧ta̧nü̧ sello pättü jȩpü̧ kuiku'anü̧ wa̧mä̧, usurä ȩmä̧u̧ tokue'ächina̧'a̧ttü̧; kukuojanä̧ mitäu ȩmi̧nü̧jä̧, Dio i̧tti̧mü̧ päi'ünä̧, o'katoi'ünä̧ ttü̧ja̧ tti̧wȩnȩ pünä̧ ukuokuätürü'i̧nä̧, ttidepiyu pünä̧'i̧nä̧, jü̧nä̧.

1 Juan 3:22

Ja̧'wa̧nü̧ jo̧mȩnä̧, o'kajuiyünä̧ jätepümä̧ Dio-mä̧ i̧yä̧kuä̧u̧jä̧. Chutä i̧wȩnȩ weütä ukuotü ja̧'wa̧ta̧nü̧ üjü'kütä jȩpü̧ tü̧ja̧kua̧'a̧ttü̧.

Hebreos 13:16

käkuädätukuä adiu ppädäkuäwämä̧; ja̧'wa̧nü̧ jȩpü̧ ttü̧jo̧mȩnä̧mä̧, Dio-mä̧ juiyo eseu.

1 Timoteo 6:16

Jua̧u̧mä̧ chu̧'ä̧kua̧ 'kuäopünä̧tä̧ kkü̧, ttü̧ja̧sa̧mä̧ ya̧tȩ pä'ü'i̧nä̧ ütü'küwächi'ü juiyünä̧ rü̧ȩnä̧ tȩya̧u̧ kkȩdȩpo̧mȩ kkü̧. Ttü̧ja̧sa̧mä̧ tookoku ja̧'wa̧ta̧nü̧ toü juiyünä̧ wa̧. Ja̧u̧nä̧mä̧ ukuo'i̧nä̧, ujuru'i̧nä̧ 'kuäopünä̧tä̧ chutä jäwä kka̧'a̧.

1 Timoteo 5:10

Kkaditäwä adiwäjuei jȩjü̧ttü̧ ttu̧wo̧juä̧kuo̧ju̧, kki̧tti̧mü̧rü̧ adiu kku'utädinomettü̧; kkojusodenä̧ rȩbȩwä̧tü̧rü̧ adiu dojädino̧mȩttü̧; surojü jui'ätürü ttü̧jä̧pi̧yä̧ kkütükinomȩttü̧ ja̧'wa̧ta̧nü̧ usurä ȩmä̧wä̧tü̧rü̧ ppäjädinomȩttü̧. Rüjinä̧mä̧ kkorottü'i̧nä̧ abonä̧nü̧ kkorojuei o'kajuiyünä̧ adiu jȩji̧nomȩttü̧.

1 Tesalonicenses 3:13

Ja̧'wa̧ta̧nü̧ Tu̧ru̧wa̧rü̧ jä'epätüjä̧, Chutätä rü̧ȩnä̧ kua̧'kua̧ ku̧wȩnä̧rä̧tu̧ku̧nä̧, surojü juiyünä̧ kujurutuku iyätukuaku pä'ü. Ja̧'wa̧nü̧ jo̧mȩnä̧ chutä pojopü ȩmi̧nä̧u̧ku̧ ichomȩnä̧ Dio ä'ka jo̧mȩttü̧ ukuturu, jitüjamä̧ suropätü pä'ü jittäu juiyäkua'anü̧. Amȩ́.

Colosenses 4:12

Kui̧rȩjä̧tu̧ku̧ i̧sa̧, Crito-rü esetü, yaboku Dio-rü pä̧wä̧rü̧jo̧mȩnä̧ kui̧'chä̧tu̧kua̧ pä'ü Dio-rü ukuokuä'ijü, Epafra'i̧nä̧ ukuturu te'äu.

Colosenses 3:17

Ja̧'wa̧ta̧nü̧ o'kajuiyünä̧ jȩ'kuä̧tu̧ku̧'i̧nä̧, kukuokuätuku'i̧nä̧ Tu̧ru̧wa̧ Jesú i̧mi̧nä̧ jȩpä̧tu̧kui̧, Crito jȩi̧nü̧ esewätukui jä'o Dio-rümä̧.

Filipenses 4:18

Epafrodito-ku wekuäjätukumä̧ o'kajuiyünä̧ ȩmä̧ji̧sä̧, täkü rekuä rü̧jo̧ko̧ku̧sä̧. Jua̧u̧ ttürü wekuinä̧tu̧ku̧mä̧ adiwina̧'a̧, a̧mȩu̧ nü̧a̧'a̧ jä̧'i̧nü̧'a̧nü̧, ja̧'wa̧nü̧ usurä ȩmä̧u̧ ppädäkuäwä ja̧'a̧ Dio eseunu̧ ȩmü̧mä̧.

Efesios 2:18

Ja̧'wa̧nü̧ ji̧na̧'a̧ttü̧, Jua̧u̧nä̧tä̧ yotukunä̧ Jä'o ü̧ja̧'a̧mä̧ dodepätüjä̧, Epíritumä̧ ji̧nä̧ ya̧tȩnä̧tä̧.

San Mateo 28:20

Ja̧'wa̧ta̧nü̧ o'kajuiyünä̧ ukuturu chu̧wo̧juȩti̧nü̧mä̧ ttukuotünä̧ wo̧juȩtä̧tu̧kui̧, ttümä̧, pi̧jä̧ beipächomȩbü päi'ünä̧ 'kuäopünä̧ mo̧ro̧ ji̧nü̧'a̧kuä̧ ukututäku chü̧jä̧kua̧sä̧.

San Mateo 6:13

Ja̧'wa̧ta̧nü̧ äwettä kka̧kuä̧mü̧ toatü pä'ümä̧ kuȩpä̧tü̧, ja̧u̧ ja̧jü̧ jueimä̧ su̧ro̧pa̧ttü̧ rätopächünä̧tä̧ ppä'äditü. [Isopäi'ünä̧ Mo̧ro̧ kki̧ä̧mü̧nä̧ o'kajuiyünä̧tä̧ ukú kujurutä, kuruwotä, ukú ru̧wa̧ wekutä ja̧'a̧. Amén.]

Apocalipsis 5:13

Ja̧'wa̧ta̧nü̧ o'katoi'ünä̧ Dio uwäbe'inä̧u̧mä̧, mo̧ro̧jä̧nä̧ttü̧'i̧nä̧, pi̧jä̧nä̧ttü̧'i̧nä̧, pi̧jä̧nä̧ dȩa̧'a̧ttü̧'i̧nä̧, rü̧ä̧ duborattü'i̧nä̧, kka̧ku̧mä̧ o'kajuiyütä pättü rä̧mi̧pa̧'a̧ ä̧ju̧kui̧nü̧sä̧: «¡Ruwo deäkänä̧ pü̧rü̧, oweja mü̧ä̧ya̧ jü̧nä̧ wa̧rü̧, Tteseäkuäwarü pä'ütä, ttukuotarü pä'ütä, ja̧'a̧ uruwo üadiwämä̧, mo̧ro̧ kki̧ä̧mü̧nä̧! ja̧'a̧ttü̧».

Apocalipsis 4:6

Ja̧'wa̧ta̧nü̧ ruwo deäkä ä'ka jo̧mȩmä̧ rü̧ä̧ dubora cristal pättü jä̧'i̧nü̧'a̧nü̧ säruwora ri̧na̧'a̧. Ja̧'wa̧ta̧nü̧ ruwo deäkä kkä'ko päte'ü'i̧nä̧, jäyänä̧'i̧nä̧ kka̧kui̧nä̧tü̧ pa̧ja̧kuä̧nü̧ jo̧mȩnä̧ isotü a̧'kua̧rä̧tü̧, ttü'äriyämä̧ ttä'kanä̧'i̧nä̧, ttaboja̧'a̧ku̧nä̧'i̧nä̧ kku̧nä̧rä̧tü̧.

Hebreos 12:23

ja̧'wa̧ta̧nü̧ Dio ä̧kuo̧mȩnä̧ i̧tti̧mü̧, mo̧ro̧jä̧nä̧ wȩyu̧kuo̧tü̧ ttü̧ja̧kuo̧mȩku̧. Tü'küpächi'inä̧tü̧jä̧ Dio-rü, Juez jü̧nä̧ o'katoi'ünä̧rü̧ wa̧ ü̧jo̧mȩku̧ ja̧'wa̧ta̧nü̧ Dio adiunä̧ juoepinä̧u̧ epíritu-tu̧ ttü̧ja̧kuo̧mȩku̧.

1 Tesalonicenses 4:3

Isopäi'ünä̧ Dio-rü pä̧wä̧rü̧jo̧mȩnä̧ kkä̧kuä̧wä̧mä̧: surojü juiyüku juoächäkuäwä ja̧'a̧, tti̧rȩkua̧mü̧ pokotüku jȩä̧'chä̧kuä̧wä̧ttü̧ 'kȩi̧pä̧chä̧kuä̧wä̧ ja̧'a̧,

Colosenses 3:20

Ukutu tti̧tti̧mü̧'i̧nä̧, kuä̧'o̧tü̧rü̧mä̧ ukuotätukui o'kajuiyünä̧, ja̧'wa̧nü̧ jȩ'kuä̧tu̧kuo̧mȩnä̧ Tu̧ru̧wa̧mä̧ eseu.

Filipenses 2:11

Ja̧'wa̧nü̧ jȩpü̧, o'katoi'ünä̧ ukuokuätümä̧ Jesucrito-rümä̧ Tu̧ru̧wa̧ pättünä̧, jua'a yabo Jä'o Dio-rü uruwo tteseäkuäwa pä'ü.

Gálatas 1:5

¡Jua̧u̧ru̧tä̧, mo̧ro̧ kki̧ä̧mü̧nä̧ teseäkuäwätukua! Amȩ́.

Romanos 11:36

Isopäi'ünä̧ Dio-ttü ichinü̧tä̧ ja̧'wa̧ta̧nü̧ Chutä aditäwätä ja̧'wa̧ta̧nü̧ Chutä üäre ja̧ pä'ü o'kajuiyünä̧ aditinü̧tä̧ ja̧'a̧mä̧. ¡Jua̧u̧ Dio-rütä tesewarü, pä'ütä ja̧'a̧, mo̧ro̧ kki̧ä̧mü̧nä̧! Amȩ́ (ja̧'wa̧nü̧tä̧ ja̧'a̧).

2 Pedro 3:18

Ja̧'wa̧nü̧ ja̧'a̧nä̧ Tu̧ru̧wa̧ Jesucrito surojüttü kki̧'ä̧kuä̧wa̧rü̧tä̧ adiunä̧nü̧ wo̧juä̧tü̧kui̧ ja̧'wa̧ta̧nü̧ eseäkuäwänä̧ büó juo'ätukui. Jua̧u̧ru̧mä̧ jitä'i̧nä̧, yodoji'i̧nä̧ tesewarüjä̧. Amȩ́.

Romanos 16:27

Ja̧'wa̧nü̧ ji̧na̧'a̧mä̧ ¡Ya̧tȩtä̧ tü̧ä̧nä̧wa̧ Dio wo̧jua̧rü̧ eseäkuäwätä ja̧'a̧, Tu̧ru̧wa̧ Jesucrito-nä̧tä̧ mo̧ro̧ kki̧ä̧mü̧nä̧! A̧mȩ.

San Juan 17:23

Ttü'i̧nä̧ juätünä̧ chu̧ju̧nä̧ ja̧'wa̧ta̧nü̧ uku'i̧nä̧ ttünä̧ ku̧ju̧ta̧'a̧nü̧, jua'amä̧ ji̧nä̧ ji̧yȩtȩnä̧ jo̧mȩnü̧ ttäkua'anü̧, pi̧jä̧ ttü̧ja̧ ttürü wekuina̧'a̧ ttu̧wo̧jui̧pü̧nä̧ ja̧'wa̧ta̧nü̧ ttürü eseu repekuä'ijüta'anü̧, juätürü'i̧nä̧ eseu repekua'a pi̧jä̧ ttü̧ja̧ ttu̧wo̧juä̧kua̧'a̧nü̧.

San Juan 7:17

Ya̧tȩ Dio-rü pä̧wä̧rü̧jü̧ jȩa̧ pä'ütä ja̧'a̧, isopäi'ünä̧ Ttü chu̧wo̧juȩtü̧, Dio-ttü ichü pä'ü wo̧jua̧mä̧ ja̧'wa̧ta̧nü̧ jü̧ juiyüttü'i̧nä̧, churutä pä̧wä̧rü̧jü̧tä̧ wo̧juȩtü̧tó pä'ü wo̧jua̧mä̧.

San Mateo 21:31

¿Juätüttü, jä'o weäji jȩpi̧nü̧mä̧, dí ji̧na̧'a̧jä̧ttü̧?, päomȩnä̧: —Ä̧kuo̧mȩnä̧ i̧sa̧ —pä'ü, ädätinä̧tü̧. Ttädätiyäku Jesú-mä̧ päinä̧u̧: —Isopäi'ünä̧ pädäu̧jä̧, Roma-ra̧'a̧ iyäwä pärätä ka̧ka̧tä̧'i̧jä̧tü̧tä̧ ja̧'wa̧ta̧nü̧ nä̧tü̧ u̧mä̧tu̧ku̧ surojuo'ätütä ru̧wa̧ Dio weomȩku̧ ä'kanä̧ dodepätümä̧.

San Mateo 7:21

O'katoi'ünä̧ chu̧ru̧wa̧, chu̧ru̧wa̧ pätta'anä̧ o'katoi'ünä̧mä̧ mo̧ro̧jä̧ jäwä weomȩmä̧ do'ächokotü ttäkuotü, suro chä'o Dio mo̧ro̧jä̧nä̧ kkü̧ üjü'komȩnä̧ jȩpä̧tü̧tä̧ jä̧kua̧'a̧ do'ächätümä̧.

San Mateo 12:50

Isopäi'ünä̧ Chä'o mo̧ro̧jä̧nä̧ kkü̧ üjü'komȩnä̧ jȩpä̧ju̧tä̧ ja̧'a̧ cha̧ju̧ wajumä̧, chijäwaju wajumä̧ ja̧'wa̧ta̧nü̧ chi̧jä̧wa̧ wa̧mä̧.

2 Timoteo 3:17

ja̧'wa̧nü̧ jo̧mȩnä̧ Dio umüwäyotümä̧ adiwäjuei jȩtta̧ pä'ümä̧ jo̧mȩnü̧ wo̧juȩkuo̧tü̧ ttü̧ja̧kuä̧kuo̧tü̧.

Hebreos 12:28

Ja̧'wa̧nü̧ ja̧'a̧ttü̧ ujutumä̧ ȩmä̧tü̧jä̧ Ru̧wa̧ Dio weü wȩnȩ pporächi'okü jäwä. Ja̧'wa̧nü̧ ja̧'a̧ttü̧ Jua̧u̧ Dio-rü tesewätukuarü; Chutä üjü'komȩnä̧.